ܒܘܼܬ COVID ܝܲܪܝܼܟܼܵܐ
ܚܫܲܚܬܵܐ ܕ ‘long COVID’ ܝܼܠܵܗܿ ܓܵܘܵܢܵܐܝܼܬ ܡܘܼܦܠܸܚܬܵܐ ܩܵܐ ܦܲܫܲܩܬܵܐ ܕܬܸܪܘܲܝܗܝ:
- COVID-19 ܢܝܼܫܲܢܩܵܝܵܐ ܐܲܡܝܼܢܵܝܵܐ - ܢܝܼܫܲܢܩܹ̈ܐ ܕ COVID-19 ܡܲܓܪܘܼܫܹܐ ܙܵܘܕܵܐ ܡܼܢ 4 ܫܵܒܼܘܿܥܹ̈ܐ
- ܐܲܝܟܲܢܵܝܘܼܬܵܐ \ ܒܘܼܠܒܵܠܵܐ ܒܵܬ݉ܪ COVID-19 - ܢܝܼܫܲܢܩܹ̈ܐ ܕ COVID-19 ܒܵܬ݉ܪ 12 ܫܵܒܼܘܿܥܹ̈ܐ ܕܠܵܐ ܝܢܵܐ ܦܝܼܫܹܐ ܡܘܼܢܗܸܪܹ̈ܐ ܒܝܲܕ ܚܕܵܐ ܡܥܲܝܲܢܬܵܐ ܐ݉ܚܹܪ݉ܬܵܐ.
COVID ܝܲܪܝܼܟܼܵܐ ܡܵܨܹܐ ܡܲܒܝܸܢ ܒܐܘܼܪܚܵܬܹ̈ܐ ܦܪܝܼܫܹ̈ܐ ܓܵܘ ܐ݉ܢܵܫܹ̈ܐ ܦܪܝܼܫܹ̈ܐ ܘܢܝܼܫܲܢܩܹ݁̈ܐ ܡܵܨܝܼ ܡܵܬܚܝܼ ܡܼܢ ܡܲܟܝܼܟܼܹ̈ܐ ܠܩܸܫܝܹ̈ܐ.
ܢܝܼܫܲܢܩܹ̈ܐ ܕ COVID ܝܲܪܝܼܟܼܵܐ
ܣܲܗܡܵܐ ܙܵܘܕܵܐ ܕܢܝܼܫܲܢܩܹ̈ܐ ܡܬܘܼܫܪܸܪܹ̈ܐ ܥܲܡ COVID ܝܲܪܝܼܟܼܵܐ ܝܼܢܵܐ:
- ܫܲܪܫܵܝܬܵܐ (ܟܸܟ̰ܚܵܐ ܙܵܘܕܵܢܵܐ)
- ܟܲܪܝܘܼܬܵܐ ܒܫܩܵܠܵܐ ܢܲܦܲܣ
- ܩܸܛܪܹ̈ܐ ܒܕܟܼܵܪܵܐ ܘܩܲܢܛܪܵܢܬܵܐ ܕܪܸܥܝܵܢܵܐ (‘ܡܘܼܚܵܐ ܠܵܐ ܨܸܦܝܵܐ’).
ܢܝܼܫܲܢܩܹ̈ܐ ܐ݉ܚܹܪ݉ܢܹ̈ܐ ܟܹܐ ܚܵܒܼܫܝܼ:
- ܪܲܦܪܲܦܬܵܐ ܕܠܸܒܵܐ، ܡܲܪܥܵܐ ܓܵܘ ܨܲܕܪܵܐ ܝܲܢ ܥܝܼܩܘܼܬܵܐ
- ܫܥܵܠܵܐ
- ܫܘܼܚܠܵܦܹ̈ܐ ܓܵܘ ܛܥܵܡܬܵܐ ܝܲܢ ܡܲܡܲܚܬܵܐ
- ܡܲܪܥܵܐ ܕܫܲܪܝܼܬܵܐ ܘܥܲܨܲܠܬܵܐ
- ܬܒܼܵܢܬܵܐ (ܐܲܝܟܼ ܡܚܵܝܬܵܐ ܕܕܲܡܒܘܼܣܹ̈ܐ ܘܚܡܵܛܹ̈ܐ)
- ܩܸܛܪܹ̈ܐ ܒܕܡܵܟܼܬܵܐ (ܠܵܐ ܛܠܵܝܬܵܐ)
- ܫܘܼܚܠܵܦܹ̈ܐ ܓܵܘ ܣܵܘܕܵܐ (ܙܕܘܼܥܬܵܐ ܙܝܼܕܬܵܐ، ܢܝܼܓܵܪܵܢܘܼܬܵܐ ܝܲܢ ܥܝܼܩܘܼܬܵܐ ܕܠܸܒܵܐ)
- ܓܲܫܲܢܬܵܐ
- ܡܲܪܥܵܐ ܕܪܹܫܵܐ
- ܚܲܡܚܲܡܬܵܐ ܒܕܲܪܓܼܵܐ ܟܘܼܦܵܐ
- ܪܵܦܘܼܦܬܵܐ ܕܓܸܠܕܵܐ، ܢܬܵܪܬܵܐ ܕܟܵܘܣܵܐ
- ܓܒܼܵܠܬܵܐ ܕܠܸܒܵܐ، ܦܠܵܚܬܵܐ ܕܐܲܩܠܵܐ، ܡܲܪܥܹ̈ܐ ܕܟܲܪ݉ܣܵܐ، ܛܲܠܲܩܬܵܐ ܕܪܸܓܬܵܐ ܕܐ݉ܟܼܵܠܬܵܐ.
