COVID-19 အကသံၣ်ဒီသဒၢတၢ်ဆါ

ဘၣ်ဃးဒီး COVID-19 အကသံၣ်ဒီသဒၢတဖၣ်

ပှၤကိးဂၤဒဲးလၢအီးစတြ့လယါအပူၤလၢအသးအိၣ် 5 နံၣ်ဒီးဆူအဖီခိၣ်,ဒီးဖိသၣ်တနီၤလၢအသးအိၣ် 6 လါတုၤ 4 နံၣ်တဖၣ်,ကြၢးဘၣ်တုၤထီၣ်ဘး၀ဲဒၣ်လၢ COVID-19 အကသံၣ်ဒီသဒၢအဂီၢ်လီၤ.

ကွၢ်ဃုကသံၣ်ဒၢးတဖျၢၣ်ဒီးမၤန့ၢ်တၢ်သ့ၣ်နံၤဖးသီတက့ၢ် 

COVID-19 အကသံၣ်ဒီသဒၢတဖၣ်န့ၣ်အိၣ်ကလီ၀ဲဒၣ်လၢပှၤကိးဂၤဒဲးလၢအီးစတြ့လယါအပူၤအဂီၢ်လီၤ တၢ်အံၤပာ်ဃုာ်ပှၤလၢတအိၣ်ဒီး Medicare အကး, ပှၤတမှံၤလၢထံ ကီၢ်အဂၤ,ထံဂုၤကီၢ် ဂၤကၠိဖိတ ဖၣ်,ပှၤသုးလီၢ်အိၣ်လီၢ်ကျဲဃုဖံးဃုမၤတဖၣ်ဒီးပှၤဃ့တၢ်အိၣ်ကဒုအလီၢ်တဖၣ်န့ၣ်လီၤ.

တၢ်ဆဲးဒီသဒၢနသးကမၤစၢၤဒီသဒၢနၤ,နဟံၣ်ဖိဃီဖိဒီးနပှၤတ၀ၢလၢ COVID-19 န့ၣ်လီၤ.

အီးစတြ့လယါအပဒိၣ်တပာ်လီၤတၢ်ဆဲးကသံၣ်ဒီသဒၢဒ်တၢ်ဘျၢလၢလ့ၤတက့ၤတၢ်ကဘၣ်လူၤပိာ်မၤထွဲဆဲးအီၤအသိးဘၣ်ဒီးနဃုထၢလၢတၢ်တဆဲးဒီသဒၢနသးဒီး COVID-19 ဘၣ်န့ၣ်သ့လီၤ.

ကီၢ်စဲၣ်ဒီးဟီၣ်က၀ီၤဒိၣ်အကမျၢၢ်အတၢ်အိၣ်ဆူၣ်အိၣ်ချ့တနီၤဟ့ၣ်လီၤတၢ်ကလုၢ်လၢတၢ်ကဘၣ်ဆဲးကသံၣ်ဒီသဒၢလၢတၢ်အိၣ်သးလီၤလီၤဆီဆီအဂီၢ်န့ၣ်သ့လီၤ. အဒိန့ၣ်, တၢ်ဖံးတၢ်မၤအကလုာ်တနီၤဒီးလၢပှၤတ၀ၢအတၢ်ဟူးတၢ်ဂဲၤတနီၤအဂီၢ်လီၤ.

ကသံၣ်ဒီသဒၢတဖၣ်ပူၤဖျဲး၀ဲလီၤ

တၢ်ဆဲး COVID-19 အကသံၣ်ဒီသဒၢန့ၣ်ပူၤဖျဲး၀ဲဒၣ်ဒီးမၤပူၤဖျဲးသးသမူလီၤ. လၢအီးစတြ့လယါအပူၤ, တၢ်ကူစါယါဘျါအပီးအလီအတၢ်ပၢဆှၢရဲၣ်ကျဲၤ ကရၢ (TGA) ကွၢ်ဟုၣ် COVID-19 အကသံၣ်ဒီသဒၢအတၢ်ပူၤဖျဲးဒီးကသံၣ်အတၢ်ဒိဘၣ် မၤဟူးတဖၣ်ဆူညါဘူးဘူးလီၤ.

