လၢတၢ်ကဒိးန့ၢ်ဘၣ်တၢ်ဒီသဒၢအဂ့ၤကတၢၢ်လၢလၢအထီဒါတၢ်ဆူးတၢ်ဆါမ့တမ့ၢ်တၢ်သံတၢ်ပှၢ်ကဲထီၣ်ခီဖျိ COVID-19 အဂီၢ်, နကြၢးမၤန့ၢ်ကယဲၢ်မ့ၢ်ကသံၣ်အ ဖျၢၣ်လၢတၢ် ဟ့ၣ်ကူၣ်အီၤလၢနသးနံၣ်မ့တမ့ၢ်နီၢ် တဂၤစုာ်စုာ်တၢ် အိၣ်ဆူၣ်အိၣ်ချ့အတၢ်လိၣ်ဘၣ် တဖၣ်အဂီၢ်န့ၣ်လီၤ. ကသံၣ်ဆဲးဆူၣ်ထီၣ်တဖၣ်န့ၣ်အကါဒိၣ်၀ဲဒၣ်လၢတၢ် ကပၢၤဃာ်တၢ်ဒီသဒၢတခါအံၤန့ၣ်လီၤ.
ကသံၣ်ဆဲးဆူၣ်ထီၣ်တဖၣ်န့ၣ်တၢ်ဟ့ၣ်ကလီအီၤလၢပှၤကိးဂၤဒဲးအဂီၢ်လီၤ.
တၢ်ဂ့ၢ်တၢ်ကျိၤဘၣ်ထွဲဒီးကသံၣ်ဆဲးဆူၣ်ထီၣ်ဒီသဒၢတၢ်ဆါအဖျၢၣ်တဖၣ်န့ၣ်အိၣ်စ့ၢ်ကီး၀ဲဒၣ်လၢ နကျိာ်န့ၣ်လီၤ.
ကသံၣ်ဆဲးဆူၣ်ထီၣ်ဒီသဒၢတၢ်ဆါအဖျၢၣ်တဖၣ်
ပှၤသးပှၢ်ခဲလၢာ်မၤန့ၢ်ကသံၣ်ဆဲးဆူၣ်ထီၣ်တဖျၢၣ်ဖဲအဆဲးဘၣ် COVID-19 အကသံၣ်ဆဲးဆူၣ်ထီၣ်အကတၢၢ်တဖျၢၣ်အိၣ်လံ 6 လါမ့တမ့ၢ်အါန့ၢ်အန့ၣ်မ့တမ့ၢ်တဲလီၤတံၢ်လၢအမၤန့ၢ်တၢ်ဘၣ်ကူဘၣ်ဂာ်(ကွၢ်လၢအကဲထီၣ်လၢခံကတၢၢ်ဖဲလဲၣ်တခါ)လၢဆူညါတၢ်ဒီသဒၢထီဒါ COVID အတၢ်ဆူးတၢ်ဆါလၢအနးအဂီၢ်န့ၣ်လီၤ.
တၢ်အံၤလီၤဆီဒၣ်တၢ်တၢ်ဟ့ၣ်ကူၣ်အီၤလၢပှၤလၢအအိၣ်ဒီးတၢ်လီၤပျံၤလၢအနးလၢအကဆူးဆါထီၣ်ဒိၣ်ဒိၣ်,ပာ်ဃုာ်-
- ပှၤကိးဂၤဒဲးလၢအသးအိၣ် 65 နံၣ်ဒီးဆူအဖီခိၣ်
- ပှၤကိးဂၤဒဲးလၢအသးအိၣ် 18 နံၣ်ဒီးဆူအဖီခိၣ်လၢအအိၣ်ဒီးတၢ်ဆူးတၢ်ဆါအတၢ်ဂ့ၢ်ကီ,သးနီၢ်ခိက့ၢ်ဂီၤတလၢတပှဲၤတဆူၣ်တချ့မ့တမ့ၢ်တၢ်အိၣ်ဆူၣ်အိၣ်ချ့အတၢ်လိၣ်ဘၣ်လၢအဘံဘူတဖၣ်န့ၣ်လီၤ.
