Kev ncig hauv Australia
Txheeb-xyuas tsoomfwv hauv zos cov tsev saib kev muajmob cov websites txog kev mus ncig tebchaws rau:
- Xeev New South Wales
- Nroog Northern Territory
- Xeev South Australia
- Xeev Tasmania
- Xeev Victoria
- Xeev Western Australia
Mus ncig txawv tebchaws
COVID-19 tseem yuav ua rau mob tau nyob rau hauv Australia thiab txawv tebchaws. Peb pomzoo heev kom muab ntaub npog ntsej muag thiab txhaj tshuaj tiv-thaiv kabmob thaum mus ncig txawv tebchaws. Koj yuavtsum tswj koj tus kheej kom huvsi xwsli thaum hnoos thiab ntxuav-tes tsis-so, thiab nyob deb ntawm lwm tus yog nyob tau.
Muaj cov dav-hlau thiab nkoj nyob qho lub tebchaws uas tejzaum tseem muaj tus kevcai tswj COVID-19 siv nkag tebchaws. Cov kevcai xwsli yuavtsum xub mus kuajmob nyob ntawm chaw kuaj ntaub-ntawv – check-in, uantej yuav nkag mus hauv dav-hlau losyog nkag mus hauv nkoj. Txheeb xyuas tus kevcai nkag tebchaws rau ob lub chaw xwsli:
-
lub tebchaws koj yuav mus, lossis thajchaw koj yuav pauv dav-hlau
-
saib cov tswv dav-hlau lossis nkoj muaj cov kevcai tswj licas.
Cov ntaub-ntawv (Resources):
Cov neeg Australians uas rovqab los tsev
Australia qhib ciaj-ciam teb lawm, thiab Tsoomfwv Australian tsis muaj kevcai txwv dabtsi txog kom:
- muab povthawj kev kuaj tsis muaj mob COVID-19 thaum tuaj txog hauv Australia
- muab povthawj qhia txog kev txhaj tshuaj tiv-thaiv COVID-19
- muab ntaub npog ntsej-muag.
Ua nyiaj tiv-thaiv xwm ncig tebchaws – Travel Insurance
Ua nyiaj tiv-thaiv xwm ncig tebchaws tshwj-xeeb heev yog tias koj mus muaj mob COVID-19 nyob txawv tebchaws. Ceevfaj xyuas kom koj cov insurance muaj kev tiv-thaiv xwsli:
- teebmem thaum mus pauv dav-hlau
- kev muaj mob COVID-19
- lwm yam teebmeem uas yuav ntxiv tau rau tomntej xwsli kev tiv-thaiv xwm thaum mus caij nkoj – cruise.
Muaj ib txhia tebchaws, cov neeg nkag tuaj hauv lub tebchaws yuavtsum ua nyiaj tiv-thaiv xwm ncig tebchaws thiaj pub nkag.
Kev mus caij nkoj ncig tebchaws– cruise travel
Txheeb xyuas nrog cov tswv nkoj kom paub tseeb cov kevcai caij nkoj thiab nkag rau cov tebchaws koj yuav mus.
Kev txhaj tshuaj tiv-thaiv kabmob
Tsoomfwv Australian tsis muaj tus kevcai pub cov neeg mus ncig tebchaws txhaj tau tshuaj tiv-thaiv kabmob hauv lub nkoj - cruise vessel. Tabsis, peb pomzoo:
- kom mus txhaj tshuaj COVID-19 vim tsis txhaj ces koj yuav muaj mob nyhav tau thiab yuav mob tau COVID-19 mus ntev
- kom koj rovqab thim-xav txog txojkev mus caij nkoj – cruises yog koj tsis tau txhaj tshuaj tiv-thaiv kabmob.
Kev sibkis kabmob saum nkoj -cruise
Nws muaj kev sibkis kabmob saum cov nkoj cruise ships ntau yog muab piv rau lwm yam kev mus ncig tebchaws. COVID-19, khaub-thuas Flu thiab lwm yam kabmob yuav sibkis yoojyim rau cov neeg uas nyob sibkoom rau thajchaw sib-ti.
Yog muaj kev sibkis mob COVID-19 tshwm sim hauv lub nkoj, tejzaum koj yuav tau:
- caiv nyob hauv lub nkoj
- tawm hauv lub nkoj mus thiab ua rawsli tus kevcai tswj ntawm lub xeev losyog lub nroog losyog lub tebchaws uas koj nyob ntawd.
Uantej koj yuav mus ncig tebchaws, mus txheeb-xyuas hauv Smartraveller cov kev qhuab-qhia thaum mus caij nkoj cruises. Mus nug lub chaw losyog cov tswv nkoj (cruise operator) saib lawv cov kevcai tswj kev muaj mob COVID-19 muaj dabtsi.
Tsoomfwv hauv xeev thiab nroog yog cov tsim thiab tshaj qhia cov xovxwm tshiab txog kevcai tswj kev muaj mob uas txhawb pab kev caij nkoj ncig uasi hauv Australia.
Cov kevcai tswj kev caij nkoj ncig tebchaws yuav pab kom kev sibkis COVID-19 nyob saum lub nkoj muaj tsawg, xwsli:
- cov neeg ncig tebchaws yuavtsum txhaj tshuaj tiv-thaiv kabmob
- muaj txojkev npaj thaum muajxwm sibkis mob ntau
- COVID-19 txojkev npaj kom ntsib kev nyab-xeeb.
Cov neeg txawv tebchaws nkag tuaj rau Australia
Australia qhib cov ciaj-ciam teb lawm, thiab Tsoomfwv Australian tsis muaj kevcai txwv dabtsi txog kom:
- qhia povthawj kev kuaj tsis muaj mob COVID-19 thaum tuaj txog hauv Australia
- muab povthawj qhia txog kev txhaj tshuaj tiv-thaiv COVID-19
- pomzoo kom muab ntaub npog ntsej-muag, txawm yuav tsis khoo lawm.
Kawm kom paub ntau txog kev nkag tuaj thiab tawm hauv Australia.