COVID-19 siichunhmi pawl kong

Australia i a ummi kum 5 le acunglei aho paoh nih an raikham siichunhnak a hlankanh in an chimchawn khawh.

Seekhan kawl law a hlankan in chimchawn

COVID-19 siichunhmi pawl cu Australia i a ummi aho paoh caah manlo an si. Hi ah hin Medicare a ngei lomi, ramdang in a hung tlawngmi, ramdang in a hung kaimi siangngakchia pawl, ramdang in rian a hung tuanmi paw le ralzam a sokmi pawl an i tel. Raikhamnak sii ichunhnak nih nangmah, na innchungkhar le na mibu kha COVID-19 in runvennak a bawmh lai.

Australia Acozah nih raikham siichunhnak cu duhzong duhlo zong ah a tuahter lo i COVID-19 doh in raikhamnak sii ichunh lo dingin naa thim khawh

Cheukhat pine le hmunhma i zapi ngandamnak nih thilsining zeimaw ruangah raikham siichunhnak cu duhzong duhlo zongah tuah dingin in nawl an chuah khawh. Tahchunhnak ah, rian cheukhat phun le mibu cawlcanghnak pawl cheukhat caah.

Siichunhmi pawl cu a himmi an si

COVID-19 raikham siichunhnak pawl cu a himmi le nunnak pawl a khammi an si. Australia ah, Therapeutic Goods Administration (TGA) nih COVID-19 siichunhmi a himnak le takpum i hnorsuannak a chuahpimi kha naihniam in zohfelnak pehzulh in a tuah.

Australia i a ngahmi siichunhmi pakhat cio kong tamdeuh in hngal:

COVID-19 siichunhmi pawl nih zawtnak hrik he tonnak na ngeih sual ahcun zawtnak hrik hlonh dingah na takpum kha a chimh lai.

Raikhamnak sii na chunh hnu kongkau ah biahal awk asilole thinphanmi pakhat khat na ngeih ahcun, raikhamnak sii an chunhtu asilole na siibawi kha pehtlaih.

Raikham sii naa chunh hnu i iruahchan dingmi kong tamdeuh in hngal.

Aho dah raikham siichunh a herh

Kum 5 le upadeuh aho paoh nih COVID-19 doh in raikham sii an ichunh a herh.

COVID-19 raikham sii ichunhnak nih COVID-19 in fak piin zawtnak asilole thihnak in an kham lai.

Raikham sii ichunhnak nih zawtnak hrik a karhnak nuarhternak hmangin na pawngkam minung runven kha a bawmh fawn.

COVID-19 raikhamnak siichunh dingmi a hnu bik tuah dingmi tuah buin a ummi minung ah ruah dingin, na kum le ngandamnak nih a herhmi caah duhpiakmi dihlak khan a tuah dih hrimhrim lai.

Ngakchia kum 5 in kum 15 tiang nih an ichunh a herhmi cu:

  • a hmasat ichunh dingmi COVID-19 siichunhmi voi 1 nak le voi 1 nak
  • intuar khawhnak ah a derthawm bakmi an si ahcun a hmasat ichunh dingmi voi 3.

Kum 16 le acungleiaho paoh nih an ichunh a herhmi cu:

  • a hmasat ichunh dingmi COVID-19 siichunhmi voi 1 le voi 2
  • intuar khawhnak ah a derthawm bakmi an si ahcun a hmasat ichunh dingmi voi 3
  • COVID-19 siichunhmi i intuar khawhnak thawnter deuhtu (booster) siichunhmi.

COVID-19 raikhamnak khuasik i chunhmi kha naa chunh a hau fawn, intuar khawhnak thawnter deuhtu (booster) sii na chunhnak thla 4 a si i hihi na si ahcun:

  • kum 65 asilole upa deuh
  • tar zohkhenhnak asilole pumtlinglo zohkhenhnak hmun ah a ummi
  • kum 16 le acunglei le zawt intuarnak ah a derthawm bakmi
  • Aboriginal le Torres Strait Islander le kum 50 le upadeuh.

Naa cheknak ah COVID-19 zawtnak hmuhmi na si ahcun COVID-19 raikham sii naa chunh than dingmi chunh hlan thla 3 chung hngah dingah duhpiak a si.

Intuar khawhnak thawnter deuhtu (booster) chunh hnu i COVID-19 in a zawmi minung nih khuasik i chunh dingmi an ichunh hlan ah a tlawmbik thla 3 an hngah a hau.

