E uiga i tui puipui o le COVID-19

O tagata uma i totonu o Ausetalia e 5 tausaga le matutua ma sili atu e mafai ona faʻatonu nei o latou tui puipui.

su'e se nofoaga puipui ma fa'atonu

O tui puipui mo COVID-19 e fai fua mo tagata uma i totonu o Ausetalia.. E aofia ai ma tagata e leai se Medicare card, tagata asiasi mai fafo, tamaiti aʻoga faʻavaomalo, tagata faigaluega mai fafo ma tagata sulufaʻi. O le faia o tui o le a fesoasoani e puipuia oe, lou aiga ma lou alalafaga mai le COVID-19.

E le'i fa'atulafonoina e le Malo o Ausetalia le faia o tui puipui ma e mafai ona e filifili e aua ne'i faia sou tui puipui o le COVID-19

O poloaiga tau soifua maloloina a isi setete ma teritori e mafai ona fa'atulafonoina le faia o tui puipui ini tulaga fa'apitoa. Mo faʻataʻitaʻiga, mo ni ituʻaiga o galuega ma mo ni gaioiga faʻatino i totonu o alalafaga.

E saogalemu mo tui puipui

O tui puipui mo le COVID-19 e saogalemu ma fa'asaoina ai ola. I totonu o Ausetalia, o le Therapeutic Goods Administrator (TGA) o le a fa'aauau pea le mataituina ma le va'ai toto'a i le saogalemu o tui puipui o le COVID-19 ma ona a'afiaga.

A'oa'o atili i tui puipui ta'itasi o lo'o maua i totonu o Ausetalia:

O tui puipui o le COVID-19 na te a'oa'oina lou tino ina ia aveesea le vairasi o lo'o e feso'ota'i atu iai.

A iai ni au fesili po'o ni popolega pe a mae'a le faiga o lau tui puipui, fa'afeso'ota'i le nofoaga sa faia ai lau tui puipui po'o le foma'i.

A'oa'o atili e uiga i le mea o lo'o fa'amoemoeina pe a mae'a ona faia lau tui puipui

O ai e tatau ona fai a latou tui puipui

Tagata uma e 5 tausaga le matutua ma sili atu e tatau ona fai a latou tui puipui e fa'asaga i le COVID-19.

O le mauaina o lau tui puipui o le COVID-19 e puipuia ai oe mai le ma'i tele po o le maliu mai le COVID-19.

O le mauaina o lau tui puipui e fesoasoani fo'i na te puipuia tagata o lo'o si'omiaina oe e auala i le fa'atelegese o le salalau atu o le vairasi.

Ina ia avea ai ma tagata ua fa'afou tui puipui o le COVID-19, e tatau ia te oe ona faia uma tuiga e pei ona fautuaina atu mo lou matua ma manaoga tau soifua maloloina.

Tamaiti e 5 i le 15 tausaga le matutua e tatau ona maua:

  • ulua'i la'asaga o fuataga 1 ma le 2 o le tui puipui o le COVID-19
  • ulua'i la'asaga o le fuataga lona 3 pe afai e ogaoga tulaga o le vaivai o le tino e tete'e atu i siama.

Tagata uma ua 16 tausaga le matutua ma sili atu e tatau ona maua le:

  • ulua'i la'asaga o fuataga 1 ma le 2 o le tui puipui o le COVID-19
  • ulua'i la'asaga o le fuataga lona 3 pe afai e ogaoga tulaga o le vaivai ole tino e tete'e atu ai i siama
  • fuataga fa'aopoopo a le tui puipui o le COVID-19.

E tatau ia te oe ona fai lou COVID-19 tui o le fuataga mo le tau malulu pe afai ua atoa le 4 masina talu ona fai lau fuataga fa’aopoopo ma:

  • ua 65 tausaga o lou soifua pe matua atu
  • e te nofomau i se nofoaga tausi ai tagata matutua po’o le tausi ai o tagata e iai manaoga fa’apitoa
  • ua 16 tausaga pe e sili atu ma o lo’o maua i tulaga ogaoga o le le mafai e le tino ona tetee atu i fa’ama’i
  • o oe o se Apoliki po’o Tagata o le motu o Torres Strait ma ua atoa le 50 tausaga ma sili atu

Afai sa fai lau siaki ma ua e maua i le COVID-19 o lo’o fautuaina lou fa’atali mo le 3 masina ona fai lea o lou fuataga o lo’o soso’o o le COVID-19 tui.

