Воведуваме промени во негата на стари лица за да можете
да ја добиете поддршката потребна за да останете дома.
Новата програма Support at Home на австралиската влада
ќе им помогне на постарите луѓе
подолго да живеат самостојно во нивните домови.
Support at Home ги заменува постоечките програми
Home Care Packages
и Short-Term Restorative Care со една нова програма
која обезбедува дека поддршката што ви е потребна
за да останете дома е спремна кога ви е потребна.
Може да добиете поддршка за секојдневни работи како што се чистење,
градинарство, шопинг и готвење, ако ви биде одобрено.
Исто така ќе имате пристап кон клиничка нега како што се
болничарска нега, физиотерапија и нега за континенција.
Ако имате посложени потреби, повисоки нивоа
на поддршка се достапни како помош да останете во вашиот дом.
Исто така постојат краткорочни програми за задоволување на вашите потреби.
Програмата Assistive Technology and Home Modifications
ви помага да добиете производи, опрема и домашни преправки
како поддршка за работи како што се подвижност, домашен живот и комуницирање.
Програмата Restorative Care
може да ви помогне да останете самостојни и да продолжите со активности што ги сакате.
Програмата End-of-Life обезбедува дополнителна поддршка
за луѓето при крајот од животот, овозможувајќи им
на постарите луѓе да останат дома колку што е можно подолго.
Ако веќе добивате Home Care Package,
не ви треба нова процена.
Вашиот давател на услуги ќе ви се јави за преминувањето на Support at Home.
Давателот ќе го преразгледа вашиот план на нега
и ќе биде побарано да потпишете договор.
Да се остари не значи дека треба да заминете од вашиот дом за да бидете згрижени.
Support at Home е тука за да ви помогне
да останете таму каде што се чувствувате најпријатно.
За да дознаете повеќе, јавете се за помош на My Aged Care.
Support at Home
ви помага подолго да живеете самостојно дома.