ਆਸਟ੍ਰੇਲੀਆ ਸਰਕਾਰ ਇਸ ਸਾਲ 1 ਨਵੰਬਰ ਤੋਂ ਬਜ਼ੁਰਗਾਂ ਦੀ ਦੇਖਭਾਲ ਨੂੰ ਫ਼ੰਡ ਦੇਣ ਦੇ ਤਰੀਕੇ ਵਿੱਚ
ਤਬਦੀਲੀਆਂ ਕਰ ਰਹੀ ਹੈ ਤਾਂ ਜੋ ਇਸ ਨੂੰ ਹਰ ਕਿਸੇ ਲਈ ਟਿਕਾਊ ਅਤੇ ਨਿਰਪੱਖ ਬਣਾਇਆ ਜਾ ਸਕੇ।
ਸਰਕਾਰ ਤੁਹਾਡੀ ਜ਼ਿਆਦਾਤਰ ਬਜ਼ੁਰਗ ਦੇਖਭਾਲ ਲਈ ਫੰਡ ਦੇਣਾ ਜਾਰੀ ਰੱਖੇਗੀ।
1 ਨਵੰਬਰ ਤੋਂ Home Care Packages ਪ੍ਰੋਗਰਾਮ Support at Home ਪ੍ਰੋਗਰਾਮ
ਵਿਚ ਬਦਲ ਰਿਹਾ ਹੈ, ਇਸ ਵਿੱਚ ਕੁਝ ਤਬਦੀਲੀਆਂ ਹੋ ਸਕਦੀਆਂ ਹਨ
ਕਿ ਤੁਸੀਂ ਆਪਣੀ ਘਰੇਲੂ ਸੰਭਾਲ ਵਾਸਤੇ ਕਿੰਨਾ ਕੁ ਭੁਗਤਾਨ ਕਰਦੇ ਹੋ।
ਤੁਸੀਂ ਕੇਵਲ ਉਹਨਾਂ ਸੇਵਾਵਾਂ ਲਈ ਯੋਗਦਾਨ ਦਾ ਭੁਗਤਾਨ ਕਰੋਗੇ ਜੋ ਤੁਸੀਂ ਪ੍ਰਾਪਤ ਕਰਦੇ ਹੋ।
ਯੋਗਦਾਨ ਸੇਵਾ ਦੀ ਕਿਸਮ ਅਤੇ ਤੁਹਾਡੀ ਆਮਦਨ ਅਤੇ
ਜਾਇਦਾਦ ਦੇ ਅਧਾਰ ਤੇ ਵੱਖ-ਵੱਖ ਹੋਣਗੇ।
ਜੇ ਤੁਸੀਂ Home Care Package ਪ੍ਰਾਪਤ ਕਰ ਰਹੇ ਸੀ
ਜਾਂ 12 ਸਤੰਬਰ 2024 ਨੂੰ ਜਾਂ ਇਸ ਤੋਂ ਪਹਿਲਾਂ Home Care Package
ਲਈ ਯੋਗ ਹੋਣ ਵਜੋਂ ਮੁਲਾਂਕਣ ਕੀਤਾ ਗਿਆ ਸੀ, ਤਾਂ ਤੁਸੀਂ Home Care Package
ਪ੍ਰੋਗਰਾਮ ਦੇ ਅਧੀਨ ਪਾਏ ਜਾਂਦੇ ਯੋਗਦਾਨ ਜਿੰਨਾਂ ਜਾਂ ਉਸ ਨਾਲੋਂ ਘੱਟ ਭੁਗਤਾਨ ਕਰੋਗੇ।
12 ਸਤੰਬਰ 2024 ਤੋਂ ਬਾਅਦ ਹੋਮ ਕੇਅਰ ਸੇਵਾਵਾਂ ਵਾਸਤੇ
ਮੁਲਾਂਕਣ ਕੀਤੇ ਗਏ ਲੋਕਾਂ ਵਾਸਤੇ, ਤੁਹਾਡੇ Support at Home ਦਾ ਯੋਗਦਾਨ
ਤੁਹਾਡੀ ਆਮਦਨ ਅਤੇ ਜਾਇਦਾਦ ਦੇ ਮੁਲਾਂਕਣ ਦੁਆਰਾ ਤੈਅ ਕੀਤਾ ਜਾਵੇਗਾ।
