Kun ivvaċċinat
Il-vaċċin COVID-19 ser jagħtik aktar protezzjoni kontra mard gravi mill-COVID-19. Aħna ser insegwu l-parir tal-Australian Technical Advisory Group (ATAGI) li jagħmlu rakkomandazzjonijiet dwar min għandu jkun ivvaċċinat.
Żomm ruħek aġġornat dwar il-vaċċinazzjonijiet u dan jagħtik l-aqwa protezzjoni.
Ibbukkja appuntament tal-vaċċinazzjoni
Ilbes maskra fejn ikun hemm bżonn
Jekk tilbes maskra tal-wiċċ jista' jgħin biex jipproteġik u lil dawk ta' madwarek.
Il-maskri tal-wiċċ iwaqqfu l-vajrusijiet milli jinxterdu permezz tal-arja. Dan ifisser li int għandek inqas ċans li tibbokka jew tgħaddi l-vajrus.
L-Istati u t-territorji għandhom regoli differenti għal meta għandek tilbes maskra. Iċċekkja s-sit tal-web tad-dipartiment tas-saħħa lokali tiegħek għall-aħħar parir.
Hi ideja tajba tilbes maskra tal-wiċċ meta:
- tkun f'postijiet pubbliċi fuq ġewwa inkluż trasport pubbliku, kliniċi u sptarijiet
- int ma tistax toqgħod fiżikament 'il bogħod mill-oħrajn
- int ittestjajt pożittiv, jew taħseb li għandek il-COVID-19, u tinsab ħdejn persuni oħra.
Biex tuża maskra tal-wiċċ sewwa int għandek:
- taħsel jew tissanitizza idejk qabel ma tilbisha jew tneħħiha
- tara li tgħatti imnieħrek u ħalqek u tiffittjaha ftit issikkata taħt l-ilħit
- evita li tmiss il-parti ta' quddiem tal-maskra tiegħek waqt li tkun qed tilbisha jew tneħħiha
- żommha f'postha - iddendilhiex madwar għonqok jew taħt imnieħrek
- uża maskra li tilbisha darba biss kull darba
- aħsel idejk u uża maskri li tista' terġa' tintuża u aħżinha f'post nadif niexef.