唔好俾啲術語擾亂咗－電子霧化器、mod、e-cig、霧化筆，
都係唔同形式嘅電子煙。
而家14到24歲嘅年輕人係第一代主要透過電子煙而唔係香煙接觸尼古丁嘅人。
三份之一嘅年輕人曾經試過吸電子煙。
而五份之一嘅年輕人正在吸電子煙。
呢個指南可以幫你同你嘅仔女或者你關心嘅年輕人，
討論吸電子煙嘅問題。
要開始討論電子煙嘅問題可能好唔容易，
但係討論係好重要嘅。
做好準備，細心聆聽同埋討論，同時唔好批評；
要盡力瞭解同關心佢哋嘅想法同感受。
同埋提供一個安全嘅雙向對話環境。
但係首先等我哋瞭解一下乜嘢係電子煙。
吸電子煙就係使用電子香煙，或者電子霧化器，
呢啲係電池供電嘅裝置，睇嚟好似香煙、
雪茄、煙斗、螢光筆，或者USB手指。
電子霧化器散發嘅霧氣，
就係將化學液體加熱產生嘅氣溶膠，
吸電子煙就係吸入呢啲氣溶膠。
非法電子煙嘅煙油通常都加咗香料，聞起嚟味道好香甜。
添加嘅甜味係要嚟吸引年輕人。
非法電子煙含有200 多種獨特嘅化學物質，
包括甲醛、尼古丁同埋重金屬。
澳洲嘅電子煙大多數都含有尼古丁，即使包裝上嘅標示話無尼古丁。尼古丁係會令人上癮嘅。
尼古丁可以損害年輕人嘅腦部發展，影響佢哋嘅注意力、學習、記憶同埋情緒。
以下係一啲幫助你展開有關電子煙嘅對話嘅提示。
要揀啱時間同地點：揀一個你同子女都覺得空閒嘅時候傾計，同埋揀一個令大家都覺得放鬆嘅地方。
唔好先入為主：如果你認為佢哋可能已經試過吸電子煙，唔好責備佢哋，而係集中討論事實。
避免批評或者說教：準備好細心聆聽佢哋嘅觀點，同時保持雙向對話。
提出鼓勵對話嘅開放式問題。
唔需要諗著第一次就講嗮所有正確嘅事實，
應該將對話視為正在進行中嘅工作。
就好似戒電子煙一樣，可能需要多試幾次。
但係一旦你哋開始傾談，就會更容易繼續毫無保留咁交談。
喺傾偈嘅時候記得細心聆聽，提供準確嘅訊息，唔好誇大其詞，
可以講吓嚟自朋友嘅壓力、對健康嘅影響，同時花啲時間解釋你嘅擔憂。
一旦年輕人決定戒煙，要幫助佢哋搵支持，
好似 My QuitBuddy 應用程式，可以幫助佢哋成功戒煙。
佢哋仲可以同專業戒煙熱線顧問討論電子煙問題同埋點樣戒煙。
你都可以得到身為父母或者照顧者可以做啲乜嘢嘅建議。
要瞭解更多資訊或者需要戒煙協助，請瀏覽 health.gov.au/vaping/translated
要瞭解更多資訊或者需要戒煙協助，請瀏覽 health.gov.au/vaping/translated