COVID-19 siichunhmi a hnubik tuah dingmi tuah bu in na um kha a biapi tuk. Aa dang liangluangmi minung nih aa dangmi COVID-19 siichunhmi pawl kha aa dangmi caan ah an herh kho men. A hnubik tuah dingmi tuah buin um dingah nangmah le na innchungkhar nih tuah nan herhmi kawl dingah nan ngandamnak lei zohkhenhnak petu sin chim.

Ngakchia pawl

Ngakchia pawl caah COVID-19 siichunhmi pawl cu an him ko.

Ngakchia pawl raikham siichunhnak nih zawtnak hrik kha a no deuhmi an chuahpi naule pawl, an pilepu, le a kau deuhmi mibu sinah chonhnak runven kha a bawmh khawh.

Ngakchia pawl le Tleirawl pawl caah COVID-19 siichunhmi pawl kong tamdeuh in hngal.

Naupawi asilole nauhnuk dinhmi nu pawl

Naupawi mi, nauhnuk dinhmi, asilole nau pawi dingah timhtuahnak a ngeimi na si ahcun, COVID-19 siichunhmi pawl cu a himmi an si. Naupawi lio zeitikcaan paoh ah raikhamnak sii naa chun kho.

Naupawi, nauhnuk dinhnak, le COVID-19 siichunhmi pawl kong tamdeuh in hngal.

Pumtlinglo minung

Pumtlinglo minung pawl nih COVID-19 in fak deuh in zawt khawhnak tihnung an tong i raikhamnak sii an ichunh a hau.

Tamdeuh bawmhnak asilole pekchanhnak na duh ahcun, Disability Gateway Helpline kha 1800 643 787 ah na chawnh khawh. Nangmah caah a hlankanh in chimchawnhnak an tuah khawh.

Holhlettu na herh ahcun, Calehnak le Holhlehnak lei Riantuanpiaknak kha 131 450 ah chawn law Disability Gateway chawnh dingah bawmh hal hna.

Zawtnak dang a ngeimi pawl minung

Zawtnak dang a ngeimi minung pawl nih COVID-19 in fak deuh in zawt khawhnak tihnung dirhmun ah an um i raikhamnak sii an ichunh a hau.

Na dirhmun caah a thabikmi siichunhnak kongkau kha punghman in ngandamnak zohkhenhnak petu sin ah chim.

Raikhamnak siichunh caan

COVID-19 raikham sii naa chunh khawh hika ah:

  • Commonwealth raikham siichunhnak seekhaan pawl
  • aa telmi a tlangpi in thlopnak pawl
  • Aboriginal nih Ukmi Mibu Ngandamnak lei Riantuanpiaknak
  • pine le hmunhma raikham siichunhnak seekhan pawl, le
  • aa telmi siizuarnak pawl.

A tlangpi thloptu pawl nih siichunhmi caah aman an in la kho lo.

Nangmah he a naihbik raikham siichunhnak seekhan kawl dingah a hlankanh in na siichunhnak caah chimchawn, Vaccine Clinic Finder (Siichunhnak Seekhan Kawltu) hmang. Na raikhamnak siichunhnak i tonnak caan suaisamh dingin fon in asilole a hmunhma ah holhlehnak na herh ahcun, Calehnak le Holhlehnak lei Riantuanpiaknak kha 131 450 ah chawn.

Medicare kat na ngeih lo ahcun

Medicare kat na ngeih lo ahcun, man loin raikham siichunhnak hmun hi ah naa chunh khawh hika ah:

  • Commonwealth raikham siichunhnak seekhaan pawl
  • pine asilole hmunhma i raikham siichunhnak seekhan pawl
  • aa telmi siizuarnak pawl.

‘Hey Eva’ – Afawimi Raikham siichunhmi Hmuhkhawhnak

EVA cu COVID-19 raikhamnak siichunhmi a hlankanh in chimchawnhnak bawmh dingah fawi tein a chawn thanmi riantuanpiaknak pakhat a si. EVA cu zingka 7 am in 10 am tiang, zarh khat ah ni 7 rian a tuanmi a si.

COVID-19 raikhamnak siichunhmi a hlankanh in chimchawnhnak lei ah bawmh na herh ahcun, ‘Hey EVA’ timi cakuat tawi kha 0481 611 382 ah kua.

EVA nih cakuat tawi an kuat tikah lehnak tuah dingimi na hmuh lai i hal na si lai, na:

  • min
  • duh deuhmi holh
  • duh deuhmi nithla le acaan
  • chawnh than awk ah a thabikmi nambar.

