ܐܵܗܵܐ ܡܵܘܕܥܵܢܘܼܬܵܐ ܡܲܕܥܘܝܹܐ ܝܠܵܗ̇ ܕܵܐܟ݂ܝܼ ܐܲܚܢܲܢ (ܡܦܲܪܢܵܣܘܼܬܵܐ ܕܚܘܼܠܡܵܢܵܐ ܕܫܘܼܠܛܵܢܵܐ ܐܘܿܣܬܵܪܵܠܝܵܝܵܐ) ܟܹܐ ܡܕܲܒܪܸܚ ܡܵܘܕܥܵܢܘܵܬܵܘܟ݂̈ܘܿܢ ܦܲܖ̈ܨܘܿܦܵܝܹܐ، ܡܘܿܕܒܸܩܹ̈ܐ ܥܲܡ ܘܵܠܝܵܬ̈ܲܢ ܬܚܘܿܬ ܩܵܢܘܿܢ ܕܕܝܼܠܵܢܵܝܘܼܬܵܐ 1988 (ܩܵܢܘܿܢ ܕܕܝܼܠܵܢܵܝܘܼܬܵܐ). ܐܸܢ ܡܓܲܒܝܼܬܘܿܢ ܕܡܲܟܬܸܒ݂ܝܼܬܘܿܢ ܒܘܼܣܵܡܵܘܡ݂ܘܿܢ ܩܵܐ ܒܐܘܼܖܚܵܐ ܕܫܵܘܦܵܐ ܐܸܠܟܬܪܘܿܢܵܝܵܐ ܕܡܲܟܬܸܒ݂ܵܢܵܐ ܕܒܘܼܣܵܡܵܐ ܥܲܠ ܐܸܢܬܸܪܢܹܝܬ. .COVID-19 ܫܩܵܠܬܵܐ ܕܛܘܼܥܵܡܵܐ ܕܟܘܿܒ݂ܝܼܕ19.
ܡܵܘܕܥܵܢܘܵܬܹ̈ܐ ܕܟܹܐ ܓ̰ܲܡܥܸܚܠܗ݉ܘܿܢ
ܟܹܐ ܓ̰ܲܡܥܸܚ ܡܵܘܕܥܵܢܘܵܬܹ̈ܐ ܦܲܖ̈ܨܘܿܦܵܝܹܐ ܒܘܼܕ ܕܸܝܵܘܟ݂ܘܿܢ ܕܐܲܚܬܘܿܢ ܡܘܿܥܒ݂ܪܝܼܠܵܘܟ݂ܘܿܢ ܒܡܲܦܠܲܚܬܵܐ ܕܫܵܘܦܵܐ ܐܸܠܟܬܪܘܿܢܵܝܵܐ ܕܡܲܟܬܸܒ݂ܵܢܵܐ ܕܒܘܼܣܵܡܵܐ ܥܲܠ ܐܸܢܬܸܪܢܹܝܬ، ܒܸܚܒ݂ܵܫܵܐ:
- ܫܸܡܵܐ ܩܲܕ݉ܡܵܝܵܐ ܘܐ݉ܚܵܪܵܝܵܐ
- ܫܸܢܹ̈ܐ
- ܐܘܼܚܕܵܢܵܐ ܐܵܘ ܩܠܹܝܡܵܐ
- ܪܲܩܡܵܐ ܕܒܲܪܝܼܕܵܐ ܕܦܢܝܼܬܵܐ
- ܐܝܼܡܵܝܠ ܥܲܡ ܐܵܘ ܪܲܩܡܵܐ ܕܡܘܿܒܵܝܠ (ܡܵܨܝܼܬܘܿܢ ܡܓܲܒܝܼܬܘܿܢ ܚܲܕ݉ ܡܸܢܵܝܜ ܐܵܘ ܬܸܪܘܵܝܜ ܩܵܐ ܕܡܵܨܹܝܚ ܡܲܚܒܸܪܸܚܠܵܘܟ݂ܘܿܢ).
ܐܵܦ ܒܸܕ ܡܲܟܬܸܒܸܚ ܦܘܼܢܵܝܵܘܟ݂ܘܿܢ ܠܫܘܼܐܵܠܹ̈ܐ ܥܲܠ ܫܵܘܦܵܐ ܐܸܠܟܬܪܘܿܢܵܝܵܐ ܕܣܲܚܒܲܪܬܵܐ ܕܚܫܝܼܚܘܼܬܵܐ ܩܵܐ ܛܘܼܥܵܡܵܐ ܒܢܝܼܫܹ̈ܐ ܕܡܲܕܥܲܝܬܵܐ ܐܝܼܡܵܢ ܕܝܼܠܵܗ̇ ܥܸܕܵܢܵܐ ܠܚܝܼܡܬܵܐ ܩܵܐ ܠܵܘܟ݂ܘܿܢ ܩܵܐ ܕܫܵܩܠܝܼܬܘܿܢ ܡܵܘܥܕܵܐ ܐܵܘ ܕܫܵܩܠܝܼܬܘܿܢ ܛܘܼܥܵܡܵܐ. ܡܵܘܕܥܵܢܘܼܬܵܐ ܙܵܘܕܵܢܬܵܐ ܕܵܐܟ݂ܝܼ ܡܲܦܠܸܚܸܚ ܡܵܘܕܥܵܢܘܵܬܵܘܟ݂ܘܿܢ ܦܲܖ̈ܨܘܿܦܵܝܹܐ ܬܚܘܿܬ ܫܵܘܦܵܐ ܐܸܠܟܬܪܘܿܢܵܝܵܐ ܕܣܲܚܒܲܪܬܵܐ ܕܚܫܝܼܚܘܼܬܵܐ ܩܵܐ ܛܘܼܥܵܡܵܐ ܕܡܵܨܝܼܬܘܿܢ ܡܲܫ̃ܟ݂ܝܼܬܘܿܢ ܠܹܗ ܥܲܠ ܛܲܟ݂ܣܵܐ ܕܕܝܼܠܵܢܵܝܘܼܬܵܐ ܕ Healthdirect
ܒܐܵܗܵܐ ܡܲܫܩܠܵܐ ܣܬܪܵܬܝܼܓ̰ܝܘܼܬܵܐ ܕܲܣܲܡܬܵܐ ܘܛܘܼܥܵܡܵܐ ܕ ܕܟܘܿܒ݂ܝܼܕ ܕܫܵܘܦܵܐ ܐܸܠܟܬܪܘܿܢܵܝܵܐ ܕܡܲܟܬܸܒ݂ܵܢܵܐ ܕܒܘܼܣܵܡܵܐ ܥܲܠ ܐܸܢܬܸܪܢܹܝܬ ܝܼܠܹܗ ܡܘܿܬܒ݂ܵܐ ܐܵܚܟ̰ܝܼ ܩܵܐ ܐ݉ܢܵܫܹ̈ܐ ܒܫܸܢܹ̈ܐ 18 ܘܥܸܠܸܠ. ܐܸܢ ܡܘܿܩܪܸܒ݂ܠܵܘܟ݂ܘܿܢ ܡܵܘܕܥܵܢܘܵܬܹ̈ܐ ܡ݂ܢ ܓܹܢ݉ܒܵܐ ܕܐ݉ܢܵܫܹ̈ܐ ܐ݉ܚܖܹ̈ܢܹܐ، ܘܵܠܹܐ ܕܗܵܘܝܿܬܘܿܢ ܐܲܒ݂ܵܗܵܝܜ ܐܵܘ ܢܵܛܘܿܖ̈ܵܝܜ ܩܵܢܘܿܢܵܝܹ̈ܐ ܐܵܘ ܐܝܼܬܠܵܘܟ݂ܘܿܢ ܦܣܵܣܵܐ ܡܸܢܵܝܜ.
