ဟဲလိၣ်, ယမံၤမ့ၢ် Eh Ler Moo ဒီးယမ့ၢ် ပှၤကွၢ်ထွဲပှၤဆါန့ၣ်လီၤႋ
ယကတဲနၢ်ပၢၢ်ဘၣ်ဃး COVID-19 ကသံၣ်ဒီသဒၢမၤတၢ်ဒ်လဲၣ်အဂ့ၢ်န့ၣ်လီၤႋ
ကသံၣ်ဒီသဒၢတဖၣ် ဘၣ်တၢ်ဆဲးနုာ်လီၤဆူနမိၢ်ပှၢ်အပူၤန့ၣ်လီၤႋ
အ၀ဲသ့ၣ်တထုးကွံာ်တၢ်လၢနနီၢ်ခိပူၤနီတမံၤဘၣ်ဒီး အ၀ဲသ့ၣ်တဆီတလဲ
နတၢ်လီၤစၢၤလီၤသွဲၣ်ဂံၢ်ထံး မ့တမ့ၢ် DNA ဘၣ်န့ၣ်လီၤႋ
COVID-19 ကသံၣ်ဒီသဒၢတဖၣ် ကသိၣ်လိနနီၢ်ခိလၢကသ့တိၢ်နီၣ်ဒီးတြီဆၢကွံာ်
COVID-19 ဘဲရၢး(စ)အဂီၢ်န့ၣ်လီၤႋ အ၀ဲသ့ၣ်တပၣ်ဃုာ်ဒီး COVID-19
အဃၢ်ဘၣ် ဒီးနဘၣ်ဂာ်ဒီး COVID-19 လၢတၢ်ဆဲးကသံၣ်ဒီသဒၢအဃိတသ့ဘၣ်န့ၣ်လီၤႋ
ကသံၣ်အတၢ်ဒိဘၣ်အစၢ်တဖၣ်, ဒ်အမ့ၢ်ခိၣ်ဆါ မ့တမ့ၢ် ထူၣ်ပျၢ်တကံတကး,
အခီပညီမ့ၢ်ကသံၣ်ဒီသဒၢမၤတၢ်ကဲထီၣ်လိၣ်ထီၣ်န့ၣ်လီၤႋ
COVID-19 ကသံၣ်ဒီသဒၢတဖၣ် ဒီသဒၢစၢၤတၢ်ဆူးတၢ်ဆါအဒိၣ်ဒိၣ်မုၢ်မုၢ်
ဒီးတၢ်သံတၢ်ပှၢ်သ့န့ၣ်လီၤႋ ပှၤကိးဂၤဒဲးမၤမူဒါလၢ သ့လၢကဒီသဒၢ
ဘၣ်အဟံၣ်ဖိဃီဖိဒီးပှၤတ၀ၢသ့ခီဖျိတၢ်ဆဲးကသံၣ်ဒီသဒၢန့ၣ်လီၤႋ
လၢမၤန့ၢ်အါထီၣ်တၢ်ဂ့ၢ်တၢ်ကျိၤဘၣ်ဃးဒီး COVID-19 ကသံၣ်ဒီသဒၢအဂီၢ် ကွၢ်ဖဲ
health.gov.au/covid19-vaccines မ့တမ့ၢ် ကိးလီတဲစိဆူ
National Coronavirus Helpline ဖဲ 1800 020 080 တက့ၢ်ႋ
လၢတၢ်ကွဲးကျိးထံဒီးတၢ်ကတိၤကျိးထံအတၢ်မၤစၢၤအဂီၢ် ကိးလီတဲစိဖဲ 131 450 တက့ၢ်ႋ