COVID-19 siichunhmi pawl kong
Australia i a ummi kum 5 le upadeuh, le cheukhat thla 6 in kum 4 tiang aho paoh cu COVID-19 raikhamsii chunhnak ah phung nih a onhmi an si.
Seekhan kawl law a hlankan in chimchawn
COVID-19 siichunhmi pawl cu Australia i a ummi aho paoh caah manlo an si. Hi ah hin Medicare a ngei lomi, ramdang in a hung tlawngmi, ramdang in a hung kaimi siangngakchia pawl, ramdang in rian a hung tuanmi paw le ralzam a sokmi pawl an i tel. Raikhamnak sii ichunhnak nih nangmah, na innchungkhar le na mibu kha COVID-19 in runvennak a bawmh lai.
Australia Acozah nih raikham siichunhnak cu duhzong duhlo zong ah a tuahter lo i COVID-19 doh in raikhamnak sii ichunh lo dingin naa thim khawh
Cheukhat pine le hmunhma i zapi ngandamnak nih thilsining zeimaw ruangah raikham siichunhnak cu duhzong duhlo zongah tuah dingin in nawl an chuah khawh. Tahchunhnak ah, rian cheukhat phun le mibu cawlcanghnak pawl cheukhat caah.
Siichunhmi pawl cu a himmi an si
COVID-19 raikham siichunhnak pawl cu a himmi le nunnak pawl a khammi an si. Australia ah, Therapeutic Goods Administration (TGA) nih COVID-19 siichunhmi a himnak le takpum i hnorsuannak a chuahpimi kha naihniam in zohfelnak pehzulh in a tuah.
Australia i a ngahmi siichunhmi pakhat cio kong tamdeuh in hngal:
COVID-19 siichunhmi pawl nih zawtnak hrik he tonnak na ngeih sual ahcun zawtnak hrik hlonh dingah na takpum kha a chimh lai.
Raikhamnak sii na chunh hnu kongkau ah biahal awk asilole thinphanmi pakhat khat na ngeih ahcun, raikhamnak sii an chunhtu asilole na siibawi kha pehtlaih.
Raikham sii naa chunh hnu i iruahchan dingmi kong tamdeuh in hngal.
Aho dah raikham siichunh a herh
Kum 5 le upadeuh aho paoh nih COVID-19 doh in raikham sii an ichunh a herh.
COVID-19 raikham sii ichunhnak nih COVID-19 in fak piin zawtnak asilole thihnak in an kham lai.
Raikham sii ichunhnak nih zawtnak hrik a karhnak nuarhternak hmangin na pawngkam minung runven kha a bawmh fawn.
COVID-19 raikhamnak siichunh dingmi a hnu bik tuah dingmi tuah buin a ummi minung ah ruah dingin, na kum le ngandamnak nih a herhmi caah duhpiakmi dihlak khan a tuah dih hrimhrim lai.
Zawt intuarkhawhnak ah a derthawm bakmi, pumtlinlonak a ngeimi, asilole a fakmi COVID-19 in zawtnak tihnunnak a tamtertu a fakmi, a buaithlakmi, asilole damlonak a phunphun a ngeimi ngakchia cheukhat thla 6 in kum 4 karlak cu COVID-19 khamnak sii ichunh dingah phung nih a onhmi an si lai.
Hi hna phu pawl caah Siichunhmi Seekhan Kawltu hmangin a hlankanh chimchawnhnak pawl cu atu ah on a si. Zawtkhamnak siichunh piaktu pawl nih pehzulh in an chap lai caah tonnak pawl (appointments) kha caanhmaan tein chek than lengmang.
Thla 6 in kum 4 karlak ngakchia pawl nih an ichunh a hau:
- COVID-19 khamnak sii a hmasat chunhmi voi 1 le 2
- zawt intuarkhawhnak ah a derthawm bakmi an si ahcun a hmasat chunhmi voi 3.
Kum 5 in 11 karlak ngakchia pawl nih an ichunh a hau:
- COVID-19 khamnak sii a hmasat chunhmi voi 1 le 2
- zawt intuarkhawhnak ah a derthawm bakmi an si ahcun a hmasat chunhmi voi 3.