O tagata sa maua i le COVID-19 ina ua mae’a le faia o latou fuataga fa’aopoopo e tatau ona fa’atali mo le 3 masina ona fai loa le fuataga o tau malulu.

E taua le atoatoa o lou puipuiga mai tui puipui o le COVID-19 e o'o mai i le aso. Eseese tagata e mana'omia ia tui puipui eseese a le COVID-19 i taimi eseese. Talanoa i le auaunaga fa'asoifua maloloina ina ia sailia mea o lo'o mana'omia e oe ma lou aiga ina ia atoatoa lau puipuiga i le aso.

Tamaiti

O tui puipui o le COVID-19 e saogalemu mo tamaiti.

E mafai ona fesoasoani le faia o tui puipui o tamaiti e puipuia ai i latou mai le pasi atu o le siama i nai latou tei laiti, matua o matua, ma tagata lautele.

A'oa'o atili e uiga i tui puipui o le COVID-19 mo tamaiti ma le autalavou

Tinā ma'itaga po o fa'asusuina o latou pepe

O tui puipui o le COVID-19 e saogalemu pe afai o e ma'itaga, fa'asusu lau pepe, po'o tau fuafuaina sou ma'itaga. E mafai ona e mauaina lou tui puipui i so'o se taimi o lou ma'itaga.

A'oa'o atili e uiga i le ma'itaga, fa'asusuina o lau pepe, ma tui puipui o le COVID-19

Tagata e iai manaoga fa'apitoa

O tagata e iai manaoga fa'apitoa e feagai ma se tulaga e sili atu ona lamatia o gasegase ogaoga mai le COVID-19 ma e tatau ona fai o latou tui puipui.

A mana'omia se fesoasoani po'o se lagolagosua, e mafai ona e valaau i le Disability Gateway Helpline i le 1800 643 787. E mafai ona latou fa'atonuina se avanoa mo oe.

 Afai o e mana'omia se fa'amatalaupu, valaau i le Translating and Interpreting Service 131 450 ma fesili ia i latou e vili le Disability Gateway.

Tagata o lo'o iai fa'afitauli tau soifua maloloina

Tagata o lo'o iai fa'afitauli tau soifua maloloina e sili atu ona a'afia i gasegase ogaoga mai le COVID-19 ma e tatau ona fai o latou tui puipui.

Talanoa i le tagata o lo'o tausia lou soifua maloloina mo le tui puipui e lelei tele mo oe mo le tulaga o lo'o e iai.

O fea e maua ai le tui puipui

E mafai ona e maua le COVID-19 tui i:

  • Commonwealth ofisa e fai ai tui
  • ofisa auai faʻalauaʻitele
  • Aboriginal Controlled Community Health Services
  • setete ma teritori ofisa o tui, ma
  • fale talavai o lo'o auai atu foi i lea polokalame.

E le mafai e foma'i fa'alaua'itele ona tapa atu ia te oe mo se totogi o le tui.

Mo le su'eina o se ofisa mo tui puipui o lo'o lata ane ia te oe pe e su'e ai sou avanoa, fa'aoga le Vaccine Clinic Finder. Afai e te manaʻomia se fa'amatalaupu i le telefoni po'o le nofoaga e fai ai tui i le taimi o lau tui faʻatonuina, valaʻau le Translating and Interpreting Service i le 131 450.

Afai e leai sau Medicare card

Afai e leai sau Medicare card, e mafai ona e maua fua lou tui i le:

  • Commonwealth ofisa e fai ai tui
  • ofisa fai tui a setete po'o teritori
  • fale talavai o lo'o auai atu foi i lea polokalame.

‘Ei Eva’ – Avanoa faigofie i tuipuipui

EVA, o se auaunaga faigofie tau telefoni e fesoasoani ai i tagata e feso’otai mo se avanoa e faia ai se tui puipui ole COVID-19. E amata tatala le EVA i le 7 i le taeao seía oo i le 10 ile taeao lava (AEST), ile 7 aso ole vaiaso.

Afai e te manaomia se fesoasoani ile fa’amautuina o se avanoa e faia ai se tui puipui ole COVID-19, lafo se feau tusitusia 'Ei EVA’ ile 0481 611 382.