ܩܵܐ ܡܘܿܕܝܼ ܟܹܐ ܓ̰ܲܡܥܸܚ ܡܵܘܕܥܵܢܘܵܬܵܘܟ݂ܘܿܢ ܦܲܖ̈ܨܘܿܦܵܝܹܐ
ܟܹܐ ܓ̰ܲܡܥܸܚ ܡܵܘܕܥܵܢܘܵܬܵܘܟ݂ܘܿܢ ܦܲܖ̈ܨܘܿܦܵܝܹܐ ܒܢܝܼܫܹ̈ܐ ܕܡܲܕܥܲܝܬܵܐ ܐܝܼܡܵܢ ܕܝܼܠܵܗ̇ ܥܸܕܵܢܵܐ ܠܚܝܼܡܬܵܐ ܩܵܐ ܠܵܘܟ݂ܘܿܢ ܩܵܐ ܕܫܵܩܠܝܼܬܘܿܢ ܡܵܘܥܕܵܐ ܐܵܘ ܕܫܵܩܠܝܼܬܘܿܢ ܛܘܼܥܵܡܵܐ ܐܵܘ ܩܵܐ ܡܲܕܲܥܬܵܘܟ݂ܘܿܢ ܕܐܝܼܬ ܛܘܼܥܵܡܵܐ ܓܵܘ ܦܢܝܼܬܵܘܟ݂ܘܿܢ. ܒܸܕ ܡܲܦܠܸܚܸܚ ܪܲܩܡܵܐ ܕܡܘܿܒܵܝܠ ܐܵܘ ܐܝܼܡܵܝܠ ܕܡܘܿܩܪܸܒ݂ܝܼܠܵܘܟ݂ܘܿܢ ܩܵܐ ܕܡܲܕܥܸܚܠܵܘܟ݂ܘܿܢ ܒܐܲܢܹܐ ܢܝܼܫܹ̈ܐ. ܐܸܢ ܡܘܿܩܪܸܒ݂ܝܼܬܘܿܢ ܐܝܼܡܵܝܠ ܒܸܕ ܗܵܘܹܐ ܐܘܼܪܚܵܐ ܩܲܕ݉ܡܵܝܬܵܐ ܩܵܐ ܡܲܚܒܲܪܬܵܘܟ݂ܘܿܢ.
ܒܸܕ ܝܵܕܥܸܚ ܥܸܕܵܢܵܐ ܕܡܲܚܒܸܪܸܚܠܵܘܟ݂ܘܿܢ ܒܢܝܼܬܵܐ ܝܠܵܗ̇ ܥܲܠ ܦܘܼܢܵܝܵܘܟ݂ܘܿܢ ܩܵܐ ܟܲܝܠܵܐ ܕܚܫܝܼܚܘܼܬܵܐ ܥܲܠ ܫܵܘܦܵܐ ܐܸܠܸܟܬܪܘܿܢܵܝܵܐ ܕܣܲܚܒܲܪܬܵܐ ܕܚܫܝܼܚܘܼܬܵܐ ܩܵܐ ܛܘܼܥܵܡܵܐ. ܫܵܘܦܵܐ ܐܸܠܟܬܪܘܿܢܵܝܵܐ ܕܣܲܚܒܲܪܬܵܐ ܕܚܫܝܼܚܘܼܬܵܐ ܩܵܐ ܛܘܼܥܵܡܵܐ ܒܸܕ ܡܲܕܸܥܠܲܢ ܡܵܐ ܛܵܘܪܵܐ ܕܣܬܪܵܬܝܼܓ̰ܵܝܘܼܬܵܐ ܕܛܘܼܥܵܡܵܐ ܕܟܘܿܒ݂ܝܼܕ ܠܚܝܼܡܬܵܐ ܝܠܵܗ̇ ܥܲܡܵܘܟ݂ܘܿܢ. ܩܲܕ݉ܡܵܝܬܵܐ ܘܵܠܹܐ ܕܡܲܦܠܚܝܼܬܘܿܢ ܫܵܘܦܵܐ ܐܸܠܸܟܬܪܘܿܢܵܝܵܐ ܕܣܲܚܒܲܪܬܵܐ ܕܚܫܝܼܚܘܼܬܵܐ ܩܵܐ ܛܘܼܥܵܡܵܐ ܩܵܕ݉ܡ ܕܡܲܟܬܸܒ݂ܝܼܬܘܿܢ ܒܘܼܣܵܡܵܘܟ݂ܘܿܢ ܩܵܐ ܛܲܥܲܡܬܵܐ ܕܟܘܿܒ݂ܝܼܕ19.
ܡܲܦܠܲܚܬܵܐ ܘܓܠܵܝܬܵܐ ܕܡܵܘܕܥܵܢܘܵܬܵܘܟ݂ܘܿܢ ܦܲܖ̈ܨܘܿܦܵܝܹܐ
ܩܵܐ ܡܲܚܒܲܖ̈ܝܵܬܹܐ
ܐܲܚܟ̰ܝܼ ܒܸܕ ܡܲܦܠܸܚܸܚ ܡܵܘܕܥܵܢܘܵܬܵܘܟ݂ܘܿܢ ܦܲܖ̈ܨܘܿܦܵܝܹܐ ܩܵܐ ܡܲܚܒܲܪܬܵܘܟ݂ܘܿܢ ܒܚܫܝܼܚܘܼܬܵܘܟ݂ܘܿܢ ܩܵܐ ܡܵܘܥܕܵܐ ܕܫܩܵܠܬܵܐ ܕܛܘܼܥܵܡܵܐ ܕܟܘܿܒ݂ܝܼܕ19 ܐܵܘ ܒܘܼܕ ܗܕܝܼܪܘܼܬܵܐ ܕܛܘܼܥܵܡܵܐ ܓܵܘ ܦܢܝܼܬܵܘܟ݂ܘܿܢ. ܐܵܗܵܐ ܩܵܘܡܵܐ ܕܚܵܒ݂ܫܵܐ ܐܲܝܟܲܢܘܵܬܹ̈ܐ ܕܐܝܼܡܵܢ ܕܝܼܠܵܗ̇ ܥܸܕܵܢܵܐ ܠܚܝܼܡܬܵܐ ܩܵܐ ܠܵܘܟ݂ܘܿܢ ܩܵܐ ܕܫܵܩܠܝܼܬܘܿܢ ܡܵܘܥܕܵܐ ܐܵܘ ܕܫܵܩܠܝܼܬܘܿܢ ܛܘܼܥܵܡܵܐ ܐܵܘ ܕܐܝܼܬ ܛܘܼܥܵܡܹ̈ܐ ܙܵܘܕܵܢܹ̈ܐ ܐܵܘ ܚܸܠܡܲܬܹ̈ܐ ܕܛܲܥܲܡܬܵܐ ܩܘܼܪܒܵܐ ܠܪܲܩܡܵܐ ܒܪܝܼܕܵܝܵܐ ܕܡܘܿܕܟܸܪܠܳܘܟ݂ܘܿܢ.
