Вакцинирајте се
Вакцините против COVID-19 ќе ви дадат зголемена заштита од тешка болест од COVID-19. Ние ги следиме упатствата од Австралиската техничка советодавна група (ATAGI) која издава препораки кој треба да биде вакциниран.
Навременото вакцинирање ви дава најдобра заштита.
Закажете термин за вакцинација
Носете маска кога е потребно
Носењето маска може да помогне да се заштитите себеси и тие околу вас.
Маските спречуваат вирусите да се пренесуваат преку воздухот. Тоа значи дека е помалку веројатно дека ќе се заразите или ќе го пренесете вирусот.
Државите и териториите имаат различни правила кога треба да носите маска. За најнови упатства проверете на веб-страницата на вашето локално министерство за здравство.
Добра идеја е маска за лице да носите:
- во затворени јавни простории, вклучително во јавниот превоз, клиники и болници
- кога не можете да одржувате физичко растојание од другите
- ако сте имале позитивен тест или мислите дека имате COVID-19, а сте во близина на други луѓе.
За правилно да користите маска за лице, треба да:
- ги измиете или дезинфикувате рацете пред да ја ставите или извадите маската
- проверите дека маската ви ги покрива носот и устата, и добро лежи под брадата
- одбегнувате да го допирате предниот дел на маската кога ја носите или симнувате
- држете ја на вистинското место - не треба да ви виси околу вратот или под носот
- секојпат користете нова маска за еднократна употреба
- маските за повеќекратна употреба мијте ги после користење и чувајте ги на чисто и суво место.