COVID-19 ཡི་ནུས་ཤུགས་སྤོར་བྱེད་ཀྱི་སྔོན་འགོག་སྨན་ཁབ་ལམ་སྟོན།

COVID-19 ནས་ནད་གཞི་ཚབས་ཆེ་འམ་འཆི་སྐྱོན་མ་བྱུང་བའི་སྲུང་སྐྱོབ་ལེགས་ཤོས་བྱེད་པར། ཁྱེད་ཀྱིས་སོ་སོའི་ལོ་གྲངས་འམ་སྒེར་གྱི་འཕྲོད་བསྟེན་དགོས་མཁོ་དག་ལ་འོས་སྦྱོར་བྱས་པའི་སྨན་ཐུན་ཆ་ཚང་རྒྱག་དགོས། སྲུང་སྐྱོབ་འདི་སོར་གནས་བྱེད་པར་ནུས་ཤུགས་སྤོར་བྱེད་སྨན་ཐུན་རྒྱག་རྒྱུ་གལ་ཆེན་པོ་ཡིན།

ནུས་ཤུགས་སྤོར་བྱེད་སྨན་ཐུན་དག་ནི་མི་ཚང་མའི་ཆེད་རིན་མེད་ཡིན།

ནུས་ཤུགས་སྤོར་བྱེད་སྨན་ཐུན་སྐོར་གྱི་ཆ་འཕྲིན་དེ་ཁྱེད་ཀྱི་སྐད་ཡིག་ནང་དུ་འང་ཐོབ་རུང་ཡོད།

ནུས་ཤུགས་སྤོར་བྱེད་སྨན་ཐུན།

གལ་ཏེ་སྐྱེ་བོ་དར་མ་སུ་ཞིག་གིས་སོ་སོའི་ COVID-19 ཡི་ནུས་ཤུགས་སྤོར་བྱེད་ཀྱི་སྨན་ཐུན་མཐའ་མའམ། COVID ཡི་ནད་གཞི་ཚབས་ཆེ་མི་ན་བའི་སྲུང་སྐྱོབ་འཕར་མ་ཆེད་གཏན་འཁེལ་ཟིན་པའི་སྔོན་འགོག་སྨན་ཁབ་ (གང་ཞིག་ཆེ་ཉེ་ཤོས་ཡིན་པ།) གང་རུང་ཞིག་རྒྱག་སྟེ་ཟླ་བ་ 6 འམ་དེ་ལས་རིང་བ་ཕྱིན་ཡོད་ན། ནུས་ཤུགས་སྤོར་བྱེད་སྨན་ཐུན་རྒྱག་ཆོག

འདི་ནི་བྱེ་བྲག་ཏུ་གཤམ་དག་འཚུད་པའི་ནད་གཞི་ཚབས་ཆེ་ན་བའི་ཉེན་ཚབས་ཆེ་བ་ཡོད་པའི་སྐྱེ་བོ་ཚོའི་ཆེད་འོས་སྦྱོར་ཞུས་ཡོད།:

• སྐྱེ་བོ་ལོ་གྲངས་ 65 དང་དེ་ལས་བརྒལ་བ་ཆ་ཚང་།
• སྔོན་འཚུད་ནས་འཕྲོད་བསྟེན་གྱི་དཀའ་ངལ་དང་མི་ནུས་པའི་རང་བཞིན་ལྡན་པའམ་འཕྲོད་བསྟེན་དགོས་མཁོ་རྙོག་འཛིང་ལྡན་པའི་སྐྱེ་བོ་ལོ་གྲངས་ 18 དང་དེ་ལས་བརྒལ་བ་ཆ་ཚང་།

གལ་ཏེ་བྱིས་པ་དང་ན་གཞོན་ལོ་གྲངས་ 5 ནས་ 17 དབར་ཡིན་པ་རྣམས་ལ་གཤམ་དག་ལྡན་ན། ནུས་ཤུགས་སྤོར་བྱེད་སྨན་ཐུན་རྒྱག་ཆོག:

