ਘਰ ਉਹ ਜਗ੍ਹਾ ਹੈ ਜਿੱਥੇ ਅਸੀਂ ਸੁਰੱਖਿਅਤ ਮਹਿਸੂਸ ਕਰਦੇ ਹਾਂ ਅਤੇ ਜਿੱਥੇ ਯਾਦਾਂ ਸਿਰਜੀਆਂ ਜਾਂਦੀਆਂ ਹਨ।
ਅਸੀਂ ਬਜ਼ੁਰਗਾਂ ਦੀ ਦੇਖਭਾਲ ਵਿੱਚ ਤਬਦੀਲੀਆਂ ਕਰ ਰਹੇ ਹਾਂ
ਤਾਂ ਜੋ ਤੁਸੀਂ ਘਰ ਵਿੱਚ ਰਹਿਣ ਲਈ ਲੋੜੀਂਦੀ ਸਹਾਇਤਾ ਪ੍ਰਾਪਤ ਕਰ ਸਕੋ।
ਆਸਟ੍ਰੇਲੀਆ ਸਰਕਾਰ ਦਾ ਨਵਾਂ Support at Home ਪ੍ਰੋਗਰਾਮ
ਬਜ਼ੁਰਗ ਲੋਕਾਂ ਨੂੰ ਆਪਣੇ ਘਰਾਂ ਵਿੱਚ ਲੰਬੇ ਸਮੇਂ ਤੱਕ
ਆਤਮ-ਨਿਰਭਰ ਰਹਿਣ ਵਿੱਚ ਮਦਦ ਕਰੇਗਾ।
ਘਰ ਵਿਖੇ ਸਹਾਇਤਾ ਮੌਜੂਦਾ Home Care Packages
ਅਤੇ ਥੋੜ੍ਹੇ ਸਮੇਂ ਦੇ ਰੀਸਟੋਰੇਟਿਵ ਕੇਅਰ ਪ੍ਰੋਗਰਾਮਾਂ
ਦੀ ਥਾਂ ਲੈਂਦੀ ਹੈ, ਇੱਕ ਨਵੇਂ ਪ੍ਰੋਗਰਾਮ ਨਾਲ ਇਹ ਯਕੀਨੀ ਬਣਾਉਂਦੀ ਹੈ
ਕਿ ਤੁਹਾਨੂੰ ਘਰ ਵਿੱਚ ਰਹਿਣ ਲਈ ਲੋੜੀਂਦੀ ਸਹਾਇਤਾ ਉਦੋਂ ਮੌਜੂਦ ਹੋਵੇ ਜਦੋਂ ਤੁਹਾਨੂੰ ਇਸ ਦੀ ਲੋੜ ਹੁੰਦੀ ਹੈ।
ਜੇ ਤੁਹਾਨੂੰ ਮਨਜ਼ੂਰੀ ਮਿਲ ਜਾਂਦੀ ਹੈ ਤਾਂ ਤੁਸੀਂ ਰੋਜ਼ਾਨਾ ਦੇ ਕੰਮਾਂ ਜਿਵੇਂ ਕਿ ਸਫ਼ਾਈ,
ਬਾਗ਼ਬਾਨੀ, ਖ਼ਰੀਦਦਾਰੀ ਅਤੇ ਖਾਣੇ ਦੀ ਤਿਆਰੀ ਲਈ ਸਹਾਇਤਾ ਪ੍ਰਾਪਤ ਕਰ ਸਕਦੇ ਹੋ।
ਤੁਹਾਡੇ ਕੋਲ ਕਲੀਨਿਕਲ ਦੇਖਭਾਲ ਤੱਕ ਵੀ ਪਹੁੰਚ ਹੋਵੇਗੀ
ਜਿਵੇਂ ਕਿ ਨਰਸਿੰਗ, ਫਿਜ਼ੀਓਥੈਰੇਪੀ ਅਤੇ ਸੰਜਮਤਾ ਦੀ ਦੇਖਭਾਲ।
ਜੇ ਤੁਹਾਡੀਆਂ ਵਧੇਰੇ ਗੁੰਝਲਦਾਰ ਲੋੜਾਂ ਹਨ,
ਤਾਂ ਤੁਹਾਡੇ ਘਰ ਵਿੱਚ ਰਹਿਣ ਵਿੱਚ ਤੁਹਾਡੀ ਮਦਦ ਕਰਨ ਲਈ ਉੱਚ ਪੱਧਰੀ ਸਹਾਇਤਾ ਉਪਲਬਧ ਹੈ।
ਤੁਹਾਡੀਆਂ ਲੋੜਾਂ ਨੂੰ ਪੂਰਾ ਕਰਨ ਲਈ ਥੋੜ੍ਹੀ ਮਿਆਦ ਵਾਲੇ ਰਸਤੇ ਵੀ ਹਨ।
ਸਹਾਇਕ ਤਕਨਾਲੋਜੀ ਅਤੇ ਘਰੇਲੂ ਸੋਧਾਂ ਵਾਲੀ ਸਕੀਮ ਤੁਹਾਨੂੰ ਗਤੀਸ਼ੀਲਤਾ,
