Mus txhaj tshuaj tiv-thaiv kabmob
Cov tshuaj COVID-19 yuav pab tiv-thaiv koj ntxiv kom tsis txhob muaj mob COVID-19 nyhav tau. Peb ua rawsli cov kev qhia ntawm pawg neeg the Australian Technical Advisory Group (ATAGI) uas yog tus cev lus pomzoo saib leej twg thiaj yuavtsum mus txhaj tshuaj tiv-thaiv kabmob.
Mus txhaj tshuaj kom puv rawsli koj txojkev txhaj tshuaj tiv-thaiv kabmob xwv thiajli yuav pab tiv-thaiv tau koj zoo tshaj plaws.
Mus teem caij txhaj tshuaj tiv-thaiv kabmob
Muab daim ntaub npog ntsej-muag thaum muaj neeg coob
Muab daim ntaub npog ntsej-muag yuav pab tiv-thaiv tau koj thiab cov neeg nyob ib ncig koj.
Daim ntaub npog ntsej-muag pab thaiv kom cov kabmob ya nrog cua mus sibkis tsis tau. Qhov no txhais hais tias kabmob yuav ya los kis tsis tau koj yoojyim.
Nyob hauv cov xeev thiab nroog, nyias muaj nyias tus kevcai txog lub caij yuavtsum muab ntaub npog ntsej-muag. Mus txheeb xyuas hauv koj lub zos cov tsev saib kev muajmob cov websites txog cov kev qhia tawm tshiab.
Nws yog ib qhov zoo ntawm yuav tau muab ntaub npog ntsej muag thaum:
- nyob sab hauv tsev, thaum caij tsheb ntiav, nyob hauv tsev kuajmob thiab khomob
- nyob nrug deb tsis tau ntawm lwm tus
- koj kuaj paub tias muaj mob lawm, lossis koj xav tias koj muaj mob COVID-19 thiab nyob xyaw nrog lwm tus neeg.
Txojkev looj ntaub npog ntsej-muag kom raug ces koj yuavtau:
- ntxuav tes lossis siv cov cawv-dej ntxuav tes ua ntej yuav siv daim ntaub npog thiab yuav muab hle tawm
- txheeb xyuas kom npog koj lub taub-ntswg thiab qhov-ncauj thiab qhwv sab hauv koj lub puab-tsaig kom ruaj
- tsis txhob kov koj daim ntaub mask sab hauv thaum koj muab npog ntsej-muag losyog muab hle tawm
- muab npog kom haum zoo – tsis txhob muab khi dai ntawm caj-dab lossis hauv qab taub-ntswg
- Siv daim ntaub npog ntsej-muag mask ib zaug ib daim tshiab
- muab cov ntaub npog ntsej-muag ntaub coj mus ntxhua ziab tomqab siv tag thiab muab khaw cia rau thajchaw qhuav-qhawv.