Австралиската влада воведува промени како негата на стари лица ќе се финансира
од 1-ви ноември оваа година, за да ја направи одржлива и праведна за секого.
Владата ќе продолжи да го финансира поголемиот дел од вашата нега.
Кога Support at Home
ќе ја замени програмата Home Care Packages од 1-ви ноември,
можеби ќе има промени колку ќе плаќате за вашата домашна нега.
Ќе плаќате придонеси само за услугите што ги добивате.
Придонесите ќе бидат различни во зависност
од видот на услугата и од вашиот приход и имот.
Ако примате Home Care Package или било проценето дека ги исполнувате условите
за Home Care Package на или пред 12-ти септември 2024 година,
ќе плаќате исти или пониски придонеси
одошто ви било проценето во програмата
Home Care Packages.
На луѓето на кои им е направена процена за услуги на домашна нега
после 12-ти септември 2024г., придонесите за Support at Home
ќе бидат одредени со процена на нивниот приход и имот.
Ако не примате пензија, на Services Australia ќе треба да им дадете информации
за вашиот приход и имот, за да се направи
процена на вашите стапки на придонеси.
Нема да треба да плаќате придонеси
за клиничка нега како што се болничарска нега и физиотерапија.
Износот на придонесот за услугите за самостојност и секојдневен
живот ќе зависат од вашиот приход и имот.
Ќе плаќате умерен придонес за услуги за самостојност,
како што се личната нега и за производи и опрема
според програмата Технологија за помош и домашни преправки.
Тие услуги помагаат луѓето да не одат во болница
и установи за резиденцијална нега на стари лица.
Ќе плаќате повисок придонес за услуги за секојдневен живот
како што се чистење и одржување на градината.
Ако не можете да плаќате придонеси за трошоците за вашата нега,
сегашните аранжмани за тешкотии ќе останат на сила.
Тоа исто така овозможува поддршката за
останување дома да биде достапна кога е потребно.
За да дознаете повеќе, јавете се за помош на My Aged Care.
Support at Home
ви помага подолго да живеете дома самостојно.