ܓܵܘ ܫܲܒܼܪܹ̈ܐ، ܢܝܼܫܲܢܩܹ̈ܐ ܟܹܐ ܚܵܒܼܫܝܼ:
- ܢܝܼܫܲܢܩܹ̈ܐ ܕܣܵܘܕܵܐ
- ܫܲܪܫܵܝܬܵܐ
- ܩܸܛܪܹ̈ܐ ܒܕܡܲܟܼܬܵܐ.
ܥܵܡܘܿܠܹ̈ܐ ܕܩܸܢܛܵܐ ܩܵܐ COVID ܝܲܪܝܼܟܼܵܐ
COVID ܝܲܪܝܼܟܼܵܐܝܼܠܹܗ ܒܘܼܫ ܡܸܬܗܵܘܝܵܢܵܐ ܕܡܲܒܝܸܢ ܓܵܘ ܐ݉ܢܵܫܹ̈ܐ (ܐܵܢܝܼ):
- ܕܠܵܐ ܝܢܵܐ ܛܘܼܥܸܡܹ̈ܐ
- ܐܝܼܬ ܗܘܵܘ ܠܗܘܿܢ ܡܲܪܥܵܐ ܩܸܫܝܵܐ ܥܲܡ COVID-19، ܒܸܚܒܼܵܫܵܐ ܐܵܢܝܼ WHO ܕܦܝܼܫܹܐ ܝܗܘܵܘ ܡܘܼܕܡܸܟܼܹ̈ܐ ܓܵܘ ܒܹܝܬ ܟܪܝܼܗܹ̈ܐ ܝܲܢ ܕܣܢܝܼܩܹ̈ܐ ܝܗܘܵܘ ܠܝܲܨܝܼܦܘܼܬܵܐ ܚܲܝܠܵܢܬܵܐ
- ܕܐܝܼܬ ܗܘܵܘ ܠܗܘܿܢ ܐܲܝܟܲܢܘܵܬܹ̈ܐ ܐܸܣܵܝܹ̈ܐ ܝܲܢ ܡܲܪܥܵܐ ܡܼܢ ܩܵܕ݉ܡ COVID-19، ܐܲܝܟܼ ܪܒܼܵܨܵܐ ܪܵܡܵܐ ܕܕܸܡܵܐ، ܡܲܪܥܵܐ ܢܲܓܝܼܪܵܐ ܕܪܵܐܬܵܐ، ܡܲܪܥܵܐ ܕܫܸܟܲܪ، ܘܬܪܝܼܨܘܼܬܵܐ.
ܩܢܵܝܬܵܐ ܕܕܲܪܡܲܢܬܵܐ ܩܵܐ COVID ܝܲܪܝܼܟܼܵܐ
ܐܸܢ ܐܲܚܬܘܿܢ ܢܝܼܓܵܪܵܢ ܝܬܘܿܢ ܒܘܼܬ ܢܝܼܫܲܢܩܹ̈ܐ ܐܲܡܝܼܢܵܝܹ̈ܐ ܡܼܢ ܒܵܬ݉ܪ ܕܗܵܘܹܐ ܠܵܘܟܼܘܿܢ COVID-19، ܓܵܪܲܓ ܡܲܚܒܸܪܝܼܬܘܿܢ ܐܵܣܝܵܘܟܼܘܿܢ ܩܵܐ ܥܒܼܵܕܬܵܐ ܕܚܕܵܐ ܬܢܵܝܬܵܐ ܕܓܲܫܲܩܬܵܐ ܐܵܣܝܵܝܬܵܐ.