National Coronavirus Helpline in cawnnak a ngeimi riantuantu nih COVID-19 raikhamnak sii naa chunhnak ding a hlankanh in chimhchawnnak bawmh dingin suaisamhmi caan ah an chawnh lai.

EVA nih COVID-19 raikhamnak siichunhmi pawl kong le ruahnak cheuhmi a pek i a bawmh:

  • COVID-19 raikhamnak siichunhmi pawl kong le ruahnak cheuhmi peknak
  • kee in kal khawhmi seekhan na hmuhnak lei bawmhnak
  • siichun dingah tonnak caan aa remmi na hmuhnak lei bawmhnak
  • man lo in holhlehnak lei bawmhnak he nangmah pehtlaihternak.

COVID-19 raikhamnak sii naa chunh hlan ah

Na tuah rih lo ahcun, appointment laknak kha a hlankanh in chimchawn.

Seekhan kawl law a hlankanh in chimchawn

Medicare kat na ngeih ahcun, nangmah kong tharchuah a si le silo kha chek:

Appointment na lak hlan ah, asilole minung pakhat khat caah raikhamnak siichunhnak lei biakhiahnak na tuah ahcun, hnatlakpinak fawm phih dingah fial na si men lai.

Hnatlakpinak fawm kha rel.

Ngakchia kum 5 in 11 karlak caah thawngthanhmi le hnatlakpinak fawm kha rel.

COVID-19 raikhamnak sii naa chunh hnu ah

A um setsai lomi takpum nih a huatmi langhnak a um ahcun raikhamnak sii naa chunh hnu a tlawmbik minit 15 chung zohfel na si lai. Sii an chunmi kha takpum ziak lonak pawl a um ah cun a let kho colh dingmi cawnnak a ngeimi a si.

COVID-19 raikhamnak siichunhmi pawl sinin takpum hnorsuan a lang tawnmi pawl cu dinte an si i ni 1 in 2 chungah an tlau than. Takpum ah hnorsuannak a lang lengmangmi cheukhat ah aa telmi cu:

  • thim a luhnak ban ah fahnak
  • thabatnak
  • lufah
  • titsa fah
  • taklinh le khuasih.

Sii dingmi asilole siichunhmi pakhat khat nih, a um setsai lomi asilole hngalh lomi takpum hnorsuannak pawl a um kho men. Takpum hnorsuannak fak piin na ngei tiah na ruah ahcun, na ngandamnak lei zohkhenhnak a thiammi, asilole National Coronavirus Helpline kha na pehtlaih khawh.

1800 020 080

Holhlettu na herh ahcun, National Coronavirus Helpline kha chawn law thim dingmi 8 kha thim.

Raikhamnak siichunhnak tehte

Na Immunisation History Statement zohnak hmangin na COVID-19 raikhamnak siichunhnak tehte kha na ngah khawh.

Na Immunisation History Statement na hmuh khawh:

Medicate kat (card) na ngeih lo ahcun, asilole myGov account ah luhnak na ngeih lo ahcun, Na Immunisation History Statement kha hihi hmangin na hmuh khawh:

  • khamnak sii an petu kha nangmah caah khawpi pakhat chuahpiak (print) dingah halnak in; asilole
  • Australian Immunisation Register dothlatnak lei chawnhnak kha 1800 653 809 ah (8am – 5 pm Nikhat ni in Ninga ni AEST tiang) chawnhnak in le na tialmi kha cakuatnak in nangmah sin kuat dingah fialnak in. Sateih in kuatmi a phanhnak dingah ni 14 tiang a rau kho.

COVID-19 khamnak sii pawl naa chunhnak tehte ngahnak ningcang kong tamdeuh thawngthanhmi hmuhnak caah, Services Australia website ah zoh.

Zumh awktlak thawngpaang khoika dah hmuh khawh a si lai

COVID-19 kong le COVID-19 raikhamnak siichunhnak lei prokarem kha zumhawktlak le zunglei nih thanhmi pawl hngalh bu in um kha a biapi tuk.

COVID-19 khamnak sii pawl kong biahal lengmangmi lehnak pawl cu holh 63 in hmuh khawh a si.

Nanmah holh in COVID-19 kong thawngthanh kha rel.

Hmuh khawhnak pawl

Language: 
Chin Hakha - Laiholh (Hakha)
Last updated: 
13 May 2022