ܡܨܘܿܚܨܹܐܠܲܢ ܡܲܩܖܸ̈ܒ݂ܵܢܹ̈ܐ ܕܡܵܘܕܥܵܢܘܵܬܹ̈ܐ ܕܒܸܕ ܡܲܚܒܸܪܝܼܠܵܘܟ݂ܘܿܢ ܡ݂ܢ ܓܹܢ݉ܒܲܢ، ܩܵܐ ܫܲܪܲܪܬܵܐ ܕܐܝܼܬܠܲܢ ܛܲܟ݂ܣܵܐ ܕܕܝܼܠܵܝܵܢܘܼܬܵܐ ܘܲܚܲܡܲܝܬܵܐ ܕܡܵܘܕܥܵܢܘܵܬܹ̈ܐ ܐ݉ܖ̈ܵܙܵܢܵܝܹܐ. ܒܸܕ ܫܲܪܸܟܸܚ ܦܘܼܨܵܠܵܐ ܕܡܵܘܕܥܵܢܘܵܬܵܘܟ݂ܘܿܢ ܥܲܡܵܝܜ. ܐܵܢܝܼ ܒܸܕ ܡܵܨܝܼ ܡܲܦܠܚܝܼܠܗ݉ܘܿܢ ܩܵܐ ܐܵܗܵܐ ܢܝܼܫܵܐ ܐܲܚܟ̰ܝܼ.
ܡܘܿܦܠܸܚܹܐ ܝܘܸܚ ܒܕܲܥܒܲܪ (ܡܲܚܒܸܪ)، ܣܵܥܘܿܪܘܼܬܵܐ ܐܘܿܣܬܪܵܠܝܵܝܬܵܐ ܕܫܘܼܚܠܵܦܵܐ ܪܲܩܡܵܝܵܐ (DTA) ܕܚܘܼܪܙܵܐ ܕܡܵܘܕܥܵܢܘܵܬܹ̈ܐ ܒܢܝܼܫܵܐ ܕܡܲܚܒܲܪܬܵܘܟ݂ܘܿܢ. (ܡܲܚܒܸܪ) ܝܼܠܹܗ ܚܸܠܡܲܬ ܐܸܠܸܟܬܪܘܿܢܵܝܬܵܐ ܕܡܲܚܒܲܖ̈ܝܵܬܹܐ ܕܟܹܐ ܡܲܩܪܸܒ݂ ܩܵܐ ܟܘܼܝܵܢܹ̈ܐ ܕܫܘܼܠܛܵܢܵܐ ܡܨܵܝܬܵܐ ܕܡܫܲܕܪܝܼ ܐܝܼܡܵܠܹ̈ܐ ܘܐܸܓܲܖ̈ܝܵܬܹܐ ܕܬܹܠܝܼܦ̮ܘܿܢ. ܒܸܕ ܡܲܪܝܸܙܸܚ ܐܝܼܡܵܢ ܘܕܵܐܟ݂ܝܼ ܐܸܓܲܖ̈ܝܵܬܹܐ ܒܸܕ ܦܵܝܫܝܼ ܡܫܘܿܕܖܹ̈ܐ ܒܐܘܼܪܚܵܐ ܕ(ܡܲܚܒܸܪ). ܐܲܝܟ݂ ܚܲܕ݉ ܟܘܼܝܵܢܵܐ ܕܫܘܼܠܛܵܢܵܐ ܐܘܿܣܬܪܵܠܝܵܝܵܐ، (DTA) ܘܵܠܹܐ ܕܬܵܒܹܥ ܩܵܢܘܿܢܵܐ ܕܕܝܼܠܵܢܵܝܘܼܬܵܐ. ܡܵܨܝܼܬܘܿܢ ܚܵܙܝܼܬܘܿܢ ܐܸܓܲܪܬܵܝܜ ܕܕܝܼܠܵܢܵܝܘܼܬܵܐ ܥܲܠ ܫܵܘܦܵܝܜ ܐܸܠܟܬܪܘܿܢܵܝܵܐ. (DTA) ܡܫܪܘܿܪܹܐ ܝܠܵܗ̇ ܕܐܝܼܬܠܵܗ̇ ܐܲܡܝܼܢܘܼܬܵܐ ܚܲܝܠܵܢܬܵܐ ܕܚܲܡܲܝܬܵܐ ܕܡܵܘܕܥܵܢܘܵܬܹ̈ܐ.
ܒܕܲܥܬܝܼܕ، ܩܵܘܡܵܐ ܕܡܲܦܠܸܚܸܚ ܚܸܠܡܲܬܹ̈ܐ ܕܐܵܡܵܙܘܿܢ (AWS) ܡܵܘܕܥܵܢܘܵܬܹ̈ܐ ܕܚܘܼܪܙܵܐ ܕܲܩܲܩܬܵܐ (ܦܸܢܦܘܿܝܢܬ) ܕܡܲܚܒܲܖ̈ܝܵܬܹܐ ܩܵܐ ܡܲܚܒܲܪܬܵܘܟ݂ܘܿܢ. ܕܲܩܲܩܬܵܐ (ܦܸܢܦܘܿܝܢܬ) ܝܼܠܹܗ ܚܲܕ݉ ܚܘܼܪܙܵܐ ܐܸܠܸܟܬܪܘܿܢܵܝܵܐ ܕܚܸܠܡܲܬܹ̈ܐ ܕܡܲܚܒܲܖ̈ܝܵܬܹܐ ܕܟܹܐ ܡܲܩܪܸܒ݂ ܩܵܐ ܟܘܼܝܵܢܹ̈ܐ ܕܫܘܼܠܛܵܢܵܐ ܡܨܵܝܬܵܐ ܕܡܫܲܕܪܝܼ ܐܝܼܡܵܝܠܹ̈ܐ ܘܐܸܓܲܖ̈ܝܵܬܹܐ ܕܬܹܠܝܼܦ̮ܘܿܢ. ܒܸܕ ܡܲܪܝܸܙܸܚ ܐܝܼܡܵܢ ܘܕܵܐܟ݂ܝܼ ܐܸܓܲܖ̈ܝܵܬܹܐ ܒܸܕ ܦܵܝܫܝܼ ܡܫܘܿܕܖܹ̈ܐ ܒܐܘܼܪܚܵܐ ܕ ܕܲܩܲܩܬܵܐ (ܦܸܢܦܘܿܝܢܬ). (AWS) ܡܫܪܘܿܪܹܐ ܝܠܵܗ̇ ܕܐܝܼܬܠܵܗ̇ ܐܲܡܝܼܢܘܼܬܵܐ ܚܲܝܠܵܢܬܵܐ ܕܚܲܡܲܝܬܵܐ ܕܡܵܘܕܥܵܢܘܵܬܹ̈ܐ. ܡܵܨܝܼܬܘܿܢ ܚܵܙܝܼܬܘܿܢ ܐܸܓܲܪܬܵܝܜ ܕܕܝܼܠܵܢܵܝܘܼܬܵܐ ܥܲܠ ܫܵܘܦܵܝܜ ܐܸܠܟܬܪܘܿܢܵܝܵܐ.
