COVID-19 adde sófor

Sófor or zoruriyat ókkol ar maháfuz tákibolla tuñáttu mara foribóde kodom ókkol cómmonde zanilo.

Australiar bútore bútorgua sófor

Lamargín ot sófor gorá cómmonde maalumat ollá elakayi sehét dipárment ókkol ór wébsait ókkol cek goró:

Bidecí sófor ókkol

COVID-19 é Australiat ar bidec ót ekkán sehéti hótora tíyagorát asé. Añára becí wosíyot gorír másk findíbólla ar decbideci sófor gorár cómot véksin maijja óibolla. Tuñáttu hañc ar hát or bála sófayi adde oinno zon loi jisími duurir amól goróonsá zeçé emkan asé.

Bazu dec ókkol, hávar zañás or lain ókkol ar bor zañás or saloiya ókkol é COVID-19 or sófor or zoruriyat ókkol raikké. Tuñár pelein yáto zaáñs ot tuñúi uçár age cek diyat neelar-age theés or notija saá yó eçé cámel tákitfare. Gólar zoruriyat ókkol ót cek goró ei duníyan ólla:

  • dec zián or mikká tuñúi sófor gorór, yáto zián baái tuñúi zoór

  • hávar zaáñs yáto zaáñs saloiyar zoruriyat ókkol.

Asbab ókkol

Gór ot wafes ayérdde Australi ókkol

Australiar címa ókkol kúla, ar Australi Hókumot or honó zoruriyat ókkol nái:

  • Australiat foóñsar sáñte COVID-19 or negétiv theés or sábut diyar
  • COVID-19 véksin marar sábut diyar
  • ekkán másk findar, zidiyó hían ólla bol diyazar.

Sófor or Incúréñs

Sófor or incúréñs dorhari zodi tuñúi bidec ót COVID-19 loi bearam foro. Taákid goró deki tuñár incúréñs ot cámel asé:

  • farái zooni monzil ókkol
  • COVID-19 ólla cámel táka
  • oinno battí ciz ókkol zeén neki bor zaáñs or húsusi incúréñs ókkol.

Bazu monzil ókkol é yó saá deki sófor goróiya ókkol óttu incúñréñs táka foribó gólar ekkán corót hísafe.

Doijjar sófor

Tuñár doijjar sófor zuhár gorí doiya ttú cek goró tuñár zaáñs adde monzil ollá sófor or taza zoruriyat ókkol ki asé.

Véksinmara

Ekkán zaáñs or wore véksin maijja óibolla sófor goróiya ókkol ólla Australi Hókumot or honó córot nái. Bahárhal, añára wosíyot gorír:

  • COVID-19 véksin maribólla, zettót tuñáttu hora ocúk óibar ar lamba COVID óibar boró hótora asé zodi tuñúi véksin amaijja óile
  • zaáñs or wore tuñár sófor óre dubara báfisinti saibólla zodi tuñúi véksin amaijja óile.

Doijjar sófor ot woba fóiliuçá

Bearam fóilar ekkán becí hotóra ré oinno kisím or sófor or tulanat doijjar sófor or zaáñs ókkol é loiza. COVID-19, influenza, ar oinno faráinna bearam ókkol aásanir sáñte fóiliza dháke zaga ókkol ót tákede adde sómaj goréde manúic or bútóre.

Zodi tuñár doijjar sófor ot COVID-19 fóiliuçé, tuñáttu zoruri óibo:

  • zaáñs or wore alog táka
  • lami zaa, ar tuñúi asóode dec, teritori yáto estéit or elakayi ain ókkol mana foribó.

Tuñúi sófor gorár age, doijjar sófor ókkol ólla Smartraveller or mocwara cek goró. Tuñár sófor or dalal yáto doijjar sófor entezam goróiya loi talluk goró hítarar COVID-19 or sólamotir entezam ókkol ór húsusi maalumat ollá.

Estéit ar teritorir hókumot ókkol é toiyar goijjé ar tazagoijjé salu gorár mutallek sehéti karuai ókkol ziín é Australiat doijjar sófor óre modot goré.

Doijjar sófor or harhánar karuai ókkol é yó modot goré doijjar sófor or zaáñs ókkol ór wore COVID-19 or hótora ré homaibólla, zeçé cámel asé:

  • facíndar ókkol ólla véksin marar zoruriyat ókkol
  • fóiliúçár entezami plan ókkol
  • COVID-19 or sólamoti plan ókkol.

Australiat decbidecí sófor goróiya ókkol

Australiar címa ókkol kúla, ar Australi Hókumot or honó zoruriyat ókkol nái:

  • Australiat foóñsar sáñte COVID-19 or negétiv theés or sábut diyar
  • COVID-19 véksin marar sábut diyar
  • ekkán másk findar, zidiyó hían ólla bol diyazar.

Australiat góla ar neela cómmonde beec zanilo.

Date last updated:

Help us improve health.gov.au

If you would like a response please use the enquiries form instead.