• གལ་ཏེ་ཁོང་རྣམས་ལ་འཕྲོད་བསྟེན་དཀའ་ངལ་ཞིག་ཡོད་པ་དེ་ཡིས་ཁོང་དག་ནད་གཞི་ཚབས་ཆེ་ན་བའི་ཉེན་ཚབས་སུ་འཇོག་པ།
• གལ་ཏེ་ཁོང་རྣམས་ཀྱི་མཐའ་མའི་སྨན་ཐུན་རྒྱག་པའམ་ COVID-19 ནད་གཞི་ཕོག་སྟེ་ཟླ་བ་ 6 ཕྱིན་པ།

ཁྱེད་ཀྱི་བྱིས་པ་ཡིས་ནུས་ཤུགས་སྤོར་བྱེད་སྨན་ཐུན་ཞིག་རྒྱག་དགོས་མིན་ཐག་གཅོད་བྱེད་པའི་ཐད་ཁྱེད་ཀྱི་སྨན་པ་ཡིས་རོགས་པ་བྱེད་པ་ཡིན།

ད་ལྟའི་ཆར་ནུས་ཤུགས་སྤོར་བྱེད་སྨན་ཐུན་དག་ནི་བྱིས་པ་དང་ན་གཞོན་ལོ་གྲངས་ 18 འོག་ཡིན་པ་སུ་ཞིག་ལ་ COVID-19 ཚབས་ཆེ་ན་བའི་ཉེན་ཚབས་ཆ་རྐྱེན་གང་ཡང་མེད་པ་ཚོའི་ཆེད་འོས་སྦྱོར་ཞུ་ཡི་མེད།

སྔོན་འགོག་སྨན་ཁབ་ཆ་ཚང་ཨོ་སི་ཊོ་ལི་ཡའི་ནང་བེད་སྤྱོད་བྱེད་ཆོག་པའི་ངོས་ལེན་ཟིན་པ་དང་། མུ་མཐུད་ནས་ COVID-19 ནས་ནད་གཞི་ཚབས་ཆེ་མི་ན་བའི་སྲུང་སྐྱོབ་ཤུགས་ཆེ་མཁོ་སྤྲོད་བྱེད་བཞིན་ཡོད། གང་ལྟར་ཡང་། ཨོ་མི་ཀོ་རོན་དམིགས་བཀར་ bivalent ཡི་སྔོན་འགོག་སྨན་ཁབ་དག་ནུས་ཤུགས་སྤོར་བྱེད་སྨན་ཐུན་ཆེད་མོས་འདེམས་བྱེད་ཀྱི་ཡོད།

ཁྱེད་ཀྱིས་སོ་སོའི་ COVID-19 ཡི་སྔོན་འགོག་སྨན་ཁབ་མཐའ་མ་རྒྱག་པའི་ཚེས་གྲངས་དེ་ཁྱེད་ཀྱི་ COVID-19 ཡི་ཌི་ཇི་ཊལ་ལག་འཁྱེར་སྟེང་ཡོད།

སྨན་དཔྱད་ཁང་ཞིག་འཚོལ་ཏེ་སྔོན་མངགས་བྱ།

ནུས་ཤུགས་སྤོར་བྱེད་སྨན་ཐུན་དག་ཇི་ལྟར་བྱེད་དེ་སྔོན་མངགས་བྱེད་དགོས་སམ།

ནུས་ཤུགས་སྤོར་བྱེད་སྨན་ཐུན་ཞིག་སྔོན་མངགས་བྱེད་པར། འཕྲོད་བསྟེན་ཞབས་ཞུ་འཚོལ་ཆས་བེད་སྤྱོད་བྱེད་པའམ། ‘ཧེ་ཨི་ཝ།’ – སྔོན་འགོག་སྨན་ཁབ་ལྟ་སྤྱོད་བདེ་པོ་ཞེས་པ་བེད་སྤྱོད་བྱ།

ཨི་ཝ་ནི་སྐྱེ་བོ་ཚོར་ COVID-19 ཡི་སྔོན་འགོག་སྨན་ཁབ་ཞིག་སྔོན་མངགས་བྱེད་པའི་རོགས་པ་བྱེད་པར། ཁ་པར་ཕྱིར་གཏོང་བྱེད་པའི་ཞབས་ཞུ་སྟབས་བདེ་ཞིག་ཡིན།

