សួស្តី ខ្ញុំឈ្មោះ Dr Nicolas Tim ហើយខ្ញុំជាវេជ្ជបណ្ឌិត។
ខ្ញុំនឹងពន្យល់ពីវិធីដែលវ៉ាក់សាំងបង្ការជំងឺកូវីដ-១៩ដំណើរការ។
វ៉ាក់សាំងត្រូវបានគេចាក់ចូលក្នុងខ្លួនរបស់អ្នក។
វ៉ាក់សាំងមិនយកអ្វីចេញពីរាងកាយរបស់អ្នកទេ
ហើយវាមិនផ្លាស់ប្តូរហ្សែន ឬ DNA (ឌីអិនអេ) របស់អ្នកដែរ។
វ៉ាក់សាំងបង្ការជំងឺកូវីដ-១៩ បង្រៀនរាងកាយរបស់អ្នកឱ្យស្គាល់
ហើយប្រយុទ្ធប្រឆាំងនឹងវីរុសកូវីដ-១៩។ វាមិនមានផ្ទុកជំងឺកូវីដ-១៩ទេ
ហើយអ្នកក៏មិនអាចឆ្លងជំងឺកូវីដ-១៩ ពីការចាក់វ៉ាក់សាំងបានដែរ។
ផលប៉ះពាល់កម្រិតស្រាលនានាដូចជាឈឺក្បាល ឬឈឺសាច់ដុំ
មានន័យថាវ៉ាក់សាំងកំពុងដំណើរការហើយ។
វ៉ាក់សាំងបង្ការជំងឺកូវីដ-១៩ ជួយការពារជំងឺធ្ងន់ធ្ងរ និងការស្លាប់។
មនុស្សគ្រប់រូបអាចបំពេញតួនាទីរបស់ពួកគេ ដើម្បីការពារក្រុមគ្រួសារ
និងសហគមន៍របស់ពួកគេដោយការចាក់វ៉ាក់សាំង។
សម្រាប់ព័ត៌មានបន្ថែមអំពីវ៉ាក់សាំងបង្ការជំងឺកូវីដ-១៩ សូមចូលមើល
health.gov.au/covid19-vaccines ឬទូរស័ព្ទ
ទៅបណ្តាញទូរស័ព្ទជំនួយស្តីពីវីរុសកូរ៉ូណា លេខ 1800 020 080។
សម្រាប់សេវាកម្មបកប្រែភាសាសរសេរ និងនិយាយ សូមទូរស័ព្ទលេខ 131 450។