ਜੇ ਤੁਸੀਂ ਪੈਨਸ਼ਨ 'ਤੇ ਨਹੀਂ ਹੋ, ਤਾਂ ਤੁਹਾਨੂੰ ਆਪਣੀਆਂ ਯੋਗਦਾਨ ਦਰਾਂ ਦਾ
ਮੁਲਾਂਕਣ ਕਰਨ ਲਈ Services Australia ਨੂੰ ਆਮਦਨ ਅਤੇ
ਜਾਇਦਾਦ ਦੀ ਜਾਣਕਾਰੀ ਪ੍ਰਦਾਨ ਕਰਨ ਦੀ ਲੋੜ ਹੋਵੇਗੀ।
ਤੁਹਾਨੂੰ ਕਲੀਨਿਕਲ ਸੰਭਾਲ ਜਿਵੇਂ ਕਿ ਨਰਸਿੰਗ ਅਤੇ ਫਿਜ਼ੀਓਥੈਰੇਪੀ
ਵਾਸਤੇ ਯੋਗਦਾਨ ਪਾਉਣ ਦੀ ਲੋੜ ਨਹੀਂ ਪਵੇਗੀ।
ਆਤਮ-ਨਿਰਭਰਤਾ ਅਤੇ ਰੋਜ਼ਾਨਾ ਜੀਵਨ ਲਈ ਸੇਵਾਵਾਂ ਵਿੱਚ ਤੁਸੀਂ ਜਿੰਨੀ ਰਕਮ ਦਾ
ਯੋਗਦਾਨ ਪਾਉਂਦੇ ਹੋ ਉਹ ਤੁਹਾਡੀ ਆਮਦਨ ਅਤੇ ਜਾਇਦਾਦ 'ਤੇ ਨਿਰਭਰ ਕਰੇਗੀ।
ਤੁਸੀਂ ਸਹਾਇਕ ਤਕਨਾਲੋਜੀ ਅਤੇ ਘਰੇਲੂ ਸੋਧ ਸਕੀਮ
ਦੇ ਅਧੀਨ ਆਤਮ-ਨਿਰਭਰਤਾ ਸੇਵਾਵਾਂ ਜਿਵੇਂ ਕਿ ਨਿੱਜੀ ਸੰਭਾਲ
ਅਤੇ ਉਤਪਾਦਾਂ ਅਤੇ ਉਪਕਰਣਾਂ ਲਈ ਦਰਮਿਆਨਾ ਜਿਹਾ ਯੋਗਦਾਨ ਪਾਓਗੇ।
ਇਹ ਸੇਵਾਵਾਂ ਲੋਕਾਂ ਨੂੰ ਹਸਪਤਾਲ ਅਤੇ ਰਿਹਾਇਸ਼ੀ ਬਜ਼ੁਰਗਾਂ
ਦੀ ਦੇਖਭਾਲ ਤੋਂ ਬਾਹਰ ਰੱਖਣ ਵਿੱਚ ਮਦਦ ਕਰਦੀਆਂ ਹਨ।
ਤੁਸੀਂ ਰੋਜ਼ਾਨਾ ਜੀਵਨ ਦੀਆਂ ਸੇਵਾਵਾਂ ਜਿਵੇਂ ਕਿ ਸਫ਼ਾਈ
ਅਤੇ ਬਾਗ਼ਬਾਨੀ ਲਈ ਉੱਚ ਯੋਗਦਾਨ ਪਾਓਗੇ।
ਜੇ ਤੁਸੀਂ ਆਪਣੀ ਦੇਖਭਾਲ ਦੇ ਖ਼ਰਚਿਆਂ ਵਿੱਚ ਯੋਗਦਾਨ ਨਹੀਂ ਪਾ ਸਕਦੇ,
ਤਾਂ ਮੌਜੂਦਾ ਮੁਸ਼ਕਿਲ ਵਾਲੇ ਪ੍ਰਬੰਧ ਲਾਗੂ ਰਹਿਣਗੇ।
ਇਹ ਇਹ ਵੀ ਯਕੀਨੀ ਬਣਾਉਂਦਾ ਹੈ ਕਿ ਲੋੜ ਪੈਣ 'ਤੇ
ਘਰ ਵਿੱਚ ਰਹਿਣ ਲਈ ਸਹਾਇਤਾ ਮੌਜੂਦ ਹੋਵੇ।
ਹੋਰ ਜਾਣਨ ਲਈ, ਮਦਦ ਵਾਸਤੇ My Aged Care ਨਾਲ ਸੰਪਰਕ ਕਰੋ।
Support at Home ਤੁਹਾਨੂੰ ਲੰਬੇ ਸਮੇਂ ਲਈ ਘਰ ਵਿੱਚ
ਆਤਮ-ਨਿਰਭਰ ਰਹਿਣ ਵਿੱਚ ਮਦਦ ਕਰਦੀ ਹੈ।