Downloads
မယ်ဒီကဲ အရေးပေါ် စောင့်ရှောက်ပေးရေး ဆေးခန်းတွေ (Medicare Urgent Care Clinics) ဟာ သြစတြေးလျားတစ်ဝန်း တည်ရှိပြီး အရေးပေါ် ဖြစ်ပေမဲ့ အသက်ဘေးအန္တရာယ် ရှိလောက်စေမယ့် ဖျားနာမှုတွေ၊ ထိခိုက်ဒဏ်ရာတွေအတွက် မဟုတ်တဲ့ ဆေးကုသမှုကို ရယူဖို့ ပိုပြီးလွယ်ကူစေပါတယ်။
ဘာတွေက အရေးတကြီးကိစ္စ ဖြစ်၊မဖြစ် ဆိုတာကို ဘယ်လိုသိနိုင်မလဲ။
သင့်မှာ ထိခိုက်ဒဏ်ရာ သို့မဟုတ် နာမကျန်းမှုတစ်ခုခုရှိလို့ ဘယ်မှာ အကူအညီတောင်းဖို့ ဆိုတာကို မဆုံးဖြတ်ခင် သင့်ကိုယ်သင် မေးနိုင်တဲ့ မေးခွန်းသုံးခုရှိပါတယ်။
အသက်ဘေးအန္တရာယ်ရှိပြီး အရေးပေါ်စောင့်ရှောက်မှု ရယူဖို့ လိုအပ်သလား။
အထွေထွေကုဆရာဝန် သို့မဟုတ် သူနာပြုက ကုသပေးနိုင်တဲ့ ကိစ္စလား။
ကိုယ်က ကိုယ့်ရဲ့ ဒေသခံ အထွေထွေဆရာဝန်ကို ပြဖို့ ရက်ချိန်းရတဲ့အထိ စောင့်နိုင်သလား။
အရေးပေါ်အခြေအနေ မဟုတ်ပေမဲ့ ကိုယ့်အထွေထွေကုဆရာဝန်နဲ့ ပုံမှန်ရက်ချိန်းယူ ပြသဖို့ မစောင့်နိုင်ရင်၊ အဲ့ဒါက မယ်ဒီကဲ အရေးပေါ် စောင့်ရှောက်ပေးရေး ဆေးခန်းကိုသွားစရာဖြစ်လာပါတယ်။
မယ်ဒီကဲ အရေးပေါ် စောင့်ရှောက်ပေးရေး ဆေးခန်းတွေဟာ နေ့စဉ် အစောကြီးဖွင့်ပြီး နောက်ကျပိတ်သလို၊ ဝန်ဆောင်မှုတွေအတွက် အခကြေးကို ပုံတိုက်တောင်းခံပြီး သင် ရက်ချိန်းယူဖို့ ညွှန်းပေးခံရဖို့ မလိုပါဘူး။
သင်နဲ့ အနီးဆုံး မယ်ဒီကဲ အရေးပေါ် စောင့်ရှောက်ပေးရေး ဆေးခန်းကို ရှာတွေ့ဖို့ health.gov.au/MedicareUCC မှာကြည့်ပါ။