ܩܵܐ ܡܫܲܕܲܪܬܵܘܟ݂ܘܿܢ ܡܲܚܒܲܖ̈ܝܵܬܹܐ ܒܐܘܼܪܚܵܐ ܕܚܘܼܪܙܵܐ ܕܡܲܚܒܲܖ̈ܝܵܬܹܐ ܕ(ܡܲܚܒܸܪ) ܐܵܘ (ܦܸܢܦܘܿܝܢܬ)، ܡܵܘܕܥܵܢܘܵܬܵܘ̈ܟ݂ܘܿܢ (ܒܸܚܒ݂ܵܫܵܐ ܡܵܘܕܥܵܢܘܵܬܵܘ̈ܟ݂ܘܿܢ ܦܲܪܨܘܿܦܵܝܹ̈ܐ) ܒܸܕ ܦܵܝܫܝܼ ܩܲܕ݉ܡܵܝܬܵܐ ܡܫܘܿܢܝܹ̈ܐ ܡ݂ܢ ܚܘܼܪܙܵܐ ܕܣܲܓ݂ܲܠܬܵܐ ܕܒܘܼܣܵܡܵܘܟ݂ܘܿܢ ܠܐܲܘܨܪܵܐ ܕܬܲܪܡܝܼܬܵܐ ܕܡܵܘܕܥܵܢܘܵܬܹ̈ܐ (EDW). EDW ܝܼܠܹܗ ܚܲܕ݉ ܚܘܼܪܙܵܐ ܡܫܘܿܬܐܸܣܵܐ ܕܟܹܐ ܡܥܲܕܸܪ ܠܐܲܘܨܪܵܐ ܕܬܲܪܡܝܼܬܵܐ ܕܡܵܘܕܥܵܢܘܵܬܹ̈ܐ ܒܐܘܼܪܚܵܐ ܐܲܡܝܼܢܬܵܐ ܓܵܘ ܐܘܿܣܬܪܵܠܝܵܐ. ܥܒܲܪܬܵܐ ܠܐܲܢܹܐ ܡܵܘܕܥܵܢܘܵܬܹ̈ܐ ܡܸܬܚܵܙܝܵܢܹ̈ܐ ܝܼܢܵܐ ܡܬܘܿܚܸܡܹ̈ܐ ܩܵܐ ܡܬܲܩܢܵܢܹ̈ܐ ܕܚܘܼܠܡܵܢܵܐ ܕܐܝܸܬܠܗ݉ܘܿܢ ܦܣܵܣܵܐ ܕܫܝܵܦܬܵܐ ܕܚܲܕ݉ܟܡܵܐ ܡܵܘܕܥܵܢܘܵܬܹ̈ܐ (ܐܲܝܟ݂ ܡܵܘܕܥܵܢܘܵܬܹ̈ܐ ܬܸܢܝܹ̈ܐ) ܘܗܲܕܲܪܬܵܐ ܕܠܦܵܦܹ̈ܐ ܩܵܐ ܡܲܚܒܲܖ̈ܝܵܬܹܐ.
ܟܹܐ ܡܲܦܠܸܚܸܚ EDW ܩܵܐ ܡܲܨܠܵܝܬܵܐ ܕܦܘܼܨܵܠܹ̈ܐ ܕܡܵܘܕܥܵܢܘܵܬܹ̈ܐ ܥܲܠ ܚܘܼܪܙܵܐ ܕܡܲܚܒܲܖ̈ܝܵܬܹܐ ܩܵܐ ܡܫܲܕܲܪܬܵܐ ܕܐܸܓܲܖ̈ܝܵܬܹܐ ܒܐܘܼܪܚܵܐ ܕܐܝܼܡܵܝܠܹ̈ܐ ܘܐܸܓܲܖ̈ܝܵܬܹܐ ܕܬܹܠܝܼܦ̮ܘܿܢ.
ܒܕܲܥܬܝܼܕ، ܣܢܝܼܩܹ̈ܐ ܝܘܸܚ ܕܡܲܦܠܸܚܸܚ ܚܲܕ݉ ܡܲܩܪܸܒ݂ܵܢܵܐ ܐ݉ܚܪܹܢܵܐ ܕܡܲܚܒܲܖ̈ܝܵܬܹܐ ܕܐܵܦ ܗܵܘܹܐܠܹܗ ܐܲܡܝܼܢܘܼܬܵܐ ܚܲܝܠܵܢܬܵܐ ܕܚܲܡܲܝܬܵܐ ܕܡܵܘܕܥܵܢܘܵܬܹ̈ܐ ܕܡܲܚܒܸܪܝܼܠܵܘܟ݂ܘܿܢ ܡ݂ܢ ܓܹܢ݉ܒܲܢ. ܒܸܕ ܡܫܲܪܸܟܸܚܠܵܗ݉ܘܿܢ ܡܵܘܕܥܵܢܘܵܬܵܘܟ݂ܘܿܢ ܥܲܡܵܝܜ. ܒܸܕ ܗܵܘܝܼ ܡܵܨܝܵܢܹ̈ܐ ܕܡܲܦܠܸܚܝܼ ܡܵܘܕܥܵܢܘܵܬܵܘܟ݂ܘܿܢ ܐܲܚܟ̰ܝܼ ܩܵܐ ܐܵܗܵܐ ܢܝܼܫܵܐ.
ܩܵܐ ܕܵܘܩܘܼܬܵܐ ܘܡܵܘܕܲܥܬܵܐ
ܒܸܕ ܡܲܦܠܸܚܸܚ ܡܵܘܕܥܵܢܘܼܬܵܐ ܕ EDWܩܵܐ ܒܪܵܝܬܵܐ ܕܐܲܢܦܘܼܖܹ̈ܐ ܟܢܘܼܫܝܵܝܹ̈ܐ ܩܵܐ ܡܥܲܕܲܪܬܵܐ ܕܕܵܘܩܘܼܬܲܢ ܕܝܗܵܒ݂ܬܵܐ ܕܛܘܼܥܵܡܵܐ ܕܟܘܿܒ݂ܝܼܕ 19. ܐܘܼܚܕܵܢܵܘܟ݂ܘܿܢ ܐܵܘ ܩܠܹܝܡܵܘܟ݂ܘܿܢ ܡܵܨܝܼ ܕܥܵܒ݂ܪܝܼ ܠܐܲܢܹܐ ܐܲܢܦܘܼܖܹ̈ܐ ܕܡܵܨܝܼ ܝܵܕܥܝܼ ܫܵܘܝܵܐ ܕܡܲܛܠܵܒܹ̈ܐ ܠܟܡܵܐ ܐܝܼܬ ܛܘܼܥܵܡܹ̈ܐ ܓܵܘ ܦܢܝܼܬܵܘܟ݂ܘܿܢ. ܩܵܘܡܵܐ ܕܚܵܒ݂ܫܸܚ ܡܵܘܕܥܵܢܘܵܬܵܘܟ݂ܘܿܢ ܓܵܘ ܫܪܵܝܬܵܐ ܕܡܵܘܕܥܵܢܘܵܬܹ̈ܐ ܕܛܘܼܥܵܡܵܐ (Data Solution) ܩܵܐ ܐܵܗܵܐ ܢܝܼܫܵܐ. ܫܪܵܝܬܵܐ ܕܡܵܘܕܥܵܢܘܵܬܹ̈ܐ ܕܛܘܼܥܵܡܵܐ (Data Solution) ܝܼܠܹܗ ܚܲܕ݉ ܚܘܼܪܙܵܐ ܪܲܩܡܵܝܵܐ ܐܸܠܸܟܬܪܘܿܢܵܝܵܐ ܩܵܐ ܕܵܘܩܘܼܬܵܐ ܕܟܲܣܵܝܬܵܐ ܘܡܫܲܕܲܪܬܵܐ ܕܛܘܼܥܵܡܵܐ ܕܟܘܿܒ݂ܝܼܕ 19. ܒܸܕ ܡܲܒܨܸܪܝܼ ܐܲܢܦܘܼܖܹ̈ܐ ܒܸܚܒ݂ܵܫܵܐ ܡܵܘܕܥܵܢܘܵܬܹ̈ܐ ܫܝܼܦܹ̈ܐ ܒܘܼܕ ܕܝܗܵܒ݂ܬܵܐ ܕܛܘܼܥܵܡܵܐ ܕܟܘܿܒ݂ܝܼܕ.