ဖိသၣ်ဒီးသးစၢ်လိၣ်ဘိလၢအသးအိၣ် 5 နံၣ်တုၤ 17 နံၣ် လၢအအိၣ်ဒီးတၢ်အိၣ်ဆူၣ်အိၣ်ချ့အတၢ်အိၣ်သးလၢပာ်လီၤအ၀ဲသ့ၣ်လၢအကဆူးဆါထီၣ်နးနးတဖၣ်မၤန့ၢ်စ့ၢ်ကီးကသံၣ်ဆဲးဆူၣ်ထီၣ်အဖျၢၣ်ဖဲအဆဲးကသံၣ်အကတၢၢ်တဖျၢၣ်အိၣ်လံ 6 လါမ့တမ့ၢ်မၤန့ၢ်တ့ၢ်ဘၣ် COVID-19 အတၢ်ဘၣ်ကူဘၣ်ဂာ်,လၢအဒိးသန့ၤထီၣ် လၢနီၢ်တဂၤစုာ်စုာ်အတၢ်လီၤပျံၤအတၢ်သမံသမိးမၤကွၢ်ဃုာ်ဒီးအ၀ဲသ့ၣ်အပှၤဆဲးဟ့ၣ်လီၤအီၤကသံၣ်ဒီသဒၢအဖီခိၣ်န့ၣ်လီၤ.
ကသံၣ်ဆဲးဆူၣ်ထီၣ်ဒီသဒၢန့ၣ်ကတီၢ်အံၤတၢ်တဟ့ၣ်ကူၣ်အီၤလၢဖိသၣ်ဒီးသးစၢ်လိၣ်ဘိလၢအသးအိၣ် 18 နံၣ်မ့တမ့ၢ်ဆူအဖီလာ်တဖၣ်လၢတအိၣ်ဒီးတၢ်လီၤပျံၤအတၢ်ဂ့ၢ်အဒိၣ်အမုၢ်ဖဲမ့ၢ်ဒိးန့ၢ်ဘၣ် COVID-19 အခါတဖၣ်အဂီၢ်န့ၣ်ဘၣ်.
ကသံၣ်ဒီသဒၢခဲလၢာ်န့ၣ်တၢ်အၢၣ်လီၤဟ့ၣ်တၢ်ပျဲလၢတၢ်ကသူအီၤလၢအီးစတြ့လယါအပူၤဒီးဟ့ၣ်တၢ်ဒီသဒၢထီဒါအဆူၣ်ဒိၣ်မးတခါလၢတၢ်ဆူးတၢ်ဆါအနးလၢအကကဲထီၣ်ခီဖျိ COVID-19 န့ၣ်ဆူညါလီၤ, သနာ်က့ Omicron-လီၤလီၤဆီဆီအဂီၢ်ကသံၣ်ဒီသဒၢပာ်ဖှိၣ်ဃုာ်န့ၣ်တၢ်ဘၣ်သူၣ်ဘၣ်သးအီၤဒ်ကသံၣ်ဆဲးဆူၣ်ထီၣ်တဖၣ်အဂီၢ်အသိးလီၤ.
မုၢ်နံၤလၢနမၤန့ၢ်န COVID-19 အကသံၣ်ဒီသဒၢအ ကတၢၢ်တဖျၢၣ်န့ၣ်အိၣ်၀ဲဒၣ်လၢန COVID-19 ဒံၤကၠံၣ်တၢၣ်အလံာ်အုၣ်သးအလိၤလီၤ.
ကွၢ်ဃုကသံၣ်ဒၢးတဖျၢၣ်ဒီးမၤန့ၢ်တၢ်သ့ၣ်နံၤဖးသီတက့ၢ်
မ့ၢ်တၢ်ကသ့ၣ်နံၤဖးသီလၢကသံၣ်ဆဲးဆူၣ်ထီၣ်ဒီသဒၢတၢ်ဆါအဖျၢၣ်တဖၣ်အဂီၢ်ဒ်လဲၣ်
လၢတၢ်ကသ့ၣ်နံၤဖးသီလၢတၢ်ကမၤန့ၢ်ကသံၣ်ဆဲးဆူၣ်ထီၣ်အဖျၢၣ်တဖၣ်မ့တမ့ၢ်တၢ်ဂိၢ်ခါကသံၣ်ဆဲးဆူၣ်ထီၣ်အဖျၢၣ်တဖၣ်အဂီၢ်,သူဘၣ် COVID-19 Clinic Finder မ့တမ့ၢ်သူဘၣ် ‘Hey Eva’ – Easy Vaccine Access (တၢ်မၤန့ၢ်ကသံၣ်ဒီသဒၢလၢအညီ)န့ၣ်တက့ၢ်.
EVA, မ့ၢ်တၢ်ကိးကဒါက့ၤတၢ်အတၢ်မၤစၢၤလၢအညီတခါလၢတၢ်ကမၤစၢၤပှၤလၢတၢ်ကသ့ၣ်နံၤဖးသီတၢ်လၢ COVID-19 အကသံၣ်ဒီသဒၢအဂီၢ်န့ၣ်လီၤ.
