COVID-19-ի դեմ պատվաստանյութեր

COVID-19-ի դեմ պատվաստանյութերի մասին

Ավստրալիայում 5 և բարձր տարիքի բոլոր մարդիկ կարող են գրանցվել իրենց պատվաստումների համար:

Գտեք կլինիկա և գրանցվեք

Ավստրալիայում COVID-19-ի դեմ պատվաստանյութերն անվճար են բոլորի համար։ Սա ներառում է մարդկանց առանց Medicare քարտի, օտարերկրյա այցելուներին, միջազգային ուսանողներին, ներգաղթող աշխատողներին և ապաստան հայցողներին: Պատվաստվելը կօգնի ձեզ, ձեր ընտանիքին և ձեր համայնքին պաշտպանվել COVID-19-ից:

Ավստրալիայի կառավարությունը պատվաստումը պարտադիր չի դարձրել, և դուք կարող եք չպատվաստվել COVID-19-ի դեմ

Որոշ նահանգային և տարածքային հանրային առողջության հրահանգներ կարող են պարտադրել պատվաստումը որոշակի հանգամանքներում: Օրինակ`զբաղվածության որոշ տեսակների և համայնքային գործունեության համար:

Պատվաստանյութերը անվտանգ են

COVID-19-ի դեմ պատվաստումներն անվտանգ են և կյանքեր են փրկում։ Ավստրալիայում Therapeutic Goods Administration(Բուժական ապրանքների վարչությունըTGA)) շարունակում է ուշադիր հետևել COVID-19-ի դեմ պատվաստանյութերի անվտանգությանը և կողմնակի ազդեցություններին։

Տեղեկացեք ավելին Ավստրալիայում հասանելի յուրաքանչյուր պատվաստանյութի մասին.

• Comirnaty (Pfizer)
• Nuvaxovid (Novavax)
• Spikevax (Moderna)
• Vaxzevria (AstraZeneca)

COVID-19-ի դեմ պատվաստանյութերը սովորեցնում են ձեր օրգանիզմին ազատվել վիրուսից, եթե դուք վարակվեք։

Եթե դուք ունեք հարցեր կամ մտահոգություններ պատվաստումից հետո, դիմեք կլինիկա, որտեղ պատվաստվել եք, կամ ձեր բժշկին:

Տեղեկացեք ավելին , թե ինչ սպասել ձեր պատվաստումից հետո:

Ով պետք է պատվաստվի

5 և բարձր տարիքի բոլորը պետք է պատվաստվեն COVID-19-ի դեմ։

COVID-19-ի դեմ պատվաստանյութ ստանալը ձեզ պաշտպանում է COVID-19-ից ծանր հիվանդանալուց կամ մահանալուց:

Պատվաստվելը նաև օգնում է պաշտպանել ձեզ շրջապատող մարդկանց՝ դանդաղեցնելով վիրուսի տարածումը:

Որպեսզի համարվեք ամբողջովին պատվաստված COVID-19-ի դեմ, դուք պետք է ստացած լինեք ձեր տարիքի և առողջական կարիքների համար առաջարկվող բոլոր դեղաչափերը:

5-ից 15 տարեկան երեխաները պետք է ստանան․

• COVID-19-ի դեմ պատվաստանյութի առաջնային 1 և 2 դեղաչափերը
• առաջնային 3 դեղաչափը, եթե նրանք ունեն խիստ իմունային անբավարարություն:

16 և բարձր տարիքի բոլորը պետք է ստանան․

• COVID-19-ի դեմ պատվաստանյութի առաջնային 1 և 2 դեղաչափերը
• առաջնային 3 դեղաչափը, եթե նրանք ունեն խիստ իմունային անբավարարություն
• COVID-19-ի դեմ պատվաստանյութի խթանիչ դեղաչափը:

Դուք նաև պետք է ստանաք COVID-19-ի դեմ ձմեռային դեղաչափ, եթե 4 ամիս առաջ ստացել եք ձեր խթանիչ դեղաչափը և դուք.

