Koronavairasi (Koviti-19)

Mo le a’oa’o ma lou silafiaina o le fa’ama’i o le koronavairasi (COVID-19), o auala taua e tatau ona fai aua le puipuiga o oe, lou aiga ma lou alalafaga, ma le sailia o le mea e tatau ona fai pe a maua seisi o le aiga i le fa’ama’i.

E uiga i le COVID-19

COVID-19 o se fa'ama'i ua mafua mai ona o le coronavirus, SARS-CoV-2 I nisi o tagata e vaivai auga o le ma'i, a'o nisi e mafua mai ai le ma'i ogaoga ma le maliu.

Auga o COVID-19

Tele tagata o maua i le COVID-19 latou te fa'alogoina ni auga vaivai. E mafai ona taulimaina auga o le ma'i i le inuina o fualaau masani mo mea tigā.

Siaki auga o le ma'i

O auga masani O auga e le masani iai O auga ogaoga

fiva po'o le maualuga o le vevela

tigā le ulu

faigatā ona mānava

fa'alagonaina le ivaivā tele tigā le fa'a'i moana laugutu po'o foliga
kale - isi taimi e sau ma le fatu kale tulaga vaivai o le le lava o le mānava tigā pe fufusi mai totonu o le fatafata
le lagona le tofo i meaai ma/po'o le manogi tigā maso po'o soona o le tino malulu ma afugia, po'o le sesega ma totolia le pa'u
tafe le isu matapogia po'o ua pau
fa'ama'alili le mautonu
fa'afaufau/fa'asuaki ua faigata ona ala i luga
manava tatā laititi po'o le leai o se feau vai

Afai o iai ni auga ogaoga o lo'o ta'ua i luga, valaau le 000 i le taimi lava lenā. Ta’u i le tagata tali telefoni o oe ua maua i le COVID-19 ma e ogaoga auga, ma e te mana’omia se ambulance e alu atu ia te oe.

Valaau i le 000

Afai e le lelei sou fa'aPeretania fesili mo se 'ambulance' ma fa'atali mai i luga o le laina e talosagaina se fa'amatalaupu.

Afai o lo'o iai pea auga o le COVID-19 ma ua sili atu ma le 6 vaiaso talu ona e maua i le fa'ama'i, talanoa i le auaunaga o lo'o tausia lou soifua maloloina.

Pe fa'apefea ona e puipui atu ia te oe ma isi tagata

E mafai e tagata uma ona faia se sao i le fa'atelegeseina le sosolo o le COVID-19. Ina ia puipuia ai isi ma tumau ai oe, e tatau ona:

  • fa'atinoina o tulaga tumama
  • fa'atinoina o le tulaga nofo mamao ma tumau i le 1.5 mita le va mai isi tagata
  • faʻaaoga se ufi fofoga
  • fai lau siaki ma e tatau ona fa'anofoesea oe pe a mana'omia.

A'oa'o atili e uiga i le nofo saogalemu i le COVID-19.

O le auala sili e puipuia ai oe, lou aiga ma lou nu'u mai le COVID-19 o le faia lea o au tui puipui.

O tagata o lo'o maualuga le tulaga o le a'afiaga

O nisi o tagata e mama'i tigaina pe a maua i le COVID-19. O tagata e maualuga le tulaga o le a'afiaga e mafai ona aofia ai:

  • tagata matutua
  • tagata o lo'o iai fa'afitauli tau soifua maloloina
  • Tagata Apoliki ma tagata o le motu o Torres Strait
  • Tagata e iai manaoga fa'apitoa.

Faiga o su'esu'ega

Afai o iai ni auga o le COVID-19, tusa lava pe e vaivai, e tatau ona fai lou su'esu'ega i se taimi vave. O le vave maua o le COVID-19 o lona uiga e mafai ona e fesoasoani e taofi le sosolo o le siama i au uo, aiga ma lou nu'u.

E 2 ituaiga o suega e mafai ona fa'aalia mai ai pe a maua oe i le COVID-19:

  • polymerase chain reaction (e na'o falema'i tau su'esu'ega o le COVID-19 e te savali i totonu po'o le aveina o le ta'avale)
  • o suega o le rapid antigen (e masani ona taua o le RAT).

E mafai ona e fa'atauina siaki o le rapid antigen i luga o le upega tafailagi, ma nisi supamaketi, faleoloa i nofoaga i tua ma fale penisini mo le fa'aaogaina tumaoti.

Afai e iai ni ou auga o le COVID-19, e mafai ona e maua fua se suega i se falema'i mo su'esu'ega o le COVID-19 e na'o auala savali i totonu po'o le aveina o le ta'avale i autafa.

E maua fua su'ega o le rapid antigen mo i latou o lo'o umia pepa fa'ataga a le Malo mo pāu

E mafai ona e maua fua suega o le rapid antigen pe afai e iai sau pepa fa'ataga a le Malo o le Taupulega:

  • Commonwealth Seniors Health card
  • Department of Veteran's Affairs card lanu Auro, Pa'epa'e po'o le Moli
  • card o le tausiga o le Soifua Maloloina
  • Low Income Health Card
  • Pensioner Concession Card.