ਘਰੇਲੂ ਜੀਵਨ ਅਤੇ ਸੰਚਾਰ ਵਰਗੀਆਂ ਚੀਜ਼ਾਂ ਨਾਲ ਤੁਹਾਡੀ ਸਹਾਇਤਾ ਕਰਨ ਲਈ
ਉਤਪਾਦਾਂ, ਸਾਜ਼ੋ-ਸਾਮਾਨ ਅਤੇ ਘਰੇਲੂ ਸੋਧਾਂ ਤੱਕ ਪਹੁੰਚ ਕਰਨ ਵਿੱਚ ਮਦਦ ਕਰਦੀ ਹੈ।
ਰੀਸਟੋਰੇਟਿਵ ਕੇਅਰ ਵਾਲਾ ਰਸਤਾ ਤੁਹਾਨੂੰ ਆਤਮ-ਨਿਰਭਰ ਰਹਿਣ
ਅਤੇ ਉਨ੍ਹਾਂ ਗਤੀਵਿਧੀਆਂ ਨੂੰ ਜਾਰੀ ਰੱਖਣ ਵਿੱਚ ਮਦਦ ਕਰ ਸਕਦਾ ਹੈ ਜਿੰਨ੍ਹਾਂ ਦਾ ਤੁਸੀਂ ਆਨੰਦ ਲੈਂਦੇ ਹੋ।
ਜ਼ਿੰਦਗੀ ਦੇ ਅਖੀਰਲੇ ਦਿਨਾਂ ਵਾਲਾ ਰਸਤਾ ਉਨ੍ਹਾਂ ਲੋਕਾਂ ਲਈ ਵਾਧੂ ਸਹਾਇਤਾ
ਪ੍ਰਦਾਨ ਕਰਦਾ ਹੈ ਜੋ ਜੀਵਨ ਦੇ ਅੰਤ ਦੇ ਨੇੜੇ ਹਨ, ਇਹ ਬਜ਼ੁਰਗ ਲੋਕਾਂ ਨੂੰ
ਜਿੰਨਾ ਸੰਭਵ ਹੋ ਸਕੇ ਆਪਣੇ ਘਰ ਵਿੱਚ ਰਹਿਣ ਦੀ ਆਗਿਆ ਦਿੰਦੇ ਹਨ।
ਜੇ ਤੁਸੀਂ ਪਹਿਲਾਂ ਹੀ Home Care Package ਪ੍ਰਾਪਤ ਕਰ ਰਹੇ ਹੋ,
ਤਾਂ ਤੁਹਾਨੂੰ ਕਿਸੇ ਨਵੇਂ ਮੁਲਾਂਕਣ ਦੀ ਲੋੜ ਨਹੀਂ ਪਵੇਗੀ।
ਤੁਹਾਡਾ ਪ੍ਰਦਾਤਾ Support at Home ਵੱਲ ਜਾਣ ਬਾਰੇ ਤੁਹਾਡੇ ਨਾਲ ਸੰਪਰਕ ਕਰੇਗਾ।
ਉਹ ਤੁਹਾਡੀ ਸੰਭਾਲ ਯੋਜਨਾ ਦੀ ਸਮੀਖਿਆ ਕਰਨਗੇ ਅਤੇ ਤੁਹਾਨੂੰ
ਇਕਰਾਰਨਾਮੇ 'ਤੇ ਦਸਤਖ਼ਤ ਕਰਨ ਲਈ ਕਿਹਾ ਜਾਵੇਗਾ।
ਬੁੱਢੇ ਹੋਣ ਦਾ ਮਤਲਬ ਇਹ ਨਹੀਂ ਹੈ ਕਿ ਤੁਹਾਨੂੰ ਦੇਖਭਾਲ ਕਰਨ ਲਈ ਆਪਣਾ ਘਰ ਛੱਡਣ ਦੀ ਲੋੜ ਹੈ।
Support at Home ਤੁਹਾਨੂੰ ਉਸ ਜਗ੍ਹਾ ਵਿੱਚ ਰਹਿਣ ਵਿੱਚ
ਮਦਦ ਕਰਨ ਲਈ ਹੈ ਜਿੱਥੇ ਤੁਸੀਂ ਸਭ ਤੋਂ ਆਰਾਮਦਾਇਕ ਹੋ।
ਹੋਰ ਜਾਣਨ ਲਈ, ਮਦਦ ਵਾਸਤੇ My Aged Care ਨਾਲ ਸੰਪਰਕ ਕਰੋ।
Support at Home, ਤੁਹਾਨੂੰ ਘਰ ਵਿੱਚ
ਲੰਬੇ ਸਮੇਂ ਲਈ ਆਤਮ-ਨਿਰਭਰ ਰਹਿਣ ਵਿੱਚ ਮਦਦ ਕਰਦੀ ਹੈ।