မၤလိန့ၢ်အါထီၣ်ဘၣ်ဃးကသံၣ်ဒီသဒၢတခါစုာ်စုာ်လၢအအိၣ်၀ဲဒၣ်လၢအီးစတြ့လယါအပူၤန့ၣ်တက့ၢ်-

• Comirnaty (Pfizer)
• Nuvaxovid (Novavax)
• Spikevax (Moderna)

ဖဲနမ့ၢ်အိၣ်ဒီးတၢ်သံကွၢ်မ့တမ့ၢ်တၢ်ဘၣ်ယိၣ်တမံၤလၢ်လၢ်ဖဲနဆဲးကသံၣ်ဒီသဒၢ၀ံၤအလီၢ်ခံန့ၣ်, ဆဲးကျိးဘၣ်နတၢ်ဆဲးကသံၣ်ဒီသဒၢအကသံၣ်ဒၢးမ့တမ့ၢ် ကသံၣ်သရၣ်တက့ၢ်.

မ့ၢ်မတၤကြၢးဆဲးဒီသဒၢအသးလဲၣ်

ပှၤကိးဂၤဒဲးလၢအသးအိၣ် 5 နံၣ်ဒီးဆူအဖီခိၣ်ကြၢးဆဲးဒီသဒၢအသးထီဒါ COVID-19 န့ၣ်လီၤ.

လၢတၢ်ကမၤန့ၢ်တၢ်ဒီသဒၢအဂ့ၤကတၢၢ်လၢတၢ်ဆူးဆါထီၣ်ဒိၣ်ဒိၣ်မ့တမ့ၢ်တၢ်သံလၢ COVID-19 အဂီၢ်, နကြၢးအီ၀ဲဒၣ်ကယဲၢ်မ့ၢ်ကသံၣ်အဖျၢၣ်တဖၣ်လၢတၢ်ဟ့ၣ်ကူၣ်အီၤလၢနသးနံၣ်ဒီးတၢ်အိၣ်ဆူၣ်အိၣ်ချ့အတၢ်လိၣ်ဘၣ်တဖၣ်အဂီၢ်လီၤ.

ဖိသၣ်တနီၤလၢအသးအိၣ် 6 လါတုၤ 4 နံၣ် တဖၣ်ကြၢးဘၣ်တုၤထီၣ်ထီၣ်ဘး၀ဲဒၣ်လၢ COVID-19 အကသံၣ်ဒီသဒၢဖဲအ၀ဲသ့ၣ်-

• အဂံၢ်တြီဆၢတၢ်ဆါအသနူစၢ်နးနးကလဲာ်
• အိၣ်ဒီးသးနီၢ်ခိတလၢတပှဲၤတဆူၣ်တချ့,မ့တမ့ၢ်
• အိၣ်ဒီးတၢ်အိၣ်ဆူၣ်အိၣ်ချ့အတၢ်အိၣ်သးလၢအဘံဘူဒီးမ့တမ့ၢ်အကလုာ်ကလုာ်လၢအမၤအါထီၣ်အတၢ်လီၤပျံၤလၢအကဲတၢ်အနးဘၣ်ထွဲဒီး COVID-19 န့ၣ်လီၤ.

ဖိသၣ်လၢအသးအိၣ် 6 လါတုၤ 4 နံၣ် ကြၢးမၤန့ၢ်-

• ကသံၣ်အခိၣ်သ့ၣ်ခံဖျၢၣ်လၢအမ့ၢ်၀ဲဒၣ် COVID-19 အကသံၣ်ဒီသဒ.
• ကသံၣ်အခိၣ်သ့ၣ်သၢဖျၢၣ်တဖျၢၣ်ဖဲအ၀ဲသ့ၣ်အဂံၢ်တြီဆၢတၢ်ဆါအသနူစၢ်နးနးကလဲာ်အခါ

