ཨོ་སི་ཊོ་ལི་ཡའི་ནང་འཚུད་དུ་རྒྱལ་ནང་འགྲིམ་འགྲུལ།
གཤམ་གྱི་ས་ཚིགས་དག་ཏུ་འགྲིམ་འགྲུལ་བྱེད་པར་དེ་དག་གི་ཆ་འཕྲིན་ཆེད་དོ་བདག་ས་ཁུལ་འཕྲོད་བསྟེན་ལྷན་ཁང་གི་དྲྭ་ཚིགས་དག་ཞིབ་བཤེར་བྱ།
ཕྱི་རྒྱལ་ཁག་ཏུ་འགྲིམ་འགྲུལ།
COVID-19 ཡིས་མུ་མཐུད་ནས་ཨོ་སི་ཊོ་ལི་ཡ་དང་ཕྱི་རྒྱལ་ཁག་ཏུ་འཕྲོད་བསྟེན་ཉེན་ཚས་འདྲེན་གྱི་ཡོད། ཕྱི་རྒྱལ་ཁག་ཏུ་འགྲིམ་འགྲུལ་བྱེད་སྐབས། ཁ་རས་གྱོན་པ་དང་སྔོན་འགོག་སྨན་ཁབ་རྒྱག་དགོས་པའི་འོས་སྦྱོར་ཤུགས་དྲག་ཞུ་ཡི་ཡོད། ཁྱེད་ཀྱིས་གློ་རྒྱག་སྐབས་ཁ་བཀག་པ་དང་ལག་པ་གཙང་བཟོ་བྱེད་པ། དེ་བཞིན་གལ་ཏེ་ཐུབ་པ་ཡིན་ན། གཞན་སར་ནས་ལུས་པོའི་རྒྱང་ཐག་འཇོག་དགོས།
རྒྱལ་ཁབ་དང་གནམ་གྲུའི་མཁའ་ལམ། དེ་བཞིན་སྣུམ་འཁོར་འགྲིམ་འགྲུལ་བཀོལ་སྤྱོད་པ་འགའ་ཤས་ལ་ COVID-19 ཡི་འགྲིམ་འགྲུལ་དགོས་མཁོ་རིགས་ལྡན་དགོས་སྲིད་པ་ཡིན། འདིའི་ནང་། ཁྱེད་ཀྱིས་གནམ་གྲུ་འམ་གྲུ་གཟིངས་ལྟ་བུའི་ནང་འཛུལ་ཞུགས་མ་བྱེད་གོང་། ཐོ་འགོད་བྱེད་སར་འགྲིམ་འགྲུལ་མ་བྱེད་གོང་གི་བརྟག་དཔྱད་མཇུག་འབྲས་ཤིག་ལྡན་དགོས་པའང་འཚུད་སྲིད་པ་ཡིན། གཤམ་འཁོད་དག་གི་འཛུལ་ཞུགས་དགོས་མཁོ་དག་ཞིབ་བཤེར་བྱ།:
-
ཁྱེད་ཉིད་རྒྱལ་ཁབ་གང་ཞིག་ཏུ་བསྐྱོད་ཀྱི་ཡོད་པ། ཡང་ན། རྒྱལ་ཁབ་གང་ཞིག་བརྒྱུད་ནས་བསྐྱོད་ཀྱི་ཡོད་པ།
-
དེའང་གནམ་གྲུ་འམ་སྣུམ་འཁོར་བཀོལ་སྤྱོད་པའི་དགོས་མཁོ་དག་ལྡན་དགོས།
རྒྱུ་ཆ།:
ཁྱིམ་དུ་ཕྱིར་ལོག་བྱེད་པའི་ཨོ་སི་ཊོ་ལི་ཡའི་མི་སེར་ཚོའི་ཆེད།
ཨོ་སི་ཊོ་ལི་ཡའི་ས་མཚམས་དག་སྒོ་ཕྱེ་ཡོད་པ་དང་། གཤམ་དག་གི་སྟེང་ Australian Government ཡི་དགོས་མཁོ་གང་ཡང་ལྡན་དགོས་མེད།:
- ཨོ་སི་ཊོ་ལི་ཡ་རུ་ཕྱིར་ལོག་བྱེད་པར་ COVID-19 ཡི་བརྟག་དཔྱད་མཇུག་འབྲས་ནེ་གེ་ཊིཝ་ཡི་དཔང་རྟགས་སྤྲོད་དགོས་མེད།
- COVID-19 ཡི་སྔོན་འགོག་སྨན་ཁབ་རྒྱག་པའི་དཔང་རྟགས་སྟོན་དགོས་མེད།
- ཁ་རས་གྱོན་དགོས་མེད། ཡིན་ནའང་ཁ་རས་གྱོན་པའི་སྐུལ་མ་གཏོང་གི་ཡོད།