ܩܵܐ ܕܝܵܕܥܝܼܬܘܿܢ ܕܵܐܟ݂ܝܼ ܓ̰ܵܡܥܸܚ ܘܡܲܦܠܸܚܸܚ ܡܵܘܕܥܵܢܘܵܬܵܘܟ݂ܘܿ ܦܲܖ̈ܨܘܿܦܵܝܹܐ ܐܝܼܡܵܢ ܕܫܵܩܠܝܼܬܘܿܢ ܛܘܼܥܵܡܵܐ ܕܟܘܿܒ݂ܝܼܕ 19. ܐܸܢ ܒܵܣܡܵܐ ܠܵܘܟ݂ܘܿܢ ܚܙܝܼܡܘܼܢ ܡܲܚܒܲܪܬܵܐ ܕܕܝܼܠܵܢܵܝܘܼܬܵܐ ܩܵܐ ܛܘܼܥܵܡܵܐ ܕܟܘܿܒ݂ܝܼܕ 19.
ܡܲܟܠܵܝܬܵܐ ܕܡܲܚܒܲܖ̈ܝܵܬܹܐ
ܐܸܢ ܡܫܘܿܚܠܸܦܠܵܘܟ݂ܘܿܢ ܬܲܚܡܲܢܬܵܘܟ݂ܘܿܢ ܕܠܵܐ ܩܵܒܠܝܼܬܘܿܢ ܡܲܚܒܲܖ̈ܝܵܬܹܐ ܡܵܨܝܼܬܘܿܢ ܡܲܟܠܝܼܬܘܿܢ ܠܗ݉ܘܿܢ ܡܲܚܒܲܖ̈ܝܵܬܹܐ ܐ݉ܚܖܹ̈ܢܹܐ.
ܘܵܠܹܐ ܕܓ̰ܲܘܸܒܝܼܬܘܿܢ ܠܐܝܼܡܵܝܠ ܐܵܘ ܐܸܓܲܖ̈ܬܵܐ ܕܬܹܠܝܼܦ̮ܘܿܢ ܩܵܐ ܡܲܟܠܲܝܬܵܐ ܕܡܲܚܒܲܖ̈ܝܵܬܹܐ. ܒܸܕ ܚܲܬܸܬܸܚ ܕܐܵܗܵܐ ܦܵܝܫܵܐ ܥܒ݂ܝܸܕܬܵܐ ܐܲܘܨܵܪܵܐ ܕܡܵܕܥܵܢܘܵܬܹ̈ܐ EDW. ܒܸܕ ܡܚܲܡܹܝܚ ܠܡܵܘܕܥܵܢܘܵܬܵܘ̈ܟ݂ܘܿܢ ܐܝܼܢܵܐ ܠܵܐ ܡܲܚܒܸܪܸܚܠܵܘܟ݂ܘܿܢ ܡܸܢܕܪܹܫ.
ܕܵܐܟ݂ܝܼ ܡܵܘܕܥܵܢܘܼ̈ܬܵܘܟ݂ܘܿܢ ܦܵܝܫܝܼ ܡܚܘܿܡܝܹ̈ܐ
ܐܝܼܡܵܢ ܕܡܲܟܬܸܒ݂ܝܼܬܘܿܢ ܠܒܘܼܣܵܡܵܘܟ݂ܘܿܢ ܩܵܐ ܛܲܥܲܡܬܵܐ، ܡܵܘܕܥܵܢܘܼ̈ܬܵܘܟ݂ܘܿܢ ܒܸܕ ܦܵܝܫܝܼ ܡܚܘܿܡܝܹ̈ܐ ܥܲܠ ܚܸܠܡܵܬܹ̈ܐ ܥܲܝܒ݂ܵܢܹ̈ܐ ܡܘܿܩܪܸܒܹܐ ܒܝܲܕ AWS. ܐܵܦ ܫܪܵܝܬܵܐ ܕܡܵܘܕܥܵܢܘܵܬܹ̈ܐ ܕܛܘܼܥܵܡܵܐ (Data Solution) ܡܲܦܠܸܚܝܼ ܐܵܗܵܐ ܚܸܠܡܲܬ. ܫܲܪܝܟܲܢ ܕܟܹܐ ܡܕܲܒܸܪ ܠܐܲܢܹܐ ܚܸܠܡܵܬܹ̈ܐ ܥܲܝܒ݂ܵܢܹ̈ܐ ܘܵܠܹܐ ܕܢܵܛܪܝܼ ܡܲܛܠܵܒ̈ܲܢ ܕܕܝܼܠܵܢܵܝܘܼܬܵܐ ܘܐܲܡܝܼܢܘܼܬܵܐ ܕܡܵܘܕܥܵܢܘܵܬܹ̈ܐ. ܐܵܗܵܐ ܒܸܚܒ݂ܵܫܵܐ ܝܠܵܗ̇ ܫܠܵܡܬܵܐ ܠܩܵܢܘܿܢܵܐ ܕܕܝܼܠܵܢܵܝܘܼܬܵܐ ܘܚܲܡܲܝܬܵܐ ܕܡܵܘܕܥܵܢܘܵܬܹ̈ܐ ܡ݂ܹ ܡܲܠܲܚܬܵܐ ܠܵܐ ܚܫܝܼܚܬܵܐ، ܛܠܵܩܬܵܐ، ܚܪܵܒ݂ܬܵܐ ܐܵܘ ܥܒ݂ܵܪܬܵܐ ܘܓܠܵܝܬܵܐ ܕܠܵܐ ܦܣܵܣܵܐ.
ܡܲܩܖܸ̈ܒ݂ܵܢܹܐ ܕܚܸܠܡܲܬܹ̈ܐ ܕܟܘܿܡܦܝܘܼܬܲܕ ܕܝܼܵܢ ܝܼܢܵܐ ܡܸܫܬܲܐܠܵܢܹ̈ܐ ܩܵܐ ܡܕܲܒܲܪܬܵܐ ܘܡܲܦܠܲܚܬܵܐ ܚܘܼܪܙܵܐ ܕܣܲܓ݂ܲܠܬܵܐ ܕܒܘܼܣܵܡܵܘܟ݂ܘܿܢ ܐܵܦ ܩܵܘܡܵܐ ܕܥܵܒ݂ܪܝܼ ܠܦܘܼܨܵܠܹ̈ܐ ܕܡܵܘܕܥܵܢܘܵܬܵܘ̈ܟ݂ܘܿܢ ܩܨܐ ܢܛܵܪܬܵܐ ܘܚܲܕܲܕܬܵܐ ܕܛܘܼܟܵܣܵܐ ܕܟܘܿܡܦܝܘܼܬܲܪ. ܐܝܼܢܵܐ ܘܵܠܹܐ ܕܢܵܛܪܝܼ ܩܵܢܘܿܢܹ̈ܐ ܕܕܝܼܠܵܢܵܝܘܼܬܵܐ ܚܲܝܠܵܢܹ̈ܐ ܩܵܐ ܐ݉ܪܵܙܵܢܵܝܘܼܬܵܐ. ܘܐܲܡܝܼܢܘܼܬܵܐ.