ဖိသၣ်လၢအသးအိၣ် 5 တုၤ 17 နံၣ် ကြၢးမၤန့ၢ်-

• COVID-19 အကသံၣ်ဒီသဒၢအခိၣ်သ့ၣ်ခံဖျၢၣ်
• ကသံၣ်အခိၣ်သ့ၣ်သၢဖျၢၣ်တဖျၢၣ်ဖဲအ၀ဲသ့ၣ်အဂံၢ်တြီဆၢတၢ်ဆါအသနူစၢ်နးနးကလဲာ်အခါ
• ကသံၣ်ဆဲးဆူၣ်ထီၣ်ဒီသဒၢတၢ်ဆါတဖျၢၣ်ဖဲ-
  • ဖဲအ၀ဲသ့ၣ်အဂံၢ်တြီဆၢတၢ်ဆါအသနူစၢ်နးနးကလဲာ်အခါ
  • အ၀ဲသ့ၣ်အိၣ်ဒီးသးနီၢ်ခိတလၢတပှဲၤတဆူၣ်တချ့
  • အိၣ်ဒီးတၢ်အိၣ်ဆူၣ်အိၣ်ချ့အတၢ်အိၣ်သးလၢအဘံဘူဒီးမ့တမ့ၢ်အကလုာ်ကလုာ်လၢအမၤအါထီၣ်အတၢ်လီၤပျံၤလၢအကဲတၢ်အနးဘၣ်ထွဲဒီး COVID-19 န့ၣ်လီၤ.
  • အိၣ်လံ 6 လါစးထီၣ်လၢအဆဲးဘၣ်အကသံၣ်ဒီသဒၢအ ကတၢၢ်တဖျၢၣ်မ့တမ့ၢ်တၢ်တဲလီၤတံၢ်လၢအမၤန့ၢ်ဘၣ် COVID-19 အတၢ်ဘၣ်ကူဘၣ်ဂာ်န့ၣ်လီၤ.

နကသံၣ်သရၣ်မၤစၢၤနၤလၢတၢ်ကဆၢတဲာ်လီၤမ့ၢ်နဖိကြၢးမၤန့ၢ်ကသံၣ်ဆဲးဆူၣ်ထီၣ်ဒီသဒၢတၢ်ဆါတဖျၢၣ်ဧါန့ၣ်သ့လီၤ.

ပှၤကိးဂၤဒဲးလၢအသးအိၣ် 18 နံၣ်ဒီးဆူအဖီခိၣ်ကြၢးမၤန့ၢ်-

• COVID-19 အကသံၣ်ဒီသဒၢအခိၣ်သ့ၣ်ခံဖျၢၣ်လီၤ
• ကသံၣ်အခိၣ်သ့ၣ်သၢဖျၢၣ်တဖျၢၣ်ဖဲအ၀ဲသ့ၣ်မ့ၢ်ပှၤလၢအဂံၢ်တြီဆၢတၢ်ဆါအသနူန့ၣ်စၢ်၀ဲဒၣ်နးနးကလဲာ်အခါ

ပှၤကိးဂၤဒဲးလၢအသးအိၣ် 18 နံၣ်ဒီးဆူအဖီခိၣ်ဆိက မိၣ်ထီၣ်တၢ်ကဆဲးကသံၣ်ဆဲးဆူၣ်ထီၣ်ဒီသဒၢတၢ်ဆါတဖျၢၣ်ဖဲအဆဲးဘၣ်အကသံၣ်အကတၢၢ်တဖျၢၣ်အိၣ်လံ 6 မ့တမ့ၢ်ဖဲတၢ်မ့ၢ်တဲလီၤတံၢ်လၢအဘၣ်ကူဘၣ်ဂာ်ဒီး COVID-19 အခါန့ၣ်လီၤ.

မၤလိန့ၢ်အါထီၣ်ဘၣ်ဃး COVID-19 အကသံၣ်ဆဲးဆူၣ်ထီၣ်ဒီသဒၢတၢ်ဆါအတၢ်ဟ့ၣ်ကူၣ်တက့ၢ်.

ဖိသၣ်

COVID-19 အကသံၣ်ဒီသဒၢတၢ်ပူၤဖျဲးအတၢ်ဂ့ၢ်ထၢဖှိၣ်ပာ်အသးလၢအအိၣ်ဒီး AusVaxSafety ဒုးနဲၣ်၀ဲဒၣ်လၢဖိသၣ် လၢအသးအိၣ် 5 တုၤ 15 နံၣ်ပာ်ဖျါထီၣ်ကသံၣ်အ တၢ်ဘၣ်ဒိဘၣ်ထံးလၢဖဲအ၀ဲသ့ၣ်ဆဲး၀ဲဒၣ် COVID-19 အကသံၣ်ဒီသဒၢအနံၤန့ၣ်စှၤန့ၢ်ဒံးကသံၣ်တၢ်မၤကွၢ်တဖၣ်အပူၤန့ၣ်လီၤ.