Kum 12 in 15 karlak ngakchia pawl nih an ichunh a hau:
- COVID-19 khamnak sii a hmasat chunhmi voi 1 le 2
- zawt intuarkhawhnak ah a derthawm bakmi an si ahcun a hmasat chunhmi voi 3.
- COVID-19 khamnak sii i intuarkhawhnak thawnter deuhtu (booster) siichunhmi hihi an si ahcun:
- zawt intuarkhawhnak ah a derthawm bakmi
- a biapi ngaimi asilole a buaithlak ngaimi thlop a herhmi pumtlinlonak a ngeimi
- a fakmi COVID-19 in zawtnak tihnunnak a tamtertu a fakmi, a buaithlakmi, asilole damlonak a phunphun a ngeimi.
Na fa nih intuarkhawhnak thawnter deuhtu (booster) sii aa chunh a herh le herhlo naa fian lo ahcun na siibawi kha chimchawn.
Kum 16 asilole upadeuh paoh nih an ichunh kho:
- COVID-19 khamnak sii a hmasat chunhmi voi 1 le 2
- zawt intuarkhawhnak ah a derthawm bakmi an si ahcun a hmasat chunhmi voi 3
- COVID-19 khamnak sii i intuarkhawhnak thawnter deuhtu (booster) siichunhmi.
Avoi linak ichunhmi
COVID-19 khamnak siichunhmi i intuarkhawhnak thawnter deuhtu (booster) chunhchapmi, asilole avoi linak chunhmi cu fak piin zawt khawhnak a ngeimi minung nih avoi khatnak intuarkhawhnak thawnter deuhtu an ichunh hnu thla 3 ah ichunh dingin duhpiak an si.
Hihi cu zawt intuarkhawhnak ah a derthawm bakmi, fak piin zawtnak a ngeimi asilole pumtlinlonak a ngeimi minung pawl caah cun avoi nganak a si lai.
Avoi linak sii naa chunh a hau, hihi na si ahcun:
- kum 50 asilole upadeuh
- tar zohkhenhnak asilole pumtlinglo zokhenhnak hmun ah a ummi
- zawt intuarkhawhnak ah a derthawm bakmi (hihi cu avoi nganak a si lai)
- Aboriginal asilole Torres Strait Islander le kum 50 asilole upadeuh
- a fakmi COVID-19 zawtnak tihnunnak a tamtermi zawtnak a ngeimi kum 16 asilole upadeuh
- pumtlinlonak he kum 16 asilole upadeuh asilole a buaithlak taktakmi ngandamnak lei thlop a herhmi.
Kum 30 in 49 tiang minung nih an ithim ahcun avoi linak an ichun kho.
Avoi linak intuarkhawhnak thawnter deuhtu (booster) sii aa chun dingmi na si le silo naa fian lo ahcun na siibawi kha chimchawn.
COVID-19 naa cheknak ah zawtnak hmuh na si ahcun, COVID-19 khamnak sii naa chunh than hlan ah COVID-19 in zawt hnu thla 3 hngah dingah duhpiak a si.
Intuarkhawhnak thawnter deuhtu (booster) sii an ichunh hnu in COVID-19 in a rak zawmi nih avoi linak an ichun hlan ah a tlawmbik thla 3 an hngah a hau.
COVID-19 siichunhmi a hnubik tuah dingmi tuah bu in na um kha a biapi tuk. Aa dang liangluangmi minung nih aa dangmi COVID-19 siichunhmi pawl kha aa dangmi caan ah an herh kho men. A hnubik tuah dingmi tuah buin um dingah nangmah le na innchungkhar nih tuah nan herhmi kawl dingah nan ngandamnak lei zohkhenhnak petu sin chim.
Ngakchia pawl
Ngakchia pawl caah COVID-19 siichunhmi pawl cu an him ko.
Ngakchia pawl raikham siichunhnak nih zawtnak hrik kha a no deuhmi an chuahpi naule pawl, an pilepu, le a kau deuhmi mibu sinah chonhnak runven kha a bawmh khawh.
Ngakchia pawl le Tleirawl pawl caah COVID-19 siichunhmi pawl kong tamdeuh in hngal.