E mafai ona e mauaina le 10 suega o le rapid antigen i le 3 masina (le maualuga o le 5 i le 1 masina) e ala i fale talavai auai mai nu'u ma afioaga.

O le a le taimi e fai ai suega

E tatau ona faia sou suega o le COVID-19 pe afai e te:

  • maua i auga o le COVID-19
  • sa vavalalata ma se tagata ua maua i le fa'ama'i
  • ua fautuaina e se tagata e iai le tomai fa'apitoa fa'asoifua maloloina, po'o le pulega fa'asoifua maloloina i lou setete po'o le teritori
  • alu i le aoga po'o le galuega o lo'o iai se polokalame e mataituina ai le COVID-19.

O oe o se tagata e feso'ota'i vavalalata pe afai e te:

  • nofo fa'atasi i le fale e tasi ma se tagata ua fa'amaonia ua maua i le fa'ama'i
  • fa'atasi ma se tasi o lo'o maua i le COVID-19 mo le 4 itula pe sili atu i le fale, nofoaga tau soifua maloloina po'o nofoaga o tausi ai tagata matutua
  • ua logoina oe e le matagaluega ole soifua maloloina o lau setete po'o le teritori o oe o se feso'otaiga vavalalata.

O manaoga mo le fa’anofoesea ma le siaki mo tagata sa vavalalata ma se ua maua i le COVID-19 e fuafua i le setete po’o le teritori o lo’o e aumau ai. Afai o oe sa e vavalalata i se tagata ua maua i le COVID-19, asiasi i le upega tafailagi a le matagaluega o soifua maloloina i lou setete po’o le teritori e vaai po’o a tulafono e fa’atatau atu ia te oe.

Pe a mae'a lau su'esu'ega

A mae'a ona fai lau su'esu'ega, e tatau ona fa'anofoesea oe i le fale seia maua le taunuuga o lau suega. Afai e le maua oe i lau suega, e le mana'omia ona fa'anofoesea oe.

A'oa'o atili e uiga i le su'esu'eina o le COVID-19.

O le a le mea e fai pe a fai ua maua oe i lau suega

Afai ua maua oe i le COVID-19, e tatau ona fa'anofoesea oe i le fale i le taimi lava lena.

Afai na fai lau suega i se falema'i tau savali pe ave ta'amilo ai le ta'avale, o le a fa'afeso'ota'i atu le matagaluega a lau soifua maloloina.

Afai na fai lau suega o le rapid antigen i le fale, fa'ailoa i le pulega o le soifua maloloina ina ia latou siakiina po'o ai e mana'omia le fesoasoani. Mulimulita'i i le fautuaga tau soifua maloloina a le tou nu'u e lesitala ai ua maua i le COVID-19.

O manaoga mo le fa’anofoesea ma le siaki mo tagata sa vavalalata ma se ua maua i le COVID-19 e fuafua i le setete po’o le teritori o lo’o e aumau ai. Afai o oe sa e vavalalata i se tagata ua maua i le COVID-19, asiasi i le upega tafailagi a le matagaluega o soifua maloloina i lou setete po’o le teritori e vaai po’o a tulafono e fa’atatau atu ia te oe.

Tui puipui o le COVID-19

Afai sa maua oe i le COVID-19 ma ua e toe manuia, e tatau ona fai pea lou fuataga o lo’o soso’o o le COVID-19 tui ina ia tumau ai le ‘tu’ulata’ a le tulaga o lou tui puipui o le COVID-19.

E fautuaina tagata ua manuia mai le COVID-19 ina ia fai a latou tui puipui o lo’o so’soo i le tolu masina pe a mae’a ona maua i le fa’ama’i.

Fa'anofoesea

O le uiga o le Fa'anofoesea:

  • nofo i le fale - aua le auai atu i galuega po'o le aoga, asiasi i nofoaga faitele, pe malaga i fela'uaiga lautele, i ta'avale ave pasese po'o auaunaga tau fela'uaiga fa'asoa.

E tatau ona e nofo vavamamao mai isi tagata i totonu o lou fale. Nofo i se potu e ese mai, lelei le savili ma taumamao ma isi tagata.

Afai e le mafai ona e fa'anofoesea oe i se potu, e tatau ona e:

  • aloese mai nofoaga o lo o fa'aaogaina e le toatele i totonu o le fale
  • fai se ufifofoga pe a alu ifo i vaega o le fale o lo'o fa'aogaina fa'atasi ma le toatele
  • solo so'o se mea e te pa'i iai
  • a mafai, fa'aaoga se fale taele e ese mai fa'apea e le fa'aaogaina e isi. Afai e te fa'aaogaina fa'atasi se faletaele ma isi, solo ese so'o se mea e te pa'i ai ma tapuni ma fa'aalu le ipu faleuila
  • aua ne'i fa'atagaina tagata asiasi e ulufale atu i lou fale, se'i vagana ai o latou ia e tu'uina atu togafitiga fa'afoma'i talafeagai po'o tausiga tau le tagata ta'ito'atasi, po'o auaunaga o fa'alavelave fa'afuase'i
  • kiliva sa'o atu i lau fale ia fa'atauga o meaai ma isi mea taua.