တၢ်အုၣ်သးလၢ COVID-19 အကသံၣ်ဒီသဒၢတဖၣ် ဒုးကဲထီၣ်ခါဆူညါချံသၣ်အတၢ်ဂ့ၢ်ကီလၢဖိသၣ်အပူၤန့ၣ်တအိၣ်ဘၣ်.

မၤလိန့ၢ်အါထီၣ်ဘၣ်ဃး COVID-19 အကသံၣ်ဒီ သဒၢတဖၣ်လၢဖိသၣ်ဒီးသးစၢ်လိၣ်ဘိတဖၣ်အဂီၢ်တက့ၢ်.

မိၢ်ဒၢမ့တမ့ၢ်ပိာ်မုၣ်ဒုးအီၣ်အဖိနုၢ်တဖၣ်

COVID-19 အကသံၣ်ဒီသဒၢတဖၣ်န့ၣ်ပူၤဖျဲး၀ဲဒၣ် ဖဲနမ့ၢ်ဒၢအခါ,ဒုးအီၣ်ဖိနုၢ်အခါမ့တမ့ၢ်ရဲၣ်ကျဲၤကဒၢထီၣ်အခါန့ၣ်လီၤ. နဒိးန့ၢ်ကသံၣ်ဆဲးဒီသဒၢလၢနတၢ်ဒၢထီၣ်အပတီၢ်တခါလၢ်လၢ်န့ၣ်သ့လီၤ.

မၤလိအါထီၣ်ဘၣ်ဃးတၢ်ဒၢထီၣ်,တၢ်ဒုးအီၣ်နုၢ်,ဒီး COVID-19 အကသံၣ်ဒီသဒၢတဖၣ်တက့ၢ်.

ပှၤလၢအအိၣ်ဒီးသးနီၢ်ခိက့ၢ်ဂီၤတလၢတပှဲၤတဆူၣ် တချ့တဖၣ်

ပှၤလၢအအိၣ်ဒီးသးနီၢ်ခိတလၢတပှဲၤတဆူၣ်တချ့န့ၣ်ဘၣ်ကွၢ်ဆၢၣ်မဲာ်တၢ်လီၤပျံၤအဒိၣ်အမုၢ်လၢအဘၣ်ထွဲဒီးတၢ်ဆူးဆါထီၣ်ဒီး COVID-19 လၢအနးဒီးကြၢးဆဲးဒီသဒၢအသးန့ၣ်လီၤ.

ဖဲနမ့ၢ်အဲၣ်ဒိးအါထီၣ်တၢ်မၤစၢၤမ့တမ့ၢ်တၢ်ဆီၣ်ထွဲအခါ, နကိး၀ဲဒၣ်သးနီၢ်ခိက့ၢ်ဂီၤတလၢတပှဲၤတဆူၣ်တချ့ကျဲစၢၤအတၢ်မၤစၢၤအလီကျိၤ (Disability Gateway Helpline) လၢ 1800 643 787 န့ၣ်သ့လီၤ. အ၀ဲသ့ၣ်မၤန့ၢ်နၤဒီးတၢ်သ့ၣ်နံၤဖးသီတခါသ့လီၤ.

ဖဲနမ့ၢ်လိၣ်ဘၣ်ပှၤကတိၤကျိးတၢ်တၢ်တဂၤအခါ, ကိးဘၣ် တၢ်ကျိးထံဒီးတၢ်ကတိၤကျိးထံအတၢ်မၤစၢၤ လၢ 131 450 ဒီးမၢအ၀ဲသ့ၣ်လၢအကကိးန့ၢ်နၤလီ တဲစိဆူ Disability Gateway တက့ၢ်.

ပှၤလၢအအိၣ်ပာ်ဒီးတၢ်အိၣ်ဆူၣ်အိၣ်ချ့အတၢ်ဂ့ၢ်ကီတဖၣ်

ပှၤလၢအအိၣ်ပာ်စၢၤဒီးတၢ်အိၣ်ဆူၣ်အိၣ်ချ့အတၢ်ဂ့ၢ်ကီတဖၣ်န့ၣ်အိၣ်ဒီးတၢ်လီၤပျံၤအဒိၣ်လၢအကဆူးဆါထီၣ်နးနးကလဲာ်လၢ COVID-19 န့ၣ်ကြၢးဆဲးဒီသဒၢအသး န့ၣ်လီၤ.