ܡܵܘܕܥܵܢܘܵܬܹ̈ܐ ܡܚܘܿܡܝܹ̈ܐ ܥܲܠ EDW ܝܼܢܵܐ ܡܕܘܿܒܖܹ̈ܐ ܕܢܵܛܪܝܼ ܩܵܢܘܿܢ̈ܲܢ ܚܲܝܠܵܢܹ̈ܐ ܕܕܝܼܠܵܢܵܝܘܼܬܵܐ ܘܐܲܡܝܼܢܘܼܬܵܐ. ܒܸܕ ܡܚܲܡܹܝܚ ܠܡܵܘܕܥܵܢܘܵܬܹ̈ܐ ܐܲܝܟ݂ ܕܝܼܢܵܐ ܛܠܝܼܒܹ̈ܐ ܒܩܵܢܘܿܢܵܐ.
ܚܲܙܲܢܬܵܐ ܘܡܲܚܒܲܪܬܵܐ
ܐܸܢ ܡܫܘܿܕܸܪܠܲܢ ܡܲܚܒܲܪܬܵܐ ܕ ܡܵܘܕܥܵܢܘܵܬܵܘܟ݂ܘܿܢ ܦܲܖ̈ܨܘܿܦܵܝܹܐ ܒܐܘܼܪܚܵܐ ܕ(ܡܲܚܒܸܪ)، ܒܸܚܒ݂ܵܫܵܐ ܪܲܩܡܵܐ ܕܬܹܝܠܝܼܦ̮ܘܿܢܵܘܟ݂ܘܿܢ ܘܐܹܝܡܵܝܠܵܘܟ݂ܘܿܢ، ܒܸܕ ܦܵܝܫܝܼ ܡܘܿܟܠܸܝܹ̈ܐ ܙܲܒ݂ܢܵܢܵܐܝܼܬ ܥܲܠ ܚܘܼܪܙܵܐ ܕܡܲܚܒܲܪܬܵܐ ܩܵܐ 7 ܝܵܘܡܵܢܹ̈ܐ ܘܒܵܬܲܪ ܗܵܕܵܟ݂ ܒܸܕ ܫܵܝܦܝܼ ܒܓܵܢܵܝܜ ܡ݂ܢ ܚܘܼܪܙܵܐ ܕ(ܡܲܚܒܸܪ).
ܡܵܘܕܥܵܢܘܵܬܹ̈ܐ ܒܸܕ ܦܵܝܫܝܼ ܡܚܘܿܡܝܹ̈ܐ ܒܝܲܕ ܡܲܩܖܸ̈ܒ݂ܵܢܢܐ ܕܡܘܼܛܵܝܹ̈ܐ ܐܲܝܟ݂ ܩܵܢܘܿܢܵܐ 1979 ܕܡܘܼܛܵܝܹ̈ܐ (ܡܲܨܝܵܬܵܐ ܘܥܒ݂ܵܪܬܵܐ).
ܚܲܙܲܢܬܵܐ ܥܲܠ ܦܸܢܦܘܿܝܢܬ
ܐܸܢ ܡܫܘܿܕܸܪܠܲܢ ܡܲܚܒܲܪܬܵܐ ܕܡܵܘܕܥܵܢܘܵܬܵܘܟ݂ܘܿܢ ܦܲܖ̈ܨܘܿܦܵܝܹܐ ܒܐܘܼܪܚܵܐ ܕܕܲܩܲܩܬܵܐ (ܦܸܢܦܘܿܝܢܬ)، ܡܵܘܕܥܵܢܘܵܬܵܘܟ݂ܘܿܢ ܦܲܖ̈ܨܘܿܦܵܝܹܐ، ܒܸܚܒ݂ܵܫܵܐ ܪܲܩܡܵܐ ܕܬܹܝܠܝܼܦ̮ܘܿܢܵܘܟ݂ܘܿܢ ܘܐܹܝܡܵܝܠܵܘܟ݂ܘܿܢ، ܒܸܕ ܦܵܝܫܝܼ ܡܚܘܿܡܝܹ̈ܐ ܥܲܠ ܚܘܼܪܙܵܐ ܕܕܲܩܲܩܬܵܐ (ܦܸܢܦܘܿܝܢܬ). ܒܸܕ ܒܸܕ ܫܵܝܦܝܼ ܒܓܵܢܵܝܜ ܡ݂ܢ ܚܘܼܪܙܵܐ ܒܵܬܲܪ 7 ܝܵܘܡܵܢܹ̈ܐ ܐܝܼܡܵܢ ܕܡܫܲܪܸܪܸܚ ܕܠܲܝܬ ܡܸܢܕܝܼ ܬܘܹܩܵܢܵܝܵܐ ܕܦܵܐܹܫ ܫܸܪܝܵܐ ܐܵܘ
ܡܵܘܕܥܵܢܘܵܬܹ̈ܐ ܒܸܕ ܦܵܝܫܝܼ ܡܚܘܿܡܝܹ̈ܐ ܒܝܲܕ ܡܲܩܖܸ̈ܒ݂ܵܢܢܐ ܕܡܘܼܛܵܝܹ̈ܐ ܐܲܝܟ݂ ܩܵܢܘܿܢܵܐ 1979 ܕܡܘܼܛܵܝܹ̈ܐ (ܡܲܨܝܵܬܵܐ ܘܥܒ݂ܵܪܬܵܐ).