Naupawi asilole nauhnuk dinhmi nu pawl
Naupawi mi, nauhnuk dinhmi, asilole nau pawi dingah timhtuahnak a ngeimi na si ahcun, COVID-19 siichunhmi pawl cu a himmi an si. Naupawi lio zeitikcaan paoh ah raikhamnak sii naa chun kho.
Naupawi, nauhnuk dinhnak, le COVID-19 siichunhmi pawl kong tamdeuh in hngal.
Pumtlinglo minung
Pumtlinglo minung pawl nih COVID-19 in fak deuh in zawt khawhnak tihnung an tong i raikhamnak sii an ichunh a hau.
Tamdeuh bawmhnak asilole pekchanhnak na duh ahcun, Disability Gateway Helpline kha 1800 643 787 ah na chawnh khawh. Nangmah caah a hlankanh in chimchawnhnak an tuah khawh.
Holhlettu na herh ahcun, Calehnak le Holhlehnak lei Riantuanpiaknak kha 131 450 ah chawn law Disability Gateway chawnh dingah bawmh hal hna.
Zawtnak dang a ngeimi pawl minung
Zawtnak dang a ngeimi minung pawl nih COVID-19 in fak deuh in zawt khawhnak tihnung dirhmun ah an um i raikhamnak sii an ichunh a hau.
Na dirhmun caah a thabikmi siichunhnak kongkau kha punghman in ngandamnak zohkhenhnak petu sin ah chim.
Raikhamnak siichunh caan
COVID-19 raikham sii naa chunh khawh hika ah:
- Commonwealth raikham siichunhnak seekhaan pawl
- aa telmi a tlangpi in thlopnak pawl
- Aboriginal nih Ukmi Mibu Ngandamnak lei Riantuanpiaknak
- pine le hmunhma raikham siichunhnak seekhan pawl, le
- aa telmi siizuarnak pawl.
A tlangpi thloptu pawl nih siichunhmi caah aman an in la kho lo.
Nangmah he a naihbik raikham siichunhnak seekhan kawl dingah a hlankanh in na siichunhnak caah chimchawn, Vaccine Clinic Finder (Siichunhnak Seekhan Kawltu) hmang. Na raikhamnak siichunhnak i tonnak caan suaisamh dingin fon in asilole a hmunhma ah holhlehnak na herh ahcun, Calehnak le Holhlehnak lei Riantuanpiaknak kha 131 450 ah chawn.
Medicare kat na ngeih lo ahcun
Medicare kat na ngeih lo ahcun, man loin raikham siichunhnak hmun hi ah naa chunh khawh hika ah:
- Commonwealth raikham siichunhnak seekhaan pawl
- pine asilole hmunhma i raikham siichunhnak seekhan pawl
- aa telmi siizuarnak pawl.
‘Hey Eva’ – Afawimi Raikham siichunhmi Hmuhkhawhnak
EVA cu COVID-19 raikhamnak siichunhmi a hlankanh in chimchawnhnak bawmh dingah fawi tein a chawn thanmi riantuanpiaknak pakhat a si. EVA cu zing 7am in 10pm (AEST) tiang, zarh khat ni 7 rian a tuan.
EVA nih cakuat tawi an kuat tikah lehnak tuah dingimi na hmuh lai i hal na si lai, na:
- min
- duh deuhmi holh
- duh deuhmi nithla le acaan
- chawnh than awk ah a thabikmi nambar.
National Coronavirus Helpline in cawnnak a ngeimi riantuantu nih COVID-19 raikhamnak sii naa chunhnak ding a hlankanh in chimhchawnnak bawmh dingin suaisamhmi caan ah an chawnh lai.
EVA nih COVID-19 raikhamnak siichunhmi pawl kong le ruahnak cheuhmi a pek i a bawmh:
- COVID-19 raikhamnak siichunhmi pawl kong le ruahnak cheuhmi peknak
- kee in kal khawhmi seekhan na hmuhnak lei bawmhnak
- siichun dingah tonnak caan aa remmi na hmuhnak lei bawmhnak
- man lo in holhlehnak lei bawmhnak he nangmah pehtlaihternak.
