COVID-19 vaccination – Video – COVID-19 vaccine safety and approval process (Assyrian)
In this video, in Assyrian, Doctor Toma provides information about the safety process that COVID-19 vaccines go through before being approved by the Therapeutic Goods Administration (TGA).
ܘܐܵܢܵܐ ܝܘܸܢ ܚܲܕ ܐܵܣܝܵܐ. ܫܸܡܝܼ ܝܼܠܹܗ ܐܵܣܝܵܐ ܬܐܘܿܡܵܐ ܐܹܪܲܡܝܵܐ ܡܝܼܟ݂ܵܐܹܝܠ.
ܒܸܕ ܦܲܫܩܸܢ ܕܵܐܟ݂ܝܼ ܝܵܕܥܲܚ ܕܛܘܼܥܵܡܹ̈ܐ ܕ COVID-19 ܕܐܘܿܣܬܪܵܠܝܼܵܐ ܫܲܝܢܵܝܹܐ ܝܢܵܐ ܘܡܲܦܠܲܚܬܲܝܗܝ ܡܲܢܬܸܝܵܢܬܵܐ ܝܠܵܗ̇ ܘܡܵܪܵܐ ܝܘܼܬܪܵܢܵܐ.
ܛܘܼܥܵܡܹ̈ܐ ܕ COVID-19 ܕܦܝܼܫܹܐ ܝܢܵܐ ܡܫܘܼܪܸܪܹܐ ܕܦܵܝܫܝܼ ܡܘܼܦܠܸܚܹܐ ܓܵܘ ܐܘܿܣܬܪܵܠܝܼܵܐ ܦܝܼܫܠܗܘܿܢ ܡܛܘܼܘܸܪܹܐ ܒܚܲܕ ܕܲܪܓ݂ܵܐ ܥܸܠܵܝܵܐ ܕܛܵܒ݂ܘܼܬܵܐ، ܐܲܝܟ݂ ܚܲܕ ܦܠܵܛܵܐ ܕܦܘܼܠܚܵܢܵܐ ܥܲܡܚܕܵܕܹܐ ܕܒܵܨܘܿܝܹ̈ܐ ܘܝܲܕܘܼܥܬܵܢܹ̈ܐ ܓܵܘ ܟܠܵܗ̇ ܬܹܒ݂ܹܝܠ، ܘܕܚܕܵܐ ܟܡܵܝܘܼܬܵܐ ܓܘܼܒ݂ܪܬܵܐ ܕܡܵܠܵܐ ܘܕܡܲܦܠܲܚܬܵܐ ܕܬܸܟܢܘܿܠܘܿܓ݂ܝܼܹ̈ܐ ܚܲܕܬܹ̈ܐ.
ܐܘܿܣܬܪܵܠܝܼܵܐ ܐܝܼܬܠܵܗ̇ ܟܝܘܼܠܹ̈ܐ ܩܸܫܝܹܐ ܩܵܐ ܫܲܝܢܘܼܬܵܐ ܘܨܦܵܝܘܼܬܵܐ ܘܡܲܘܬܪܵܢܘܼܬܵܐ (ܡܵܪܹܐ ܝܘܼܬܪܵܢܵܐ) ܘܨܢܝܼܥܘܼܬܵܐ (ܡܬܲܪܲܨܬܵܐ) ܕܛܘܼܥܵܡܹ̈ܐ.
ܛܘܼܥܵܡܹ̈ܐ ܕ COVID-19 ܕܐܘܿܣܬܪܵܠܝܼܵܐ ܗܘܹܐ ܠܗܘܿܢ ܢܲܨܝܼܚܹܐ ܓܵܘ (ܦܘܼܠܛܲܝܗܝ ܠܗܘܿܢ) ܨܲܚܨܵܝܵܬܹ̈ܐ ܩܸܫܝܹܐ ܕ Therapeutic Goods Administration، ܘܐܵܗܵܐ ܡܲܥܢܵܝܹܐ ܝܠܹܗ ܕܐܵܢܝܼ ܫܲܝܢܵܝܹܐ ܝܢܵܐ ܘܡܵܪܹܐ ܝܘܼܬܪܵܢܵܐ ܩܵܐ ܢܛܵܪܬܵܐ ܕܐ݇ܢܵܫܹ̈ܐ ܡܸܢ ܡܲܪܥܵܐ ܩܸܫܝܵܐ ܘܐܵܦ ܡܸܢ ܡܵܘܬܵܐ.
ܛܘܼܥܵܡܹ̈ܐ ܒܸܕ ܢܵܛܪܝܼ ܩܵܐܠܵܘܟ݂ܘܿܢ ܘܩܵܐ ܒܲܝܬܘܼܬܵܘܟ݂ܘܿܢ ܘܩܵܐ ܟܢܘܼܫܬܵܐ.
ܠܸܩܢܵܝܵܐ ܒܘܼܫ ܙܵܘܕܵܐ ܡܲܘܕܥܵܢܘܼܬܵܐ ܒܘܼܬ ܛܘܼܥܵܡܹ̈ܐ ܕ COVID-19، ܣܲܚܒܸܪܘܼܢ ܠܫܵܘܦܵܐ health.gov.au/covid19-vaccines ܝܲܢ ܩܪܘܼܢ ܩܵܐ ܚܘܼܛܵܐ ܐܘܼܡܬܵܝܵܐ ܕܗܲܝܲܪܬܵܐ ܕܒ݂ܵܝܪܘܿܣ ܟܘܿܪܘܿܢܵܐ (National Coronavirus Helpline) ܥܲܠ ܡܸܢܝܵܢܵܐ 1800 020 080. ܠܩܲܒܘܼܠܹܐ ܚܸܠܡܲܬܹ̈ܐ ܕܬܲܪܓܲܡܬܵܐ، ܩܪܘܼܢ ܥܲܠ ܡܸܢܝܵܢܵܐ 131 450
