COVID-19 óiyede SARS-CoV-2 korunaváires é foida goijjéde bearam.
COVID-19 ór kisím ókkol neelat asé. Duniyabi Sehéti Tonzim (WHO) óiyede sinta ar ehétemam or kisím ókkol óre tuwoon or zimmadar.
Australiat sintar kisím ókkol cómmonde beec zanilo.
Solti abostá
Duniyabi Sehéti Tonzim (WHO) ye novel korunaváires (COVID-19) óre cára duniyair woba hísafe 11 Marec 2020 ot elan goijjé.
COVID-19 wobar elan ehónó salu asé.
Woba adde añára hían óre keén gorí entezam gorídde hían cómmonde beec zanilo.
Alamot ókkol
COVID-19 ekkán bearam zián korunaváires, SARS-CoV-2 váires or zoriya ó.
COVID-19 or alamot ókkol hálka óite hora fuijjonto óitfare.
Bazu manúic aásanir sáñte céfa óiza, zeñétte oinno hodún becí ocúikka óiza. Zodi tuñúi COVID-19 ór theés ot pozítiv óiyo, tuñúi tojuruba gorítfaro:
- zor
- hañcáni
- golar bic
- baçí niyác.
Beec maalumat ollá, COVID-19 or alamot ókkol óre foriso goróon or wore añárar hákikot nama soó.
Bazu manúic é honó alamot ókkol tojuruba nogoré (hítara be-alamoti) kintu hítara váires fargorái difare.
Lamba thaim asór ókkol
Becí bak manúic zará COVID-19 ólla theés ot pozítiv óiye fura céfa óizagói, kintu bazu manúic óttu Lamba COVID óizaifare.
Lamba COVID or alamot ókkol COVID-19 or híin loi forók. Tuñúi tojuruba gorítfaro:
- bol forani (hóirani)
- baçi niyac, dil fáldani ókkol, sínar bic yáto tongi
- yaad raká ar díyan diya loi mockil ókkol
- moza buzóon ar fuñwoon ot bodolani ókkol
- girá ar gusso bic.
Bazu thaim ókkol ót alamot ókkol iín boút háfta yáto mac deri tákitfare.
Lamba COVID cómmonde beec zanilo.