ဖဲနမ့ၢ်လိၣ်ဘၣ်တၢ်မၤစၢၤလၢတၢ်ကမၤတၢ်သ့ၣ်နံၤဖးသီလၢ COVID-19 အကသံၣ်ဒီသဒၢအဂီၢ်အခါ,ဆှၢ SMS ‘Hey EVA’ ဆူ 0481 611 382 တက့ၢ်. ထံကီၢ်ခိၣ်ရိနၣ်ဘဲရၢး(စ)အတၢ်မၤစၢၤအလီကျိၤ (National Coronavirus Helpline) ခၢၣ်စးလၢအန့ၢ်ဘၣ်တၢ်သိၣ်လိတဂၤကကိးနၤလၢတၢ်မၤစၢၤနမၤန့ၢ်တၢ်သ့ၣ်နံၤဖးသီလၢတၢ်ကဆဲးန COVID-19 ကသံၣ်ဒီသဒၢအဂီၢ်လီၤ.
ကသံၣ်ဆဲးဆူၣ်ထီၣ်အတၢ်ရဲၣ်တၢ်ကျဲၤလၢသူၣ်က့သးပှၢ်တၢ်ကွၢ်ထွဲကဟုကယာ်အလီၢ်အကျဲတဖၣ်
ကသံၣ်ဆဲးဆူၣ်ထီၣ်ဒီသဒၢတၢ်ဆါအတၢ်ရဲၣ်တၢ်ကျဲၤတခါန့ၣ်ကဲထီၣ်အသးလၢသူၣ်က့သးပှၢ်တၢ်ကွၢ်ထွဲကဟုကယာ်အလီၢ်အကျဲတဖၣ်အပူၤန့ၣ်လီၤ. ဖးအါထီၣ်ဘၣ်ဃး COVID-19 အကသံၣ်ဆဲးဆူၣ်ထီၣ်အတၢ်ရဲၣ်တၢ်ကျဲၤလၢ သူၣ်က့သးပှၢ်တၢ်ကွၢ်ထွဲကဟုကယာ်အလီၢ်တက့ၢ်.
ကသံၣ်ဆဲးဆူၣ်ထီၣ်အတၢ်ရဲၣ်တၢ်ကျဲၤန့ၣ်မ့ၢ်၀ဲဒၣ်လၢပှၤလၢအအိၣ်ဒီးသးနီၢ်ခိက့ၢ်ဂီၤတလၢတပှဲၤအဂီၢ်
ကသံၣ်ဆဲးဆူၣ်ထီၣ်အတၢ်ရဲၣ်တၢ်ကျဲၤန့ၣ်တၢ်ထုးထီၣ်ဆဲးန့ၢ်အီၤလၢပှၤလၢအအိၣ်ဒီးသးနီၢ်ခိတလၢတပှဲၤတဆူၣ်တချ့လၢအအိၣ်ဆိးသူသကိးတၢ်အိၣ်တၢ်ဆိးအလီၢ်ဒီးပှၤအဂၤတဖၣ်န့ၣ်လီၤ. မၤလိအါထီၣ်ဘၣ်ဃး COVID-19 ကသံၣ်ဆဲးဆူၣ်ထီၣ်အဖျၢၣ်အတၢ်ရဲၣ်တၢ်ကျဲၤ လၢပှၤလၢအအိၣ်ဒီးသးနီၢ်ခိက့ၢ်ဂီၤတလၢတပှဲၤတဆူၣ်တချ့လၢအအိၣ်ဆိးသူသကိးတၢ်အိၣ်တၢ်ဆိးအလီၢ်ဒီးပှၤအဂၤတဖၣ်န့ၣ်လီၤ .
COVID-19 ကသံၣ်ဆဲးဆူၣ်ထီၣ်အဖျၢၣ်အတၢ်ပူၤဖျဲး
ကသံၣ်အတၢ်ဘၣ်ဒိဘၣ်ထံးလၢအညီနုၢ်ကဲထီၣ်လၢအစၢ်လၢကဲထီၣ်ဖဲဆဲးကသံၣ်ဆဲးဆူၣ်ထီၣ်ဒီသဒၢတၢ်ဆါ၀ံၤတဖၣ်န့ၣ်အိၣ်ဖျါလီၤဂာ်လိာ်အသးဒီးကသံၣ်အတၢ်ဘၣ်ဒိဘၣ်ထံးလၢအကဲထီၣ်ဖဲဆဲးကသံၣ်အခီၣ်ထံး 2 ဖျၢၣ်၀ံၤအလီၢ်ခံန့ၣ်လီၤ.
ကွၢ်ဘၣ်တၢ်ဂ့ၢ်တၢ်ကျိၤဘၣ်ဃး COVID-19 အကသံၣ်ဒီသဒၢအတၢ်ပူၤဖျဲးဒီးကသံၣ်အတၢ်ဘၣ်ဒိဘၣ်ထံးတဖၣ်တက့ၢ်.