Qhia txog kev mob COVID ntev
Lolus “mob COVID ntev’ yog siv qhia txog ob yam xwsli:
- mob COVID-19 uas tsis txawj zoo –mob COVID-19 ntev tshaj 4 lispiam lawm
- tseem pheej mob COVID-19 tsis dua li –tseem hnov muaj cov tsos-mob COVID-19 tomqab 12 lub lispiam uas pib mob thiab tseem kuaj tsis paub tias tim licas.
Mob COVID ntev (Long COVID) yuav mob txawv ntawm ib tug neeg mus rau ib tug tejzaum tej tus yuav mob me-ntsis mus rau mob nyhav.
Cov tsos-mob COVID ntev
Cov tsos-mob uas pom qhia tuaj ntau thaum mob COVID ntev yog:
- tsis muaj zog (nkees-nkees)
- ua pa txog-siav
- muaj teebmeem kev cimxeeb thiab kev tabsis - concentration (lub hlwb xav tsis tawm).
Lwm yam tsos-mob ntxiv muaj xwsli:
- lub plawv tshee, mob lossis zawm hauv-siab
- hnoos
- hnov zaub-mov qab thiab ntxhiab txawv tuaj
- mob pob qij-txha thiab mob ib ce
- tsaug-hleeg
- pw tsis tsaug-zog (insomnia)
- ib sij pauv cwjpwm (nyuab-siab zoj, ntshais lossis ntsoos)
- Kiv taub-hau
- mob taub-haus
- Lub cev tsis kub siab heev
- tawv nqaij tawm pob, phaub-hau hle
- xeev-siab, raws-plab, mob plab, tsis qab-los noj mov.
Menyuam yaus cov tsos-mob muaj xwsli:
- txob taug
- Nkees-knees
- pws tsis tsaug-zog.
Cov teebmeem Mob COVID ntev
Mob COVID ntev pom muaj mob ntau rau cov neeg uas:
- tsis tau txhaj tshuaj tiv-thaiv kabmob
- tau mob COVID-19 nhyav dhau los, tau mus pw kho nyob hauv tsev khomob losyog chav khomob ICU
- twb muaj mob lwmyam, uantej yuav mob COVID-19, xwsli mob ntshav-siab, mob ntsws, mob ntshav qab-zib thiab rog heev.
Kev khomob rau tus mob COVID ntev.
Yog koj pheej mob tsis zoo, tomqab koj mob COVID-19 tag, ces koj yuavtau mus ntsib koj tus kws khomob kom txheeb-xyuas kuaj koj.
Nws tsis muaj kev kuajmob rau COVID ntev Koj tus kws khomob yuav nug txog koj cov tsos-mob thiab saib puas ua teebmeem ntau rau koj. Tejzaum lawv yuav xa koj mus kuaj mob lwm yam txheeb-xyuas ntxiv saib puas muaj lwm yam mob cuam-tshuam xyaw hauv koj tus mob.
Nws tsis muaj ib txojkev kho losyog tshuaj noj kho rau tus mob COVID ntev no. Koj tus kws khomob yuav piav qhia txog kev tu koj tus kheej thiab tej kev pabcuam uas tejzaum yav tom ntej koj yuav tau muaj. Tejzaum lawv yuav muab kev qhia koj txog:
- kev txheeb-xyuas thiab tswj koj cov tsos-mob nyob tom tsev, xwsli muab sau cov tsos-mob tseg txhua hnub
- cov tsos-mob uas tejzaum yuav tau noj tshuaj pab (xwsli cov tsos-mob tshiab losyog mob heev) thiab thaum mob nyhav lawm yuav mus nrhiav kev kho qho twg
- yuav muaj dabtsi tshwm sim ob-peb lispiam thiab hli tomqab mob COVID-19 tag
- kev pabcuam ua neej, xwsli qhia kom paub noj zaub-mov kom zoo, txhawj mus ncab lub cev thiab muab kev qhuab-qhia pab.
Yog txojkev mob ua teebmeem rau koj, ces tejzaum koj yuav raug xa mus ntsib cov kws khomob specialist lossis cov chaw khomob rehabilitation uas muab kev pab khomob kom koj zoo.
Mob COVID ntev zoo rov los
Lub caij mob ntawm ib tug yuav txawv ib tug thiab txojkev mob los yuav sib-txawv. Cov neeg feemcoob yuav mob zoo thajtsam 3 mus rau 4 lub hlis. Tabsis, ib txhia neeg ces yuav mob ntev tshaj no.
Kev tiv-thaiv koj tus kheej kom tsis txhob mob COVID ntev
Txojkev tiv-thaiv zoo tshaj plaws rau kom tsis txhob mob COVID ntev ces yog tiv-thaiv kom koj tsis txhob kis kabmob.
Yuavtsum mus txhaj tshuaj COVID-19 kom puv thiaj pab tiv-thaiv kom tsis txhob kis tau COVID-19 thiab mob nyhav tau. Cov neeg txhaj tshuaj tiv-thaiv kabmob tag yuav muaj tsawg heev ntawm yuav mob COVID ntev yog muab piv rau cov neeg uas tsis tau txhaj tshuaj.
Tsoomfwv cov lus teb rovqab
Tomqab uas tau txais kev xa lus -referral rau hnub tim 1/9/2023 tuaj ntawm tus Thawjtswj Saib kev Muajmob thiab Neeg Laus, yawg hlob Hon Mark Butler MP, ces Pab Txwj-laug the House Standing Committee uas saib txog kev Muajmob, Neeg Laus thiab kev ua Kis-las thiaj tau nug txog tus mob COVID ntev thiab kev ib-sij sibkis mob COVID-19 tsis so.
Mus nyeem hauv daim ntawv ceeb-toom qhia interim report.
Xovxwm ntxiv (More information)
- Mus nrhiav kev pab khomob COVID ntev
- Nkag siab txog cov tsos-mob tomqab mob COVID-19 tag thiab mob COVID ntev
- Lub tsev Royal Australian College of General Practitioners, Xovxwm qhia rau tus neeg mob: Kev tswj cov tsos-mob tomqab mob COVID-19 tag
- Pawg neeg National Clinical Evidence Taskforce COVID-19, Australian cov kevcai khomob rau cov neeg mob COVID-19 - guidelines for the clinical care of people with COVID-19.