ကတိၤတၢ်ဒီးနညီနုၢ်တၢ်အိၣ်ဆူၣ်အိၣ်ချ့အပှၤဟ့ၣ်တၢ် ဘၣ်ဃးကသံၣ်ဒီသဒၢအဂ့ၤကတၢၢ်တခါလၢနတၢ်အိၣ် သးအဂီၢ်န့ၣ်တက့ၢ်.

မ့ၢ်တၢ်ကဆဲးဒီသဒၢသးလၢတၢ်လီၢ်ဖဲလဲၣ်

နမၤန့ၢ် COVID-19 အကသံၣ်ဒီသဒၢသ့၀ဲဒၣ်ဖဲ-

• ခီၣ်မီ၀ဲး(သ)တၢ်ဆဲးကသံၣ်ဒီသဒၢအကသံၣ်ဒၢးတဖၣ်
• ကသံၣ်သရၣ်ကူဆါတၢ်ဆူးတၢ်ဆါအါမံၤအကသံၣ်ဒၢးလၢအပာ်ဃုာ်ပာ်ဂီၢ်တဖၣ်
• အဘီရံကၠၢၣ်နၢၣ်ဖီၣ်ဂၢၢ်ဒုးလဲၤတရံးပှၤတ၀ၢတၢ်အိၣ်ဆူၣ်အိၣ်ချ့အတၢ်မၤစၢၤတဖၣ်
• ကီၢ်စဲၣ်ဒီးဟီၣ်က၀ီၤအကသံၣ်ဆဲးဒီသဒၢအကသံၣ်ဒၢးတဖၣ်ဒီး
• ကသံၣ်ကျးလၢအပာ်ဃုာ်ပာ်ဂီၢ်တဖၣ်အပူၤန့ၣ်လီၤ.

ထီရီၤကသံၣ်သရၣ်တဖၣ်ဃ့နၤဒီးကသံၣ်ဒီသဒၢအလဲတသ့ဘၣ်.

လၢတၢ်ကထံၣ်န့ၢ်တၢ်ဆဲးကသံၣ်ဒီသဒၢအကသံၣ်ဒၢး လၢအဘူးဒီးနၤတဖျၢၣ်ဒီးမၤန့ၢ်တၢ်သ့ၣ်နံၤဖးသီလၢနကဆဲးကသံၣ်ဒီသဒၢအဂီၢ်, သူဘၣ် ကသံၣ်ဒီသဒၢအကသံၣ်ဒၢးအတၢ်ဃုတၢ် တက့ၢ်.

ဖဲနမ့ၢ်လိၣ်ဘၣ်လီတဲစိမ့တမ့ၢ်မဲာ် သကိးမဲာ်တၢ် ကတိၤကျိးထံတၢ်လၢနတၢ်ဆဲးကသံၣ်ဒီသဒၢအတၢ်သ့ၣ်နံၤဖးသီအဂီၢ်အခါ,ကိးဘၣ်တၢ်ကျိးထံဒီးတၢ်ကတိၤကျိးထံအတၢ်မၤစၢၤအတၢ်ဖံးတၢ်မၤလၢ 131 450.တက့ၢ်.

EVA, ဘၣ်တၢ်သ့ၣ်ညါစ့ၢ်ကီးအီၤဒ်တၢ်မၤန့ၢ်သူ ကသံၣ်ဒီသဒၢ လၢအညီ (Easy Vaccine Access), မ့ၢ်တၢ်မၤစၢၤအတၢ်ဖံးတၢ်မၤတခါလၢတၢ်ကမၤစၢၤနၤလၢနကမၤန့ၢ် COVID-19 အတၢ်ဆဲးကသံၣ်ဒီ သဒၢအတၢ်သ့ၣ်နံၤဖးသီတဖၣ်လၢလီတဲစိအဖီခိၣ်လၢနကစၢ်အကျိာ်ဒၣ်နဲန့ၣ်လီၤ. EVA လဲၤတရံးမၤတၢ်စးထီၣ်ဂီၤ 7နၣ်ရံၣ်တုၤဟါ 10နၣ်ရံၣ်(မုၢ်ထီၣ်တၢ်ဆၢကတီၢ်),တနွံ 7 သီလီၤ. မၤလိန့ၢ်အါထီၣ်ဘၣ်ဃး EVA တက့ၢ်.