ܠܲܝܬ ܨܲܚܨܵܝܬܵܐ ܩܵܐ COVID ܝܲܪܝܼܟܼܵܐ. ܐܵܣܝܵܘܟܼܘܿܢ ܒܸܕ ܒܲܩܸܪ ܠܵܘܟܼܘܿܢ ܒܘܼܬ ܢܝܼܫܲܢܩܵܘܟܼ̈ܘܿܢ ܘܡܲܥܒܕܵܢܘܼܬܵܐ (ܟܵܐܪ) ܕܐܝܼܬܠܗܘܿܢ ܥܲܠ ܚܲܝܵܘܟܼܘܿܢ. ܒܲܠܟܵܐ ܐܵܣܝܵܐ ܡܲܚܫܸܚ ܚܲܕܟܡܵܐ ܨܲܚܨܵܝܵܬܹ̈ܐ ܩܵܐ ܬܲܚܲܡܬܵܐ ܕܚܲܕܟܡܵܐ ܣܲܒܵܒܹ̈ܐ ܡܸܬܗܵܘܝܵܢܹ̈ܐ ܕܢܝܼܫܲܢܩܵܘܟܼ̈ܘܿܢ ܘܡܲܪܚܲܩܬܵܐ ܕܐܲܝܟܲܢܘܵܬܹ̈ܐ ܐ݉ܚܹܪ݉ܢܹ̈ܐ.
ܠܲܝܬ ܚܲܕ ܕܲܪܲܡܲܢܬܵܐ ܠܚܘܿܕܵܝܬܵܐ ܝܲܢ ܕܲܪܡܵܢܵܐ ܩܵܐ ܒܲܣܲܡܬܵܐ ܕ COVID ܝܲܪܝܼܟܼܵܐ. ܐܵܣܝܵܘܟܼܘܿܢ ܒܸܕ ܗܲܡܙܸܡ ܥܲܡܵܘܟܼܘܿܢ ܒܘܼܬ ܝܲܨܝܼܦܘܼܬܵܐ ܘܣܢܵܕܬܵܐ ܕܒܲܠܟܵܐ ܣܵܢܩܝܼܬܘܿܢ ܐܸܠܲܝܗܝ ܒܲܠܟܵܐ ܡܙܲܘܸܕ ܠܵܘܟܼܘܿܢ ܒܢܲܨܝܼܗܲܬ ܒܘܼܬ:
- ܡܲܪܗܵܝܬܵܐ ܘܡܕܲܒܲܪܬܵܐ ܕܢܝܼܫܲܢܩܵܘܟܼ̈ܘܿܢ ܓܵܘ ܒܲܝܬܵܐ، ܐܲܝܟܼ ܒܐܘܼܪܚܵܐ ܕܡܲܦܠܲܚܬܵܐ ܕܚܕܵܐ ܡܥܲܗܕܵܢܝܼܬܵܐ (ܡܲܕܟܼܸܪܵܢܬܵܐ) ܕܢܝܼܫܲܢܩܵܐ
- ܢܝܼܫܲܢܩܹ݁̈ܐ ܕܒܲܠܟܵܐ ܒܸܛܠܵܒܵܐ ܝܢܵܐ ܝܲܨܝܼܦܘܼܬܵܐ ܐܵܣܝܵܝܬܵܐ (ܐܲܝܟܼ ܢܝܼܫܲܢܩܹ̈ܐ ܚܲܕܬܹ̈ܐ ܝܲܢ ܒܘܼܫ ܚܸܪܒܵܐ) ܘܐܲܝܟܵܐ ܛܲܥܝܼܬܘܿܢ ܒܵܬ݉ܪ ܝܲܨܝܼܦܘܼܬܵܐ ܐܸܢ ܢܘܼܣܹܐܠܵܘܟܼܘܿܢ ܐܲܢܹܐ ܢܝܼܫܲܢܩܹ̈ܐ
- ܡܘܿܕܝܼ ܠܣܒܵܪܵܐ ܒܫܵܒܼܘܿܥܹ̈ܐ ܘܝܲܪܚܹ̈ܐ ܕܡܼܢ ܒܵܬ݉ܪ COVID-19
- ܣܢܵܕܝܵܬܹ̈ܐ ܩܵܐ ܥܒܼܵܪܝܵܬܹ̈ܐ ܓܵܘ ܦܸܨܠܵܐ ܕܚܲܝܘܼܬܵܐ، ܐܲܝܟܼ ܥܵܒܼܘܼܕܘܼܬܵܐ ܦܲܓܼܪܵܢܵܝܬܵܐ ܘܡܵܠܘܿܟܼܘܼܬܵܐ.