Afai e te lafoina se feau tusitusia ile EVA, ole a e mauaina se tali e fesili mai mo lau:

  • igoa
  • gagana filifilia e feso’otai ai
  • aso ma le taimi filifilia
  • numera sili ona lelei mo se toe tali mai i lau valaau

O le a valaau atu se tagata tali telefoni aoaoina mai le National Coronavirus Helpline ia te oe i se taimi faatulagaina, e fesoasoani atu mo le faamautuina o lau avanoa e faia ai lau tui puipui ole COVID-19.

E ofoina atu e le EVA ia faamatalaga ma fautuaga e uiga i tui puipui ole COVID-19 ma fesoasoani ile:

  • tu’uina atu o faamatalaga ma fautuaga e uiga ile tui puipui ole COVID-19
  • fesoasoani ia te oe e saili se falema’i tau savali
  • fesoasoani ia te oe e saili se taimi talafeagai mo lau tui puipui
  • tuúina atu o se auaunaga tau fa’aliliuupu e aunoa ma se totogi

Ae e le'i faia lou tui puipui o le COVID-19

Afai e le'i faia, fa'atonu sou avanoa.

Su'e se nofoaga puipui ma fa'atonu

Afai o iai sau Medicare card, siaki po'o atoatoa au fa'amatalaga e o'o mai i le aso:

E ono fesiligia oe e fa'atumu se pepa fa'atagaga a'o le'i o'o i le taimi e vaai ai oe, pe afai foi o lo'o e faia se fa'aiuga o le tui puipui mo se isi tagata.

Faitau i le pepa o fa'atagaga.

Faitau i fa'amatalaga ma pepa o fa'atagaga mo tamaiti e 5 i le 11 tausaga le matutua.

Pe a mae'a lou tui puipui o le COVID-19

O le a mataituina oe mo le itiiti ifo i le 15 minute pe a uma ona faia lau tui puipui nei alia'e mai se tulaga seasea tupu e pei o le pata o le tino. O le tagata lea e faia lau tui puipui ua uma ona a'oa'oina e talia tui tulaga fa'afuase'i e alia'e mai.

O le masani ia o a'afiaga mai tui puipui o le COVID-19, e vaivai ma mou atu i totonu o le 1 i le 2 o aso. O aʻafiaga masani e aofia ai:

  • tiga le lima i le mea na alu ai i totonu le nila
  • ivaiva
  • tiga le ulu
  • tiga maso
  • fiva ma oso le fa'amaʻalili.

So'o se vailaau fa'afoma'i po'o se tui puipui, e iai ni a'afiaga e seāseā alia'e po'o le leiloa fo'i. Afai o e silafia ua iai ni a'afiaga ogaoga fa'afeso'ota'i le tagata e iai le tomai fa'apitoa o le soifua maloloina, po'o le valaau i le National Coronavirus Helpline.

1800 020 080

Afai o mana'omia se fa'amatalaupu, vili le National Coronavirus Helpline ma filifili le filifiliga 8.

Fa'amaoniga o tui puipui

E mafai ona mauaina le fa'amaoniaga o lou tui puipui o le COVID-19 pe a maua mai lou Immunisation History Statement.

E mafai ona mauaina lou Immunisation History Statement i le:

Afai e leai sau Medicare card, pe le avanoa i se myGov account, e mafai ona e mauaina lau Immunisation History Statement i le:

  • fesili atu i lau faʻatonu o tui e lolomi se kopi mo oe; pe
  • valaau i le laina mo fesili a le Australian Immunisation Register i le 1800 653 809 (8 am - 5 pm Aso Gafua i le Aso Faraile taimi a Ausetalia i le Itu i Sasa'e AEST) ma fesili ia i latou e lafo atu lau pepa o fa'amatalaga i le meli. E mafai ona oʻo atu i le 14 aso e taunuʻu atu ai i le meli.

Mo nisi faʻamatalaga pe faʻapefea ona maua faʻamaoniga o au COVID-19 tui, silasila i le Services Australia website.

O fea e alu i ai mo faʻamatalaga faʻatuatuaina

E taua le nofo logoina i fa'amatalaga e uiga i le COVID-19 ma le polokalame o tui puipui ole COVID-19 e ala i fa'amaumauga fa'atuatuaina ma aloaia.

Tali i fesili masani e uiga i le tui puipui o le COVID-19 o lo'o avanoa nei i gagana e 63.

 Faitau i fa'amatalaga e uiga i le COVID-19 i lou lava gagana.

Punaʻoa

Language: 
Samoan - Samoa
Last updated: 
17 May 2022