ဖဲန Medicare အကးမ့ၢ်တအိၣ်အခါ

ဖဲန Medicare အကးမ့ၢ်တအိၣ်အခါ, နမၤန့ၢ်နကသံၣ်ဒီသဒၢလၢတလိၣ်ဟ့ၣ်အပှ့ၤလၢပှၤတ၀ၢအကသံၣ်ကျါ်တဖၣ်ဒီးကီၢ်စဲၣ်မ့တမ့ၢ်ဟီၣ်က၀ီၤဒိၣ်တၢ်ဆဲးကသံၣ်ဒီသဒၢအကသံၣ်ကျးတဖၣ်(ဖဲအ၀ဲသ့ၣ်မ့ၢ်လဲၤတရံးမၤတၢ်ဒံးအခါ

တချုးန COVID-19 အကသံၣ်ဒီသဒၢ

ဖဲနမ့ၢ်တဆဲးဒီသဒၢဘၣ်ဒံးနသးတခီ, မၤန့ၢ်တၢ်သ့ၣ်နံၤဖးသီတခါတက့ၢ်.

ကွၢ်ဃုကသံၣ်ဒၢးတဖျၢၣ်ဒီးမၤန့ၢ်တၢ်သ့ၣ်နံၤဖးသီတက့ၢ် 

ဖဲနမ့ၢ်အိၣ်ဒီး Medicare အကးတဘ့ၣ်အခါ,သမံသမိးဘၣ်နတၢ်ဂ့ၢ်တၢ်ကျိၤလီၤတံၢ်လီၤဆဲးတဖၣ်ကဲတၢ်အသီခဲလၢာ်န့ၣ်တက့ၢ်-

• ခီဖျိတၢ်လဲၤကွၢ်ဖဲန Medicare လီပှာ်ယဲၤအဖီခိၣ်အစရီ ခီဖျိmyGov
• အိၣ်လၢExpress Plus Medicare appအပူၤ
• ခီဖျိတၢ်ကိး၀ဲဒၣ် Services Australia.

ဘၣ်တဘၣ်တၢ်ကသံကွၢ်နၤလၢနကမၤပှဲၤလီၤလံာ်တၢ်အၢၣ်လီၤဟ့ၣ်တၢ်ပျဲတခါတချုးနတၢ်သ့ၣ်နံၤဖးသီ,မ့တမ့ၢ်ဖဲနမၤ၀ဲဒၣ်ကသံၣ်ဒီသဒၢအတၢ်ဆၢတဲာ်တခါလၢပှၤအဂၤတဂၤအဂီၢ်အခါန့ၣ်လီၤ.

ဖးဘၣ် တၢ်အၢၣ်လီၤဟ့ၣ်တၢ်ပျဲအလံာ်တကွီၢ်ဒိ တက့ၢ်.

ဖးဘၣ် တၢ်ဂ့ၢ်တၢ်ကျိၤဒီးတၢ်ပျဲအလံာ်တကွီၢ်ဒိလၢဖိသၣ်အသးအိၣ် 5 နံၣ်တုၤ 11 နံၣ်အဂီၢ်တက့ၢ်.

ဖဲန COVID-19 အကသံၣ်ဒီသဒၢ၀ံၤအလီၢ်ခံ

နကဘၣ်တၢ်ကွၢ်ဟုၣ်နၤလၢအစှၤကတၢၢ် 15 အဂီၢ်ဖဲ နဆဲးဒီသဒၢနသး၀ံၤအလီၢ်ခံလၢတၢ်ကသ့ၣ်ညါမ့ၢ်ကသံၣ်အတၢ်တဖိးဒီးနၤအတၢ်ခီဆၢလၢတနါစိၤမၤအသးကဲထီၣ်တခါခါဧါန့ၣ်လီၤ ပှၤတဂၤလၢအဟ့ၣ်လီၤနၤဒီးကသံၣ်ဒီသဒၢန့ၣ်န့ၢ်ဘၣ်တၢ်သိၣ်လိလၢကမၤစၢၤနၤလၢကသံၣ်အတၢ်ခီဆၢသ့ၣ်တဖၣ်အံၤအဂီၢ်တဘျီဃီန့ၣ်လီၤ.