ܐܸܢ ܢܝܼܫܲܢܩܹ̈ܐ ܒܸܥܒܼܵܕܵܐ ܝܢܵܐ ܚܕܵܐ ܡܲܥܒܕܵܢܘܼܬܵܐ (ܟܵܐܪ) ܓܘܼܒܼܪܬܵܐ ܥܲܠ ܚܲܝܵܘܟܼܘܿܢ، ܒܲܠܟܵܐ ܦܵܝܫܝܼܬܘܿܢ ܫܘܸܕܪܹ̈ܐ ܠܚܲܕ ܚܲܒܝܼܪܵܐ ܝܲܢ ܠܚܕܵܐ ܚܸܠܡܲܬ ܕܡܲܪܥܵܪܬܵܐ ܕܡܨܵܝܬܵܐ ܕܡܵܨܝܵܐ ܗܲܝܸܪܵܐ ܒܡܕܲܒܲܪܬܵܐ ܕܢܝܫܫܲܢܩܵܘܟܼ̈ܘܿܢ ܘܗܲܝܸܪܵܐ ܠܵܘܟܼܘܿܢ ܕܒܵܣܡܝܼܬܘܿܢ.
ܒܣܵܡܬܵܐ ܡܼܢ COVID ܝܲܪܝܼܟܼܵܐ
ܥܸܕܵܢܵܬܹ̈ܐ ܕܒܣܵܡܬܵܐ ܒܤܕ ܗܵܘܝܼ ܦܪܝܼܫܹ̈ܐ ܩܵܐ ܟܠܚܲܕ ܦܲܪܨܘܿܦܲܵܐ ܘܢܝܼܫܲܢܩܵܘܟܼ̈ܘܿܢ ܒܲܠܟܵܐ ܫܲܚܠܸܦܝܼ ܒܥܒܼܵܪܬܵܐ ܕܥܸܕܵܢܵܐ. ܣܲܗܡܵܐ ܙܵܘܕܵܐ ܕܐ݉ܢܵܫܹ̈ܐ ܟܹܐ ܒܵܣܡܝܼ ܓܵܘ ܡܸܬܚܵܐ ܕ 3 ܗܲܠ 4 ܝܲܪ̈ܚܹܐ ܐܝܼܢܵܐ، ܩܨܐ ܚܲܕܟܡܵܐ ܐ݉ܢܵܫܹ̈ܐ، ܢܝܼܫܲܢܩܹ̈ܐ ܡܵܨܝܼ ܕܦܵܝܫܝܼ ܩܵܐ ܥܸܕܵܢܵܐ ܒܘܼܫ ܝܲܪܝܼܟܼܬܵܐ.
ܢܛܵܪܬܵܐ ܕܓܵܢܵܘܟܼܘܿܢ ܡܼܢ COVID ܝܲܪܝܼܟܼܵܐ
ܗܿܝ ܐܘܼܪܚܵܐ ܒܘܼܫ ܨܦܵܝܝܼ ܠܚܣܵܟܼܬܵܐ ܡܼܢ COVID ܝܲܪܝܼܟܼܵܐ ܝܼܠܵܗܿ ܕ ܢܵܛܪܝܼܬܘܿܢ ܝܠܵܗܿ ܓܵܢܵܘܟܼܘܿܢ ܡܼܢ ܛܦܵܝܬܵܐ.