COVID-19 raikham sii ichunhnak a hlankanh in chimchawnhnak lei bawmhnak caah ‘Hey EVA’ kha SMS kua, EVA chawnh thannak lei riantuanpiaknak 0481 611 382 ah. EVA cu zing 7am in 10pm (AEST) tiang, zarh khat ni 7 rian a tuan.
COVID-19 raikhamnak sii naa chunh hlan ah
Na tuah rih lo ahcun, appointment laknak kha a hlankanh in chimchawn.
Seekhan kawl law a hlankanh in chimchawn
Medicare kat na ngeih ahcun, nangmah kong tharchuah a si le silo kha chek:
- na Medicare online account hmang in le myGov hmangin
- Express Plus Medicare app ah
- Services Australia chawnhnak in.
Appointment na lak hlan ah, asilole minung pakhat khat caah raikhamnak siichunhnak lei biakhiahnak na tuah ahcun, hnatlakpinak fawm phih dingah fial na si men lai.
Hnatlakpinak fawm kha rel.
Ngakchia kum 5 in 11 karlak caah thawngthanhmi le hnatlakpinak fawm kha rel.
COVID-19 raikhamnak sii naa chunh hnu ah
A um setsai lomi takpum nih a huatmi langhnak a um ahcun raikhamnak sii naa chunh hnu a tlawmbik minit 15 chung zohfel na si lai. Sii an chunmi kha takpum ziak lonak pawl a um ah cun a let kho colh dingmi cawnnak a ngeimi a si.
COVID-19 raikhamnak siichunhmi pawl sinin takpum hnorsuan a lang tawnmi pawl cu dinte an si i ni 1 in 2 chungah an tlau than. Takpum ah hnorsuannak a lang lengmangmi cheukhat ah aa telmi cu:
- thim a luhnak ban ah fahnak
- thabatnak
- lufah
- titsa fah
- taklinh le khuasih.
Sii dingmi asilole siichunhmi pakhat khat nih, a um setsai lomi asilole hngalh lomi takpum hnorsuannak pawl a um kho men. Takpum hnorsuannak fak piin na ngei tiah na ruah ahcun, na ngandamnak lei zohkhenhnak a thiammi, asilole National Coronavirus Helpline kha na pehtlaih khawh.
Holhlettu na herh ahcun, National Coronavirus Helpline kha chawn law thim dingmi 8 kha thim.
Raikhamnak siichunhnak tehte
Na Immunisation History Statement zohnak hmangin na COVID-19 raikhamnak siichunhnak tehte kha na ngah khawh.
Na Immunisation History Statement na hmuh khawh:
- online ah, nangmah ta myGov account chiahnak, cun cu hnu ah na Medicare online account ah luhnak in
- Express Plus Medicare mobile app hmannak in.
Medicate kat (card) na ngeih lo ahcun, asilole myGov account ah luhnak na ngeih lo ahcun, Na Immunisation History Statement kha hihi hmangin na hmuh khawh:
- khamnak sii an petu kha nangmah caah khawpi pakhat chuahpiak (print) dingah halnak in; asilole
- Australian Immunisation Register dothlatnak lei chawnhnak kha 1800 653 809 ah (8am – 5 pm Nikhat ni in Ninga ni AEST tiang) chawnhnak in le na tialmi kha cakuatnak in nangmah sin kuat dingah fialnak in. Sateih in kuatmi a phanhnak dingah ni 14 tiang a rau kho.
COVID-19 khamnak sii pawl naa chunhnak tehte ngahnak ningcang kong tamdeuh thawngthanhmi hmuhnak caah, Services Australia website ah zoh.
Zumh awktlak thawngpaang khoika dah hmuh khawh a si lai
COVID-19 kong le COVID-19 raikhamnak siichunhnak lei prokarem kha zumhawktlak le zunglei nih thanhmi pawl hngalh bu in um kha a biapi tuk.
COVID-19 khamnak sii pawl kong biahal lengmangmi lehnak pawl cu holh 63 in hmuh khawh a si.
COVID-19 siichunhmi kong mah miphung holh in hmuhkhawhmi ahrampi pawl aa telmi thawngthanhmi hmunkhat chiahmi cu hmuh khawh a si.
Nanmah holh in COVID-19 kong thawngthanh kha rel.