ܦܲܫܲܩܬܵܐ ܕܫܵܘܦܵܐ ܐܸܠܸܟܬܪܘܿܢܵܝܵܐ
ܐܝܼܡܵܢ ܕܡܲܦܠܸܚܼܚ ܠܒܘܼܣܵܡܵܘܟ݂ܘܿܢ ܩܵܐ ܛܲܥܲܡܬܵܐ (ܟܘܿܟܹ̈ܐ ܠܦܵܦܹ̈ܐ ܙܥܘܿܖܹ̈ܐ ܡܚܘܿܡܝܹ̈ܐ ܓܵܘ ܟܘܿܡܦܝܘܿܬܵܪܵܘܟ݂ܘܿܢ) ܡܘܿܒܖ̈ܝܹܐ ܒܸܝܵܢ ܘܝܲܗܠܵܐ ܬܠܝܼܬܵܝܵܐ. ܐܲܢܹܐ ܠܦܵܦܹ̈ܐ ܒܸܕ ܡܥܲܕܪܝܼܠܲܢ ܕܝܵܕܥܸܚ ܡܵܢܝܼ ܡܲܦܠܘܿܚܹܐ ܝܠܹܗ ܫܵܘܦܲܢ ܐܸܠܸܟܬܪܘܿܢܵܝܵܐ. ܘܒܸܕ ܝܵܕܥܝܼ ܟܘܿܡܦܝܘܿܬܵܪܵܘܟ݂ܘܿܢ ܠܵܐ ܐܲܚܬܘܿܢ ܦܲܪܨܘܿܦܵܐܝܼܬ. ܠܲܝܬ ܡܵܘܕܥܵܢܘܵܬܹ̈ܐ ܦܲܖ̈ܨܘܿܦܵܝܹܐ ܡܚܘܿܡܝܹ̈ܐ ܒܐܲܢܹܐ ܠܦܵܦܹ̈ܐ ܡܘܿܦܠܸܚܹ̈ܐ ܒܫܵܘܦܲܢ ܐܸܠܸܟܬܪܘܿܢܵܝܵܐ. ܐܲܢܹܐ ܡܵܘܕܥܵܢܘܵܬܹ̈ܐ ܡܓ̰ܘܿܡܥܹ̈ܐ ܒܸܚܒ݂ܵܫܵܐ ܝܢܵܐ:
- ܡܚܲܕܡܵܢܵܐ ܘܡܚܵܘܝܵܢܵܐ ܕܐܸܢܬܸܪܢܹܝܬ؛
- ܫܸܡܵܐ ܕܙܘܿܢܵܐ ܥܸܠܵܝܵܐ (ܩܵܐ ܛܘܼܦ̮ܣܵܐ (.gov , .com, .edu. au)؛
- ܬܸܚܡܵܐ ܕܚܘܼܪܙܵܐ ܡܘܿܦܠܼܚܵܐ؛
- ܣܝܼܩܘܿܡܵܐ ܘܥܸܕܵܢܵܐ ܕܥܒ݂ܵܪܬܵܘܟ݂ܘܿܢ ܠܐܸܢܬܸܪܢܹܝܬ؛
- ܕܲܐܟ݂ܝܼ ܡܘܿܦܠܼܚܠܵܘܟ݂ܘܿܢ ܠܫܵܘܦܲܢ ܐܸܠܸܟܬܪܘܿܢܵܝܵܐ؛ ܘ
- ܫܵܘܦܵܢܹ̈ܐ ܐܸܠܸܟܬܪܘܿܢܵܝܵܐ ܕܕܲܥܒܲܪ ܕܥܒ݂ܝܼܖܹ̈ܐ ܝܬܘܿܢ ܥܲܠܵܝܜ.
ܟܹܐ ܡܲܦܠܸܚܸܚ ܡܵܘܕܥܵܢܘܵܬܹ̈ܐ ܕܥܸܠܸܠ ܩܵܐ ܕܝܵܕܥܸܚ ܕܵܐܟ݂ܝܼ ܫܵܘܦܲܢ ܐܸܠܸܟܬܪܘܿܢܵܝܵܐ ܦܵܝܫܵܐ ܝܠܹܗ ܡܘܿܦܠܸܚܵܐ. ܐܵܗܵܐ ܒܸܕ ܡܥܲܕܪܵܐܠܲܢ ܕܡܛܲܘܸܪܸܚ ܠܫܵܘܦܲܢ ܐܸܠܸܟܬܪܘܿܢܵܝܵܐ ܩܵܐ ܡܲܩܪܲܒ݂ܬܵܐ ܕܢܸܣܝܵܢܹ̈ܐ ܒܘܼܫ ܕܩܝܼܖܹ̈ܐ. ܡܵܘܕܥܵܢܘܵܬܹ̈ܐ ܡܘܿܒܪܼܝܹܐ ܒܝܲܕ (ܟܘܿܟܹ̈ܐ ܠܦܵܦܹ̈ܐ ܙܥܘܿܖܹ̈ܐ ܡܚܘܿܡܝܹ̈ܐ ܓܵܘ ܟܘܿܡܦܝܘܿܬܵܪܵܘܟ݂ܘܿܢ) ܩܵܡܨܐ ܕܦܵܝܫܝܼ ܡܫܘܿܕܖܹ̈ܐ ܘܡܚܘܿܡܝܹ̈ܐ ܒܝܲܕ ܓܘܓܸܠ ܒܢܝܼܫܵܐ ܕܡܲܦܠܲܛܬܵܐ ܕܐܲܢܦܘܼܪܵܐ ܕܫܠܵܡܬܵܐ ܕܣܘܼܥܖ̈ܵܢܢܐ ܕܫܵܘܦܵܐ ܐܸܠܸܟܬܪܘܿܢܵܝܵܐ ܩܵܐ ܠܲܢ. (ܐܵܘ ܣܵܥܘܼܖ̈ܘܵܬܹ̈ܐ ܕܫܘܼܦܪܵܣܵܐ ܒܸܦܠܵܚܵܐ ܡ݂ܢ ܓܹܢ݉ܒܲܢ). ܐܲܢܦܘܼܖܹ̈ܐ ܕܕܝܡܘܼܓܪܵܦ̮ܝܘܼܬܵܐ ܘܒܘܼܣܵܡܵܐ ܦܵܫܝܼ ܡܘܿܒܖ̈ܝܹܐ ܒܸܚܒ݂ܵܫܵܐ ܕܝܼܠܵܝܵܬܹ̈ܐ ܐܲܝܟ݂ ܫܸܢܹ̈ܐ، ܓܸܢܣܵܐ، ܘܕܘܼܟܬܵܐ. ܐܲܢܹܐ ܐܲܢܦܘܼܖܹ̈ܐ ܠܵܐ ܡܲܕܥܝܼܠܵܘܟ݂ܘܿܢ ܦܲܪܨܘܿܦܵܐܝܼܬ.
ܡܵܨܝܼܬܘܿܢ ܡܲܫ̃ܟ݂ܝܼܬܘܿܢ ܒܘܼܫ ܙܵܘܕܵܐ ܕܵܐܟ݂ܝܼ ܡܲܦܠܼܚܼܚ ܠܐܲܢܹܐ ܠܦܵܦܹ̈ܐ ܥܲܠ ܫܵܘܦܵܐ ܐܸܠܸܟܬܪܘܿܢܵܝܵܐ ܕܚܘܼܪܙܵܐ ܕܕܝܼܠܵܢܵܝܘܼܬܵܐ Website Privacy Policy .
