COVID-19 in nangmah pumpak le midang pawl runvennak

Nangmah le na pawngkam minung pawl him tein umnak dingah na tuah dingmi pawl an um hna.

Raikhamsii i chun

COVID-19 in fak piin zawtnak doh in runvennak kha COVID-19 siichunhmi pawl nih thawnnak he an in pek lai. Raikhamsii chunh a herhmi a si tiah Australian Technical Advisory Group (ATAGI) nih duhpiaknak a chimmi pawl i ruahnak a cheuhmi kha kan zulh.

Na raikhamsii chunhnak pawl a hnubik tuah dingmi tuah buin umnak nih a thabikmi runvennak an pek lai.

Raikhamsii chunhnak lei tonnak dingah a hlankanh in chimchawn

A herhnak hmun ah hmaihuh i hruk

Hmai huh i hruknak nih nangmah le na pawngkam umnak minung pawl runvennak kha a bawmh khawh.

Hmaihuh pawl nih zawtnak hrik pawl thli hmangin karhnak kha a kham. Hihi a sullam cu zawtnak hrik ngah ding asilole karhter ding ah lam tlawmdeuh na ngei tinak a si.

Hmaihuh hruk na herh caan kongkau ah pine pawl le peng pawl nih aa dangmi phungphai an ngei hna. A hnubik ruahnak cheuhmi pawl hmuhnak caah nan umnak hmun i ngandamnak lei phuthen website kha chek.

Hmai huh i hruk kha a thami ruahnak a si:

  • zapi lentecelhnak, seekhaan le siizung pawl telhchih in innchung i zapi tonnak hmun pawl um tikah
  • midang pawl sin in takpum hlatnak na tuah khawh lo tikah
  • cheknak ah COVID-19 zawtnak hmuh na si tikah, asilole nangmah le na pawngkam a ummi adang minung pawl kha ngeimi ah ruah an si tikah.

Hmai huh ningcang tein hman dingah:

  • hruk hlan asilole pholh hlan ah na kut i tawl asilole kuttawlnak hang i thuh
  • na hnar le kaa kha tha tein khuhter law na khabe tangah rem tein rekchih
  • hruk lio asilole phoih lio ah na hmaihuh a hmailei tongh kha hrial
  • chiahnak ding hmun ah chia – na hngawng asilole na hnar tangah hrawng ah thlai hlah
  • voikhat ca hmanhmi hmaihuh a thar kha voikhat caah hmang
  • hman hnu ah hmanthan khawhmi hmaihuh kha su law ro ter, cun a thiang i a romi hmun ah fim.
0:37

Masks help stop the spread of viruses and reduce our risk of getting sick. 

There are many good reasons for wearing them. 

We wear masks to protect ourselves or to help protect more vulnerable people.

We may be required to wear a mask when using public transport, or catching a plane, or when visiting a medical or high risk facility.

If you see someone wearing a mask respect their choice. And keep a mask handy, so you can use it when needed. 

Takpum i hlat in umnak

Nangmah le midang pawl karlak ah a lawngmi a tamdeuh caan ah zawtnak hrik karh dingah a har deuh.

Takpum i hlatnak timi a sullam cu:

  • a si khawhnak hmun ah midang pawl sin in 1.5 meters hlatnak ah umnak
  • kuttlaihnak, kuhnak le hnamhnak tibantuk takpum in biakchawnhnak lei hrialnak
  • zapi tlunkalnak cungah a hlei in zohkhenhnak lei tuahnak
  • mi tampi a bu in ummi le tampi tonpumhnak pawl hrialnak
  • thianghliam tein umnak
  • kiktlaihnak asilole cumpitnak lei hmelchunhnak pawl na ngeih ahcun i cheknak le inn ah umnak.

Tihnun deuhnak hmun pawl hrial

Sii thlopnak ruang ah ruahlo piin na kal dah ti lo ahcun, tihnun deuhnak hmun pawl i luhnak kha na hrial a hau:

  • COVID-19 sinah naa phozar ahcun

  • COVID-19 asilole cumpit hmelchunhnak pakhat khat na ngeih ahcun

  • COVID-19 cheknak ah zawtnak hmuh na si ahcun.

Tihnun deuhnak hmun pawl ah aa telmi cu:

  • tar zohkhenhnak le pumtlinglo zohkhenhnak lei riantuanpiaknak pawl
  • Inn chung i zohkhenhnak le pumtlinglo zohkhenhnak
  • siizung pawl le adang ngandamnak lei zohkhenhnak hmun pawl.

Tihnun deuhnak hmun pawl i a ummi minung tampi hna cu COVID-19 in fak piin zawt khawhnak tihnung dirhmun ah an um hna. Hi hmunhma pawl lenkai tikah a hlei in zohkhenhnak ngeih kha a biapi.

Tihnun deuhnak hmun pawl ah hi bantuk caan lawngah na luh ding a si:

  • cheknak ah zawtnak hmuh hnu a tlawmbik ni 7 a liam
  • COVID-19 hmelchunhnak pawl na ngeih lo.

Tihnun deuhnak hmun pawl luh tikah, nangmah pumpak le midang pawl kha COVID-19 in na kham khawh hna, himnak lei tuah dingmi ah aa telmi cu:

  • hmaihuh i hruknak

  • a hnubik raikhamsii ichunh bu in umnak

  • pumpak thianghliam tein umnak.

A thami thianhlimnak tuah

Thianghliam tein umnak in, COVID-19 a chuahpi khomi zawtnak hrik in nangmah pumpak le na pawngkam ummi mindang pawl kha na runven khawh.

Na tuah khawh dingmi pawl aa telmi cu:

  • chapiat le ti in sekanh 20 chung na kut tawlnak
  • chapiat le ti nah man khawh lo tikah zuu hram-bunh kuttawlnak hang hmannak
  • na mit, hnar le kaa tongh hrialnak
  • innchung pawl kha thli chuak thli lut thatternak
  • thutdan sau a cunglei, cabuai pawl le innka tlaihnak tibantuk na hman tawnmi a langhnak pawl thianhnak le hnawhnak
  • kutput fon, tawh, tangka bawm le rianhmun i luhnak ah hman pawl tibantuk atu le atu na hmanmi thilri pawl kha thianhnak le hnawhnak.
Date last updated:

Help us improve health.gov.au

If you would like a response please use the enquiries form instead.