ညီနုၢ်ကသံၣ်အတၢ်ဘၣ်ဒိလၢအကဲထီၣ်၀ဲဒၣ်လၢ COVID-19 အကသံၣ်ဒီသဒၢတဖၣ်န့ၣ်စၢ်၀ဲဒၣ်ဒီး ဟါမၢ်ကွံာ်၀ဲဒၣ်လၢ 1 သီတုၤ 2 သီအတီၢ်ပူၤန့ၣ်လီၤ. ကသံၣ်အတၢ်ဘၣ်ဒိ ဘၣ်ထံးလၢအညီနုၢ်ကဲထီၣ်တဖၣ်ပာ်ဃုာ်-

• စုဒုၣ်ဖဲထးလဲၤနုာ်လီၤအလီၢ်ဆါ
• လီၤဘှံးလီၤတီၤ
• ခိၣ်သၣ်ဃံဆါ
• ယုၢ်ညၣ်ဆါ
• တၢ်လိၤကိၢ်ဒီးခုၣ်ကနိးတဖၣ်န့ၣ်လီီၤ.

ဒ်ကသံၣ်ကသီမ့တမ့ၢ်ကသံၣ်ဒီသဒၢတမံၤလၢ်လၢ်အသိး, ကသံၣ်အတၢ်ဘၣ်ဒိဘၣ်ထံးလၢတနါစိၤကဲထီၣ် မ့တမ့ၢ်တၢ်တသ့ၣ်ညါအီၤန့ၣ်အိၣ်၀ဲဒၣ်လီၤ. ဖဲနမ့ၢ်ဆိကမိၣ်လၢနအိၣ်ဒီးကသံၣ်အတၢ်ဘၣ်ဒိဘၣ်ထံးလၢအနးတဖၣ်အခါန့ၣ်ဆဲးကျိးဘၣ်နတၢ်အိၣ်ဆူၣ်အိၣ်ချ့တၢ်ကွၢ်ထွဲကဟုကယာ်အပှၤစဲၣ်နီၤမ့တမ့ၢ် National Coronavirus Helpline အလီကျိၤတက့ၢ်.

1800 020 080

ဖဲနမ့ၢ်လိၣ်ဘၣ်ပှၤကတိၤကျိးထံတၢ်တဂၤအခါ, ကိးဘၣ် National Coronavirus Helpline ဒီးဃုထၢ တၢ်ဃုထၢ 8 တက့ၢ်.

တၢ်ဆဲးဒီသဒၢကသံၣ်ဒီသဒၢအတၢ်အုၣ်သး

နမၤန့ၢ်နတၢ်ဆဲး COVID-19 အကသံၣ်ဒီသဒၢအ တၢ်အုၣ်သးခီဖျိတၢ်မၤန့ၢ်သူနတၢ်ဆဲးကသံၣ်ဒီသဒၢအတၢ်စံၣ်စိၤအတၢ်ပာ်ဖျါန့ၣ်သ့လီၤ.

နမၤန့ၢ်နတၢ်ဆဲးဒီသဒၢသးဒီးကသံၣ်ဒီသဒၢအတၢ်စံၣ်စိၤတၢ်ပာ်ဖျါသ့၀ဲဒၣ်လၢ -

• လီပှာ်ယဲၤအဖီခိၣ်,ခီဖျိတၢ်ဆီလီၤန myGov အစရီ ဒီးမ့ၢ်၀ံၤမၤန့ၢ်သူန Medicare လီပှာ်ယဲၤအဖီခိၣ်အစရီ
• ခီဖျိExpress Plus Medicare mobile app.