ܦܝܵܫܬܵܐ ܒܝܼܕܵܥܵܐ ܒܛܲܥܲܡܝܵܬܵܘܟܼ̈ܘܿܢ ܕ COVID-19 ܡܵܨܝܵܢܬܵܐ ܝܠܵܗܿ ܕܗܲܝܸܪܵܐܠܵܘܟܼܘܿܢ ܕܚܵܣܟܼܝܼܬܘܿܢ ܡܼܢ ܛܦܵܝܬܵܐ ܒ COVID-19 ܘܢܵܛܪܵܐ ܠܵܘܟܼܘܿܢ ܡܼܢ ܡܲܪܥܵܐ ܩܸܫܝܵܐ. ܐ݉ܢܵܫܹ̈ܐ (ܐܵܢܝܼ) ܕܝܼܢܵܐ ܛܘܼܥܸܡܹ̈ܐ ܝܼܢܵܐ ܒܘܼܫ ܚܲܕܟ̰ܵܐ ܡܸܬܗܵܘܝܵܢܹ̈ܐ ܕܬܲܫܪܸܪܝܼ COVID ܝܲܪܝܼܟܼܵܐ ܡܘܼܕܒܼܸܩܹ̈ܐ ܥܲܡ ܐ݉ܢܵܫܹ̈ܐ (ܐܵܢܝܼ) ܕܠܵܐ ܝܢܵܐ ܛܘܼܥܸܡܹ̈ܐ.
ܥܸܢܝܵܢܵܐ ܕܫܘܼܠܛܵܢܵܐ
ܡܼܢ ܒܵܬ݉ܪ ܚܕܵܐ ܫܲܕܲܪܬܵܐ ܒܣܝܼܩܘܿܡܵܐ ܕ 1 ܐܝܼܠܘܿܠ 2022 ܡܼܢ ܘܲܙܝܼܪܵܐ ܕܚܘܼܠܡܵܢܵܐ ܘܝܲܨܝܼܦܘܼܬܵܐ ܕܥܒܼܝܼܪܹ̈ܐ ܒܫܸܢܹ̈ܐ، ܡܝܘܼܩܪܵܐ Mark Butler ܗܲܕܵܡܵܐ ܕܦܵܪܠܵܡܵܢܬ݉، ܣܝܼܥܬܵܐ ܐܲܡܝܼܢܵܝܬܵܐ ܕܡܵܘܬܒܼܵܐ ܕܩܲܝܘܼܡܹ̈ܐ ܥܲܠ ܚܘܼܠܡܵܢܵܐ، ܝܲܨܝܼܦܘܼܬܵܐ ܕܥܒܼܝܼܪܹ̈ܐ ܒܫܸܢܹ̈ܐ ܘܐܲܬܠܝܼܛܘܼܬܵܐ ܒܘܼܩܸܪܠܵܗܿ ܒܘܼܬ ܘܒܸܕ ܬܲܫܪܸܪܵܐ ܥܲܠ COVID ܝܲܪܝܼܟܼܵܐ ܘܛܦܵܝܵܬܹ̈ܐ ܬܸܢܝܹ̈ܐ ܕ COVID-19.
ܩܪܹܝܡܘܼܢ ܠ ܬܲܫܪܵܪܵܐ ܙܲܒܼܢܵܢܵܝܵܐ.
ܡܵܘܕܥܵܢܘܼܬܵܐ ܙܵܘܕܵܢܬܵܐ
- ܩܢܵܝܬܵܐ ܕܗܲܝܲܪܬܵܐ ܩܵܐ COVID ܝܲܪܝܼܟܼܵܐ
- ܦܲܪܡܵܝܬܵܐ ܕܢܝܼܫܲܢܩܹ̈ܐ ܕܒܵܬ݉ܪ COVID-19 ܘ COVID ܝܲܪܝܼܟܼܵܐ
- ܟܘܿܠܝܼܬܵܐ ܡܲܠܟܵܝܬܵܐ ܐܘܿܣܬܪܵܠܝܵܝܬܵܐ ܕܐܵܣܝܹ̈ܐ ܡܢܲܦܩܹ̈ܐ، ܡܲܒܘܼܥܵܐ ܕܡܲܪܥܵܢܵܐ: ܡܕܲܒܲܪܬܵܐ ܕܢܝܼܫܲܢܩܹ̈ܐ ܕܒܵܬ݉ܪ COVID-19
- ܝܲܗܠܵܐ ܐܲܬܪܵܝܵܐ ܕܫܘܼܪܵܪܹ̈ܐ ܐܵܣܝܘܼܬܵܢܵܝܹ̈ܐ، ܡܗܲܕܝܵܢܘܼܝܵܬܹ̈ܐ ܐܘܿܣܬܪܵܠܝܵܝܵܬܹ̈ܐ ܩܵܐ ܝܲܨܝܼܦܘܼܬܵܐ ܐܵܣܝܘܼܬܵܢܵܝܬܵܐ ܕܐ݉ܢܵܫܹ̈ܐ ܕܐܝܼܬܠܗܘܿܢCOVID-19.