• 65 և բարձր տարիքի եք
• տարեցների խնամքի և հաշմանդամության խնամքի հաստատության բնակիչ եք
• 16 և բարձր տարիքի եք և ունեք խիստ իմունային անբավարարություն
• բնիկ կամ Տորես նեղուցի կղզու բնակիչ եք և 50 և բարձր տարիքի եք։

Եթե ձեր COVID-19-ի թեստը դրական է, խորհուրդ է տրվում սպասել 3 ամիս՝ մինչև COVID-19-ի դեմ պատվաստանյութի ձեր հաջորդ դեղաչափը ստանալը։

Մարդիկ, ովքեր հիվանդացել են COVID-19-ով իրենց խթանիչ դեղաչափը ստանալուց հետո, պետք է սպասեն առնվազն 3 ամիս՝ նախքան ձմեռային դեղաչափը ստանալը:

Կարևոր է ամբողջովին պատվաստված լինել COVID-19-ի դեմ։ Տարբեր մարդիկ կարող են տարբեր ժամանակներում կարիք ունենալ տարբեր COVID-19-ի դեմ պատվաստանյութերի: Խոսեք ձեր առողջապահական ծառայություն տրամադրողի հետ՝ պարզելու, թե ինչ պետք է անեք դուք և ձեր ընտանիքը՝ ամբողջովին պատվաստված լինելու համար:

Երեխաները

COVID-19-ի դեմ պատվաստանյութերն անվտանգ են երեխաների համար։

Պատվաստում ստացած երեխաները կարող են օգնել կանխել վիրուսը փոխանցել կրտսեր քույրերին ու եղբայրներին, պապիկներին ու տատիկներին և ավելի լայն համայնքին:

Տեղեկացեք ավելին երեխաների և դեռահասների համար COVID-19-ի դեմ պատվաստանյութերի մասին։

Հղի կամ կրծքով կերակրող կանայք

COVID-19-ի դեմ պատվաստանյութերն անվտանգ են, եթե հղի եք, կրծքով եք կերակրում կամ պատրաստվում եք հղիանալ։ Դուք կարող եք պատվաստանյութ ստանալ հղիության ցանկացած փուլում:

Տեղեկացեք ավելին հղիության, կրծքով կերակրման և COVID-19-ի դեմ պատվաստանյութերի մասին։

Հաշմանդամություն ունեցող մարդիկ

Հաշմանդամություն ունեցող մարդիկ ենթարկվում են COVID-19-ից ծանր հիվանդանալու ավելի մեծ վտանգի և պետք է պատվաստվեն։

Եթե ցանկանում եք ավելի շատ օգնություն կամ աջակցություն, կարող եք զանգահարել Disability Gateway Helpline՝ 1800 643 787 հեռախոսահամարով: Նրանք կարող են գրանցել ձեզ:

Եթե թարգմանչի կարիք ունեք, զանգահարեք Թարգմանչական ծառայություն 131 450 հեռախոսահամարով և խնդրեք նրանց զանգահարել Disability Gateway:

Առկա առողջական խնդիրներ ունեցող մարդիկ

Առակ ռողջական խնդիրներ ունեցող մարդիկ ավելի մեծ վտանգի են ենթարկվում COVID-19-ից ծանր հիվանդանալուց և պետք է պատվաստվեն:

Խոսեք ձեր հիմնական բուժաշխատողի հետ ձեր իրավիճակի համար լավագույն պատվաստանյութի մասին:

Որտեղ պատվաստվել

COVID-19-ի դեմ պատվաստանյութ կարող եք ստանալ.

• Commonwealth-ի պատվաստումների կլինիկաներում
• մասնակցող ընդհանուր բուժական կենտրոններում
• Aboriginal Controlled Community Health Services-ում
• նահանգային և տարածքային պատվաստումների կլինիկաներում և
• մասնակցող դեղատներում:

Բուժող բժիշկները չեն կարող ձեզնից գանձել պատվաստանյութի համար:

Ձեր մոտակա պատվաստման կլինիկան գտնելու և ձեր պատվաստումը գրանցելու համար, օգտագործեք Vaccine Clinic Finder: Եթե պատվաստման ժամադրության ժամանակ ձեզ անհրաժեշտ է հեռախոսային կամ տեղում թարգմանություն, զանգահարեք Թարգմանչական ծառայություն 131 450. հեռախոսահամարով:

Եթե դուք չունեք Medicare քարտ

Եթե դուք չունեք Medicare քարտ, կարող եք անվճար պատվաստում ստանալ.