འགྲིམ་འགྲུལ་འགན་བཅོལ།
གལ་ཏེ་ཁྱེད་རང་ཕྱི་རྒྱལ་དུ་ COVID-19 ཡི་ནད་གཞི་ཕོག་པ་ཡིན་ན། འགྲིམ་འགྲུལ་འགན་བཅོལ་དེ་གལ་འགངས་ཆེན་པོ་ཡིན། ཁྱེད་ཀྱི་འགན་བཅོལ་ནང་གཤམ་དག་འཚུད་པའི་ངེས་བརྟན་བྱ།:
- བརྒྱུད་བསྐྱོད་འགྲོ་ཡུལ།
- COVID-19 ཁོངས་སུ་འཇུག་པའི་ཆ་རྐྱེན།
- གྲུ་གཟིངས་ཀྱི་དམིགས་བཀར་འགན་བཅོལ་ལྟ་བུའི་ཁ་སྣོན་གཞན་དག
འགྲོ་ཡུལ་གྱི་ས་ཚིགས་འགའ་ཤས་སུ་འགྲིམ་འགྲུལ་པ་རྣམས་ལ་འཛུལ་བཞུགས་ཆ་རྐྱེན་ཚུལ་དུ་འགྲིམ་འགྲུལ་འགན་བཅོལ་ལྡན་དགོས་སྲིད་པའང་ཡིན།
གྲུ་གཟིངས་འགྲུལ་བསྐྱོད།
ཁྱེད་ཀྱི་གྲུ་གཟིངས་དང་འགྲོ་ཡུལ་གྱི་འགྲིམ་འགྲུལ་དགོས་མཁོ་གསར་ཤོས་དག་གི་ཆེད་སོ་སོའི་གྲུ་གཟིངས་མཁོ་སྤྲོད་པའི་ལྷན་ཞིབ་བཤེར་བྱ།
སྔོན་འགོག་སྨན་ཁབ།
Australian Government ནས་འགྲིམ་འགྲུལ་བ་ཚོ་ཡིས་གྲུ་གཟིངས་སྟེང་བཞོན་པར། སྔོན་འགོག་སྨན་ཁབ་རྒྱག་དགོས་པའི་དགོས་མཁོ་ལྡན་དགོས་མེད། གང་ལྟར་ཡང་། ང་ཚོས་གཤམ་དག་འོས་སྦྱོར་ཞུ་ཡི་ཡོད།:
- COVID-19 ཡི་སྔོན་འགོག་སྨན་ཁབ་རྒྱག་པའི་འོས་སྦྱོར་ཞུ་ཡི་ཡོད། གང་ལགས་ཞེ་ན། གལ་ཏེ་ཁྱེད་རང་སྔོན་འགོག་སྨན་ཁབ་རྒྱག་མེད་ན། ཁྱེད་ལ་ནད་གཞི་ཚབས་ཆེ་དང་ COVID-19 ཡི་ནད་ཡུན་རིང་པོ་ཕོག་པའི་ཉེན་ཁ་ཆེ་ཤོས་སྟེང་ཡོད།
- གལ་ཏེ་ཁྱེད་ཀྱིས་སྔོན་འགོག་སྨན་ཁབ་རྒྱག་མེད་ན། ཁྱེད་ཀྱིས་གྲུ་གཟིངས་ཐོག་མཚོ་འགྲུལ་བྱེད་པའི་ཐད་ཡང་བསྐྱར་བསམ་ཞིབ་བྱེད་པའི་འོས་སྦྱོར་ཞུ་ཡི་ཡོད།
གྲུ་གཟིངས་སྟེང་གློ་བུར་དུ་ནད་ཡམས་ཁྱབ་གདལ་བྱུང་བ།
འགྲིམ་འགྲུལ་གྱི་རིགས་གཞན་དང་བསྡུར་ན། མཚོ་འགྲུལ་གྲུ་གཟིངས་ཀྱིས་ནད་གཞི་ཁྱབ་གདལ་གཏོང་བའི་ཉེན་ཚབས་ཆེ་བ་ཡོད། COVID-19 དང་ཚད་རིམས་ལ་སོགས་པའི་འགོས་ནད་མང་པོ་ཞིག་སྡོད་ཤག་དམ་པོ་ནང་སྐྱེ་བོ་རྣམས་ཕན་ཚུན་འཚོ་གནས་དང་འདྲིས་ཐབས་བྱེད་པའི་རྐྱེན་གྱིས་ཁྱབ་གདལ་ལས་སླ་པོའི་ངང་འགྲོ་ཡི་ཡོད།