ဖဲန Medicare အကးမ့ၢ်တအိၣ်အခါ,မ့တမ့ၢ်နခွဲးယာ် လၢတၢ်ကသူ myGov အစရီမ့ၢ်တအိၣ်အခါ, နမၤန့ၢ်နတၢ်ဆဲးဒီသဒၢအတၢ်စံၣ်စိၤတၢ်ပာ်ဖျါသ့ခီဖျိ-

• ဃ့န့ၢ်ဘၣ်ပှၤဟ့ၣ်နၤဒီးကသံၣ်ဆဲးဒီသဒၢလၢအကထုးထီၣ်ဟ့ၣ်နၤဒီးအဒိတဘ့ၣ်လၢနဂီၢ်တက့ၢ်.
• တၢ်ကိး၀ဲဒၣ်အီးစတြ့လယါတၢ်ဆဲးကသံၣ်ဒီသဒၢတၢ်ဆဲးလီၤမၤနီၣ်မၤဃါ (Australian Immunisation Register) အတၢ်ဃုသ့ၣ်ညါအကျိၤဖဲ1800 653 809 (ဂီၤ 8 နၣ်ရံၣ် – ဟါ 5 နၣ်ရံၣ်မုၢ်ဆၣ်တုၤမုၢ်ဖီဖး မုၢ်ထီၣ်တၢ်ဆၢကတီၢ်) ဒီးသံကွၢ်အ၀ဲသ့ၣ်လၢအကဆှၢန့ၢ်နၤဒီးနတၢ်ပာ်ဖျါလၢလံာ်ပရၢတၢးအပူၤအဂီၢ်တက့ၢ်. တၢ်မ့ၢ်ဆှၢအီၤဒီးလံာ်ပရၢတၢးန့ၣ်တၢ်အံၤယံာ်ထီၣ်ဘး၁၄သီအဂီၢ်သ့လီၤ.

လၢတၢ်ဂ့ၢ်တၢ်ကျိၤဆူညါဘၣ်ဃးမ့ၢ်တၢ်ကမၤန့ၢ်န COVID-19 တၢ်ဆဲးဒီသဒၢသးဒီးကသံၣ်အတၢ်အုၣ် သးအဂီၢ်, ကွၢ်ဘၣ် Services Australia အပှာ်ယဲၤသန့ တက့ၢ်.

လၢတၢ်ဂ့ၢ်တၢ်ကျိၤလၢတၢ်နာ်န့ၢ်အီၤသ့တဖၣ်အဂီၢ်တၢ်ကဘၣ်လဲၤဖဲလဲၣ်

တၢ်အံၤအရ့ဒိၣ်၀ဲဒၣ်လၢတၢ်ကအိၣ်ဆိးသ့ၣ်ညါတၢ်ဂ့ၢ်ဘၣ်ဃးဒီး COVID-19 ဒီးတၢ်ဆဲး COVID-19 အကသံၣ်ဒီသဒၢအတၢ်ရဲၣ်တၢ်ကျဲၤခီဖျိဂံၢ်ထံးလၢတၢ်နာ်န့ၢ်အီၤသ့ဒီးဖိးသဲစးန့ၣ်လီၤ.

တၢ်စံးဆၢလၢညီနုၢ်တၢ်သံကွၢ်တဖၣ်လၢအဘၣ်ထွဲဒီး COVID-19. အကသံၣ်ဒီသဒၢတဖၣ်န့ၣ်အိၣ်၀ဲဒၣ်လၢ ကျိာ် ၆၃ ကျိာ်အပူၤလီၤ.

တၢ် ဂ့ၢ်တၢ်ကျိၤအဘိၣ် တခါပာ်ဃုာ်ကျိာ်-အါကျိာ်အဂံၢ်ထံးလၢအဘၣ်ထွဲဒီး COVID-19 အကသံၣ်ဒီသဒၢတဖၣ်န့ၣ်အိၣ်၀ဲဒၣ်လီၤ.

ဖးဘၣ်တၢ်ဂ့ၢ်တၢ်ကျိၤဘၣ်ဃး COVID-19 လၢနကစၢ်အကျိာ်တက့ၢ်.

တၢ်တိစၢၤမၤစၢၤတဖၣ်

ကွၢ်ဘၣ် COVID-19 အကသံၣ်ဒီသဒၢအတၢ်ဂ့ၢ်တၢ်ကျိၤလၢတၢ်ကျိးထံပာ်လံအီၤတဖၣ်ဆူညါတက့ၢ်.

• 

  တၢ်ဂီၤမူ

• 

  ကွဲၤလ့လိၤ

• 

  လံာ်ကဘျံးနီၢ်နီၢ်တဖၣ်

• 

  ဖိးစထၢၣ်တဖၣ်

• 

  ပှၤဂ့ၢ်၀ီမံဒယၣ်

• 

  တၢ်တိစၢၤမၤစၢၤခဲလၢာ်