ܕܵܐܟ݂ܝܼ ܡܵܨܝܼܬܘܿܢ ܚܵܙܝܼܬܘܿܢ ܐܵܘ ܫܲܚܠܸܦܝܼܬܘܿܢ ܡܵܘܕܥܵܢܘܵܬܵܘܟ݂̈ܘܿܢ
ܐܸܢ ܡܘܿܥܒܸܪܠܵܘܟ݂ܘܿܢ ܒܩܵܐܹܡ ܡܵܘܕܥܵܢܘܵܬܹ̈ܐ ܚܸܠܛܵܐ ܥܲܠ ܫܵܘܦܵܐ ܐܸܠܸܟܬܪܘܿܢܵܝܵܐ ܕܚܘܼܪܙܵܐ ܕܡܲܚܙܲܝܬܵܐ ܕܒܘܼܣܵܡܵܐ ܒܫܩܵܠܬܵܐ ܕܛܘܼܥܵܡܵܐ، ܐܵܘ ܡܵܘܕܥܵܢܘܵܬܵܘܟ݂ܘܿܢ ܡܫܘܿܚܠܸܦܠܗ݉ܘܿܢ ܒܵܬܲܪ ܡܲܥܒܲܪܬܵܝܗܝ، ܡܵܨܝܼܬܘܿܢ ܡܲܟܬܵܒ݂ܝܼܬܘܿܢ ܒܘܼܣܵܡܵܘܟ݂ܘܿܢ ܡܸܢܕܪܹܫ ܒܡܲܥܒܲܪܬܵܐ ܕ ܡܵܘܕܥܵܢܘܵܬܹ̈ܐ ܬܖ̈ܘܿܨܹܐ. ܒܸܕ ܦܵܝܫܝܼܬܘܿܢ ܡܘܿܚܒܸܖܹ̈ܐ ܒܟܠ ܡܲܥܒܲܪܬܵܐ ܕܥܵܒ݂ܕܝܼܬܘܿܢ ܠܵܗ̇ ܥܲܠ ܕܚܘܼܪܙܵܐ ܕܡܲܚܙܲܝܬܵܐ ܕܒܘܼܣܵܡܵܐ ܒܫܩܵܠܬܵܐ ܕܛܘܼܥܵܡܵܐ. ܩܵܐ ܗܵܕܟ݂ܵܐ، ܐܵܢܲܢܩܵܝܬܵܐ ܝܠܵܗ̇ ܕܣܲܚܒܸܪܝܼܬܘܿܢ ܕܡܲܚܒܲܪܬܵܐ ܕܫܩܝܼܠܵܐ ܠܵܘܟ݂ܘܿܢ ܩܵܐ ܫܩܵܠܬܵܐ ܕܡܵܘܥܕܵܐ ܝܼܠܵܗ̇ ܡܲܚܒܲܪܬܵܐ ܒܢܝܼܬܵܐ ܥܲܠ ܡܵܘܕܥܵܢܘܵܬܹ̈ܐ ܬܖ̈ܘܿܨܹܐ.
ܐܵܢ ܡܵܘܕܥܵܢܘܵܬܹ̈ܐ ܬܖ̈ܘܿܨܹܐ ܡܘܿܥܒܸܖܹ̈ܐ ܝܢܵܐ ܥܲܠ ܚܘܼܪܙܵܐ ܕܡܲܚܙܲܝܬܵܐ ܕܒܘܼܣܵܡܵܐ ܒܫܩܵܠܬܵܐ ܕܛܘܼܥܵܡܵܐ، ܠܵܐ ܡܵܨܹܝܚ ܐܵܕܝܵܐ ܕܡܲܟܠܹܝܚܠܵܘܟ݂ܘܿܢ ܡ݂ܹܢ ܩܲܒܲܠܬܵܐ ܕܡܲܚܒܲܖ̈ܝܵܬܹܐ ܒܸܢܝܹ̈ܐ ܥܲܠ ܡܵܘܕܥܵܢܘܵܬܹ̈ܐ ܠܵܐ ܬܖ̈ܘܿܨܹܐ. ܒܸܕ ܚܲܕܸܕܬܸܚ ܐܵܗܵܐ ܡܲܚܒܲܪܬܵܐ ܕܕܝܼܠܵܢܵܝܘܼܬܵܐ ܐܸܢ ܚܘܼܖ̈ܙܹܐ ܡܫܘܿܚܠܸܦܠܗ݉ܘܿܢ.
ܣܩܲܕܝܵܬܹ̈ܐ ܘܩܒܲܠܝܵܬܹ̈ܐ
ܚܘܼܖܙܵܐ ܕܕܝܼܠܵܢܵܝܘܼܬܵܐ ܕܝܵܢ ܡܦܲܫܘܿܩܹܐ ܝܠܹܗ ܕܵܐܟ݂ܝܼ ܡܵܨܝܼܬܘܿܢ ܩܵܒ݂ܠܝܼܬܘܿܢ ܐܸܢ ܒܸܚܫܵܒ݂ܵܐ ܝܬܘܿܢ ܕܫܡܝܼܛܹ̈ܐ ܝܘܸܚ:
- ܐܸܣܹ̈ܐ ܕܕܝܼܠܵܢܵܝܘܼܬܵܐ ܕܐܘܿܣܬܪܵܠܝܵܐ
- ܡܗܲܕܝܵܢܵܐ ܕܕܝܼܠܵܢܵܝܘܼܬܵܐ ܕܣܵܥܘܿܖ̈ܘܵܬܹܐ ܕܫܘܼܠܛܵܢܵܐ ܕܐܘܿܣܬܪܵܠܝܵܐ.
ܚܘܼܖܙܵܐ ܕܕܝܼܠܵܢܵܝܘܼܬܵܐ ܐܵܦ ܡܦܲܫܘܿܩܹܐ ܝܠܹܗ ܕܵܐܟ݂ܝܼ ܟܹܐ ܡܕܲܒܪܸܚ ܠܩܒܲܠܬܵܘܟ݂ܘܿܢ.
ܡܵܘܕܥܵܢܘܵܬܹ̈ܐ ܒܘܼܫ ܙܵܘܕܵܐ ܒܘܼܕ ܕܝܼܠܵܢܵܝܘܼܬܵܐ
ܫܩܝܼܠܹ̈ܐ ܝܘܸܚ ܦܵܣܘܿܥܝܵܬܹ̈ܐ ܩܵܐ ܫܲܪܲܪܬܵܐ ܕܡܲܥܒܲܕܬܵܐ ܕܣܬܪܵܬܝܼܓ̰ܝܘܼܬܵܐ ܕܛܲܥܲܡܬܵܐ ܘܡܒܲܣܲܡܬܵܐ ܕܟܘܿܒ݂ܝܼܕ 19. ܘܩܒܲܠܬܵܐ ܥܲܡ ܩܵܢܘܿܢܵܐ ܕܕܝܼܠܵܢܵܝܘܼܬܵܐ 1988 ܘܟܠ ܩܵܢܘܿܢܵܐ ܠܚܝܼܡܵܐ ܥܲܡ ܝܗܵܒ݂ܬܵܐ ܕܛܘܼܥܵܡܵܐ.
ܩܪܝܼܡܘܿܢ ܒܘܼܕ ܡܠܘܿܐܹ̈ܐ ܕܕܝܼܠܵܢܵܝܘܼܬܵܐ ܕܐܝܼܬܠܗ݉ܘܿܢ ܐܲܣܘܼܪܵܐ ܥܲܡ ܝܗܵܒ݂ܬܵܐ ܕܛܘܼܥܵܡܵܐ ܥܲܠ ܦܵܬܵܐ ܕܕܝܼܠܵܢܵܝܘܼܬܵܐ ܕܟܘܿܒ݂ܝܼܕ 19.
ܩܵܐ ܡܠܘܿܐܹ̈ܐ ܓܵܘܵܢܵܝܹ̈ܐ ܕܕܝܼܠܵܢܵܝܘܼܬܵܐ، ܚܙܝܼܡܘܼܢ ܦܵܬܵܐ ܕܕܝܼܠܵܢܵܝܘܼܬܵܐ ܕܝܵܢ ܘܚܘܼܪܙܵܐ ܓܡܝܼܪܵܐ ܕܕܝܼܠܵܢܵܝܘܼܬܵܐ.