• Commonwealth-ի պատվաստումների կլինիկաներում
• նահանգային կամ տարածքային պատվաստման կլինիկաներում
• մասնակցող դեղատներում:

Նախքան COVID-19-ի դեմ ձեր պատվաստումը

Եթե դեռ չեք արել, գրանցվեք ժամադրության համար:

Գտեք կլինիկա և գրանցվեք

Եթե ունեք Medicare քարտ, ստուգեք, որ ձեր տվյալները թարմացված են.

• ձեր Medicare առցանց հաշվի միջոցով myGov-ի միջոցով
• Express Plus Medicare հավելվածում
• զանգահարելով Services Australia։

Ձեզանից կարող է պահանջվել լրացնել համաձայնության ձևաթուղթը նախքան ձեր ժամադրությունը, կամ եթե դուք պատվաստման որոշում եք կայացնում մեկ ուրիշի համար:

Կարդացեք համաձայնության ձևաթուղթը:

Կարդացեք 5-ից 11 տարեկան երեխաների համար նախատեսված տեղեկատվության և համաձայնության ձևաթուղթը:

COVID-19-ի դեմ ձեր պատվաստումից հետո

Հազվագյուտ ալերգիկ ռեակցիայի դեպքում ձեր պատվաստումից հետո առնվազն 15 րոպե ձեզ կվերահսկեն: Անձը, ով ձեզ պատվաստում է կատարում, վերապատրաստվել է արագ արձագանքման համար:

Սովորաբար COVID-19-ի դեմ պատվաստանյութերի կողմնակի ազդեցությունները մեղմ են և անհետանում են 1-ից 2 օրվա ընթացքում: Ընդհանուր կողմնակի ազդեցությունները ներառում են.

• ձեռքի ցավ, որտեղ ասեղը ներս է մտել
• հոգնածություն
• գլխացավ
• մկանային ցավ
• ջերմություն և դող:

Ինչպես ցանկացած դեղամիջոցի կամ պատվաստանյութի դեպքում, կարող են լինել հազվադեպ կամ անհայտ կողմնակի ազդեցություններ: Եթե կարծում եք, որ լուրջ կողմնակի բարդություններ ունեք, դիմեք ձեր բուժաշխատողին կամ National Coronavirus Helpline:

1800 020 080

Եթե թարգմանչի կարիք ունեք, զանգահարեք National Coronavirus Helpline և ընտրեք տարբերակ 8:

Պատվաստման ապացույց

Դուք կարող եք ստանալ ձեր COVID-19-ի դեմ պատվաստման ապացույցը՝ մուտք գործելով ձեր պատվաստումների պատմության քաղվածքը:

Դուք կարող եք մուտք գործել ձեր պատվաստումների պատմության քաղվածք.

• առցանց՝ ստեղծելով ձեր սեփական myGov հաշիվը և մուտք գործելով ձեր Medicare առցանց հաշիվը
• Express Plus Medicare mobile app -ի միջոցով:

Եթե դուք չունեք Medicare քարտ կամ չունեք myGov հաշիվ, կարող եք մուտք գործել ձեր պատվաստումների պատմության քաղվածք.

• խնդրելով ձեր պատվաստում տրամադրողին տպել պատճենը ձեզ համար
• զանգահարելով Australian Immunisation Register-ի հարցումների գիծ՝ 1800 653 809 հեռախոսահամարով (08:00 – 17:00 երկուշաբթիից ուրբաթ AEST) և խնդրելով ուղարկել ձեր քաղվածքը փոստով: Կարող է տևել մինչև 14 օր՝ մինչև այն ձեզ հասնի:

Լրացուցիչ տեղեկատվության համար, թե ինչպես ստանալ COVID-19-ի դեմ ձեր պատվաստումների ապացույցը, այցելեք՝ Services Australia կայքը:

Որտեղից ստանալ վստահելի տեղեկատվություն

Կարևոր է տեղեկացված մնալ COVID-19-ի և COVID-19-ի դեմ պատվաստումների ծրագրի մասին վստահելի և պաշտոնական աղբյուրների միջոցով:

COVID-19-ի դեմ պատվաստանյութերի վերաբերյալ ընդհանուր հարցերի պատասխանները հասանելի են 63 լեզուներով։

Կարդացեք COVID-19-ի մասին տեղեկատվություն ձեր լեզվով:

Ռեսուրսներ