གལ་ཏེ་ཁྱེད་ཀྱི་གྲུ་གཟིངས་སྟེང་ COVID-19 ཡི་ཁྱབ་གདལ་བྱུང་བ་ཡིན་ན། ཁྱེད་ཀྱིས་གཤམ་དག་བྱེད་དགོས།:
- གྲུ་གཟིངས་སྟེང་སྔོན་འགོག་ཟུར་བཀག་བྱེད་དགོས།
- འགྲུལ་བཞུད་མཚམས་འཇོག་བྱེད་དེ་ཁྱེད་ཉིད་གནས་སའི་རྒྱལ་ཁབ། ཡང་ན། མངའ་སྡེ་འམ་ས་ཁུལ་དེའི་སྒྲིག་ཁྲིམས་དག་བརྩི་སྲུང་ཞུ་དགོས།
ཁྱེད་ཉིད་འགྲིམ་འགྲུལ་མ་བྱེད་གོང་། གྲུ་གཟིགས་ཐོག་བསྐྱོད་ཚུལ་གྱི་སི་མར་ཊི་འགྲིམ་འགྲུལ་པའི་ལམ་སྟོན་དག་ཞིབ་བཤེར་བྱ། དེ་དག་གི་ COVID-19 ཡི་བདེ་འཇགས་གྲོས་མཐུན་སྐོར་གྱི་དམིགས་བཀར་ཆ་འཕྲིན་ཆེད། ཁྱེད་ཀྱི་འགྲིམ་འགྲུལ་ངོ་ཚབ་བམ་གྲུ་གཟིགས་བཀོལ་སྤྱོད་པ་ལ་འབྲེལ་གཏུག་ཞུ།
མངའ་སྡེ་དང་ས་ཁུལ་གཞུང་གིས་བཀོལ་སྤྱོད་ལྡན་པའི་འཕྲོད་བསྟེན་གྲོས་མཐུན་དག་གོང་འཕེལ་གཏོང་བ་དང་གསར་སྒྱུར་བྱེད་ཀྱི་ཡོད། དེ་ཡིས་ཨོ་སི་ཊོ་ལི་ཡའི་ནང་གྲུ་གཟིངས་ཐོག་མཚོ་འགྲུལ་བྱེད་རྒྱུར་རམ་འདེགས་བྱེད་ཀྱི་ཡོད།
གྲུ་གཟིངས་བཟོ་ལས་ཀྱི་གྲོས་མཐུན་དག་གིས་ཀྱང་གྲུ་གཟིངས་ཐོག་ COVID-19 ཡི་ཁྱབ་གདལ་ཉེན་ཁ་ཆུང་དུ་གཏོང་བའི་རོགས་པ་ཡང་བྱེད་ཀྱི་ཡོད། འདིའི་ནང་གཤམ་དག་འཚུད་པ་ཡིན།:
- འགྲུལ་བཞུད་པ་ཚོར་སྔོན་འགོག་སྨན་ཁབ་རྒྱག་པའི་ལག་འཁྱེར་ལྡན་དགོས་པ།
- ཁྱབ་གདལ་བྱུང་ཚེ་སྟངས་འཛིན་འཆར་གཞི་ལྡན་པ།
- COVID-19 ཡི་བདེ་འཇགས་འཆར་གཞི་ལྡན་པ།
ཨོ་སི་ཊོ་ལི་ཡ་རུ་བསྐྱོད་མཁན་གྱི་རྒྱལ་སྤྱི་འགྲིམ་འགྲུལ་པ་ཚོའི་ཆེད།
ཨོ་སི་ཊོ་ལི་ཡའི་ས་མཚམས་དག་སྒོ་ཕྱེ་ཡོད་པ་དང་། གཤམ་དག་གི་སྟེང་ Australian Government ཡི་དགོས་མཁོ་གང་ཡང་ལྡན་དགོས་མེད།:
- ཨོ་སི་ཊོ་ལི་ཡ་རུ་སླེབས་པར་ COVID-19 ཡི་བརྟག་དཔྱད་མཇུག་འབྲས་ནེ་གེ་ཊིཝ་ཡི་དཔང་རྟགས་སྤྲོད་དགོས་མེད།
- COVID-19 ཡི་སྔོན་འགོག་སྨན་ཁབ་རྒྱག་པའི་དཔང་རྟགས་སྟོན་དགོས་མེད།
- ཁ་རས་གྱོན་དགོས་མེད། ཡིན་ནའང་ཁ་རས་གྱོན་པའི་སྐུལ་མ་གཏོང་གི་ཡོད།
འདིར་ཨོ་སི་ཊོ་ལི་ཡ་ནང་ཡར་འཛུལ་ཚུལ་དང་མར་ཐོན་ཚུལ་སྐོར་གཟིགས།