O tagata e masani ona nonofo i lou fale ma oe e mafai ona nonofo iina pe a lē mafai ona latou nonofo i se isi mea i lea taimi.

O le tele o tulaga tau COVID-19 e mafai ona taulimaina i le fale - aemaise i tagata ua mae'a ona fai a latou tui puipui. Faitau atili i mea e tatau ona e faia ma fa'amoemoe iai:

Fa'asusuina o lau pepe pe afai ua maua oe i le COVID-19

Afai o lagona le malosi, e mafai ona fa'aauau pea le fa'asusuina o lau pepe. O vaila'au tinei siama o le a pasi mai ia te oe i lau pepe.

A iai ni au atugaluga, po'o iai ni au fesili, e mafai ona e valaau i le Laina Fesoasoani i le Fa'asusuina o lau pepe. O lenei laina fesoasoani o lo'o avanoa i le 24 itula o le aso, 7 aso o le vaiaso.

1800 686 268

 Afai e mana'omia se fa'aliliu'upu, valaau le Translating and Interpreting Service i le 131 450 ma fesili atu ia te i latou e telefoni le Laina Fesoasoani mo le Fa'asusuina o lau pepe.

Afai ua maua lau alo i le COVID-19

O le su'esu'eina o lau tama i le COVID-19 e mafai ona matua fa'apopoleina ai oe ma lou aiga. E seasea maua tamaiti i ma'i ogaoga o le COVID-19. O le tele o tamaiti e leai ni auga o le fa'ama'i, pe na'o ni auga vaivai. O le tele o tamaiti e leai ni auga, po'o le vaivai o auga o le ma'i.

Afai o e popole i auga o le ma'i a lou alo, fa'afeso'ota'i lau foma'i i se taimi vave.

Afai ua alia'e ni auga ogaoga i lau alo, valaau le 000 i le taimi nei. Afai e te le tautala i le gagana Igilisi, fesili mo le 'ambulance' ma tumau mai i luga o le laina ina ia fesili atu mo se fa'aliliuupu.

Togafitiga tu'u fofoga o le COVID-19

O togafitiga tu'u fofoga o le COVID-19 o se filifiliga mo le togafitia o tulaga vaivai i le feololo o le COVID-19 i tagata matutua. O nei vaila'au fa'afoma'i e fa'apea ona inuina o se fuala'au e mafai ona vailua afa po'o fuala'au e le mafai ona vailua afa.

O togafitiga tu'ufofoga o le COVID-19 e le talafeagai mo tagata uma. E fa'atoa mafai lava ona e mauaina pe afai ua fa'atonuina mai e le foma'i.

Sailiili atili e uiga i togafitiga mo le COVID-19.

O fea e maua ai se fesoasoani

Afai e mana'omia se fa'amatalaupu valaau le National Coronavirus Helpline, ma filifili le filifiliga 8. O lenei laina ua atofa mo le 24 itula i le aso, 7 aso o le vaiaso.

1800 020 080

Afai e mana'omia se fa'amatalaupu valaau le National Coronavirus Helpline, ma filifili le filifiliga 8.

Fesoasoani tau tupe

E maua le fesoasoani tau tupe pe a mana'omia. Asiasi i le Services Australia ma oomi 'Translate' e saili ai fa'amatalaga i lou lava gagana.

Lagolago fa'asoifua maloloina mo le tino ma le mafaufau

Afai e iai sau Medicare card e mafai ona e fa'aaogaina le auaunaga o le telehealth e ala i le telefoni po'o le vitio.

Afai o lo'o e a'afia i ni fa'afitauli ogaoga tau soifua maloloina o le mafaufau mai le COVID-19, e mafai ona e maua ni vaega fa'aopoopo tau soifua maloloina o le mafaufau.

Ina ia faia se feiloa'iga ma le telehealth po'o le maua o se tau aofaiga tau soifua maloloina o le mafaufau, valaau le auaunaga o lo'o tausia lou soifua maloloina.

Afai o e mana'omia se fesoasoani i le taimi nei

Afai o lo'o mana'omia se fesoasoani i le taimi nei, o lo'o tele auaunaga mo le soifua maloloina o le mafaufau e mafai ona e valaau iai:

Afai e te le saogalemu i lou aiga ona o le sauaga i totonu o aiga valaau le ofisa leoleo i lou setete po'o le teritori po'o le vili i le 1800 RESPECT (1800 737 732).

O TIS National na te fa'afeso'otaia oe i nei auaunaga pe afai o e mana'omia se tagata fa'aliliu upu

131 450

Punaʻoa

Last updated:

Help us improve health.gov.au

If you would like a response please use the enquiries form instead.