གལ་ཏེ་ཁྱེད་ལ་ COVID-19 ཡི་སྔོན་འགོག་སྨན་ཁབ་ཞིག་སྔོན་མངགས་བྱེད་པའི་རོགས་པ་ལྡན་དགོས་ན། 0481 611 382 ཐོག་ ‘ཧེ་ཨི་ཝ།’ ཞེས་འཕྲིན་ཐུང་གཏོང་། རྒྱལ་ནང་ཏོག་དབྱིབས་གཉན་རིམས་ཀྱི་རོགས་རམ་མཐུད་ཁ་ནས་སྦྱོང་བརྡར་ཟིན་པའི་ལས་བྱེད་ཞིག་གིས་ཁྱེད་ལ་ཁ་པར་གཏོང་སྟེ། ཁྱེད་ཀྱི་ COVID-19 ཡི་སྔོན་འགོག་སྨན་ཁབ་སྔོན་མངགས་བྱེད་པའི་རོགས་པ་བྱེད་པ་ཡིན།

རྒན་གསོ་ལྟ་སྐྱོང་གནས་སྡོད་ཚོའི་ཆེད་ནུས་ཤུགས་སྤོར་བྱེད་ལས་རིམ།

རྒན་གསོ་ལྟ་སྐྱོང་གནས་སྡོད་ཚོའི་ནང་ནུས་ཤུགས་སྤོར་བྱེད་སྨན་ཐུན་ལས་རིམ་ཞིག་སྤེལ་གྱི་ཡོད། འདིར་རྒན་གསོ་ལྟ་སྐྱོང་གནས་སྡོད་ནང་ COVID-19 ཡི་ནུས་ཤུགས་སྤོར་བྱེད་སྨན་ཐུན་གྱི་སྔོན་འགོག་སྨན་ཁབ་ལས་རིམ་སྐོར་མང་བ་ཀློག

མི་ནུས་པའི་རང་བཞིན་ལྡན་པའི་སྐྱེ་བོ་ཚོའི་ཆེད་ནུས་ཤུགས་སྤོར་བྱེད་ལས་རིམ།

མཉམ་སྤྱོད་བྱེད་པའི་རྒན་གསོ་ལྟ་སྐྱོང་གནས་སྡོད་ནང་གནས་བཞིན་པའི་མི་ནུས་པའི་རང་བཞིན་ལྡན་པའི་སྐྱེ་བོ་ཚོའི་ཆེད་ནུས་ཤུགས་སྤོར་བྱེད་ལས་རིམ་ཞིག་སྤེལ་བཞིན་པ་ཡིན། འདིར་མཉམ་སྤྱོད་བྱེད་པའི་རྒན་གསོ་ལྟ་སྐྱོང་གནས་སྡོད་ནང་གནས་བཞིན་པའི་མི་ནུས་པའི་རང་བཞིན་ལྡན་པའི་སྐྱེ་བོ་ཚོའི་ཆེད་ COVID-19 ཡི་ནུས་ཤུགས་སྤོར་བྱེད་སྨན་ཐུན་གྱི་ལས་རིམ་སྐོར་མང་བ་ཀློག

COVID-19 ཡི་ནུས་ཤུགས་སྤོར་བྱེད་སྨན་ཐུན་གྱི་བདེ་འཇགས།

ནུས་ཤུགས་སྤོར་བྱེད་སྨན་ཐུན་རྒྱག་པའི་རྗེས་ཀྱི་ཟུར་ཕོག་རྒྱུན་ལྡན་དང་འཇམ་པོ་དག་ནི་ཐོག་མའི་སྨན་ཐུན་ 2 རྒྱག་པའི་ཟུར་ཕོག་དང་འདྲ་མཚུངས་ཡོད།

འདིར་COVID-19 ཡི་སྔོན་འགོག་སྨན་ཁབ་ཀྱི་བདེ་འཇགས་དང་ཟུར་ཕོག་སྐོར་གྱི་ཆ་འཕྲིན་གཟིགས།